1 Tesalonika 1:10 - Allahle a neme heteungekoke homofae

¹⁰ Nane merau mana mayae Allahle Kelu Yesusre mahe yora waleungeboke Kiyae benen surgara mende rabo halaeube. Neyae u mekai beko ro miyaere Allahle romou han kommilere aere hole molommebonde.

1 Tesalonika 1:10 ပူးပေါင်းရင်းမြစ်များ

Matius 1:21

Maria Kelu Fabe hononde, Na ro Yesus yae hele roungebonde. Rabuhine ban nebei Kiyae yae hele nda kanina kelana ro miyae hole emmimolonde na beko neban mokoyatera emmifaeinyende.”

Matius 16:27

Rabuhine ban Reyae Allahle bokora mekale ro miyae uware yeubokale Kiyae Maeko naei one hengko hehe kaban bele einye na malaikat yoni-yoni bele surgara memale. Nebei hee yae Reyae ro miyaere na u mekai wa mekai mokowate huluinye isemile.

Matius 16:28

Nana heselebe Reyae wamale, ndane mewarileufike ro miyae mai nolona hiwa eherei mo nekenate, Reyae Allahle bokora mekale ro miyae uware yeubokale Kiyae Wali Ondofolore yolu ikilaiseboke one hengko bele ma yae merele erenaisele.”

Matius 3:7

Yahudi era henare na bereise eraimi holo mbai Farisi yae ro raimiboke yo nane merau nulu yo mahe yora benen ewaleiboi are kelaeimi Saduki yae ro raimiboke yo helen sele bure kowoumi anuwaufe mekate. Nebei yo erekeumine Yohanes yae weumi, “Mayae rami ehekaei wanen hangkei, faeu kai bee. Allah mare ehee bukulu inyembombe belene mai walire himalonnebombe naeise, nde yae mare angkaa yobombokembe?

Lukas 2:25

Nebei hee Yerusalem yone ro mbai nekewole na ro Simeon, na wali himaloungeboke nekeweke. Allahle are hubara haeisa yaneungeke, nane merau Allah yae Israel ro miyae yokeijo naei me eisa memmihayengkondere ereiko rakeiko koweke. Allahle Roh yae Naei uware ei haweungeboke.

Lukas 3:7

Ro miyae Yohanes bure kommilere nekai mewate nebeibe Yohanes yae weumi, “Nda ro miyae mewaube rami orona mena wanen. Nde yae angkaa yobombokembene Allahlena ehee bukulu menensayembera henensombe.

Kisah 1:11

Hokolo bee yae weimi, “Ae, Galilea kanina ro miyae, rahene nebeinye hebaube mai ijoko yakure mo kanaube? Nane Yesus mbai mayae ijokore eraunge surgare mai nolora raneuweke ele wanen mbai Neyae benen bukensinde mende.”

Kisah 17:31

Rabuhine ban, Allah ukeunge ro mbai yae nda kani kelana nekate ro miyae naei walire na ijen mae hului kolommile naei ya mbai mokoungehake. Allah here yo nolora huluise kolommile ro aungenuke walora ro miyaere keleumikoke nebei ya na hele bende.”

Kisah 2:24

Nebeibe herewate yo nolora Allah yae waleungeboke. Neyae herera beko hubaungekoke nebeibe Allah raneungejeke, rabuhine ban Neyae here yae eheraweiboi ohonoi Kiyae.

Kisah 2:32

Nda Yesus mbai herekerabe Allah yae waleungeboke nebei rambun-rambun bewatere nemene enaei ijoko yae erewande.

Kisah 3:15

Ro miyae nemene naei wali no Kiyaere mayae haubokaube, nebeibe menaei ijoko yae erewande nulu yo mahe yora Allah benen waleungeboke.

Kisah 3:21

Yesus surgane mo nekenfonde, Allahle yenjo kayaayo u mekai yolo-yolo bele yo naei euwara nendahina a heteungekoke huluinye Allah nemene fomene neme mokonnebondera Yesus bukensinde mende.

Kisah 4:10

Mayae nane merau Israel ro miyae yoni-yoni nda a mayae isaeyembombere borombo: Nebei Nasaret na ro Yesus Wali Ondofolo Kiyaele ro yae nda ro onomi fokare rouke mana mai bene meke hebele eraunge. Mayae nebei Yesusre ohaline baukoke, nebeibe Allah benen waleungeboke.

Roma 1:4

Nare herewate yo u nolo u kaisa aungunuke yae Allah elae wake belere keleumiboke, nebei Kiyae Naei Kelu helere yeuboke nane merau Allahle u mekai mbaibe nekele. Naei Kelu aei Tuhan Yesus Wali Ondofolo.

Roma 2:7

Ro miyae u mekai foi na hibi-hibi mokayeke walora uwa emmikaende naei bele be emmihinende naei bele nane merau wali hem ban kana ban belere baete yore, Allah yae wali hena bona emmiyende.

Roma 4:25

Allah yae aei beko aerene Yesus kinyeumiboke haiboke. Nare hila rabo halemande yae wali himalainyeboke yo yae me baemmele naeise, Allah Yesusre herewate yo u nolo u kaisa aungunuke.

Roma 8:34

Ro miyae mbai sambai aere me onoyoi sului, rabuhine ban Yesus Wali Ondofolo, herekera benen nulu yo mahe yora aunguke Allahle kendan wameran meube reufine ekenekele Kiyae, aei aerene oleyele!

1 Korintus 1:7

Nebei aerene mayae Yesus Wali Ondofolo benen mende uwa yakambonde yare rei mai yae rakaunge yae, Allahle Roh yeumi meli mekai yoni-yoni mai nolone kalo omoloiboi.

Galatia 3:13

Musalena wali heere foloukoke na ijen foijen mae hakomabondere kabaennekoke. Hi yae ha yae ehakoiboi sului. Nebei aerene nemene fomene olomo yae aeumefoke. Nebeibe Wali Ondofolo nebei olomo honowatere aheukoke baeufoke. Allahle homofaene nda wanen molaikoke, “O bumane nenainyejende hilonde kiyaere olomo neungeboke.” Wali Ondofolo aei aerene ohaline baikoke hee, Musale walora wali heere foloukokena olomo neumeboke Neyae kaeuboke. Nebei nibi yae aere neumeboke olomore aheukoke baeufoke.

Filipi 3:20

Nebeibe surga aei kani kela niyae. Nebei anuwaufa aei walilo Tuhan Yesus Wali Ondofolo bensonde mendere kena maemae yae rakeyannele.

Kolose 1:18

Yesus jemaat Yunde yeuboke. Neyae na huba raweiboi Kiyae. Nulu yo mahe yora ainyuke holo yo Neyae na bena Kiyaere yeuboke, nemene fomene naei Ondofolore yembonde naeise.

1 Tesalonika 1:7

Nebei nibi yae wali foi nekenate mare mayae Makedonia kanina bele Akhaya kanina bele Yesusre hakoyainye ro miyaere kelaeumiboke.

1 Tesalonika 2:7

Meyae Wali Ondofolo Yesusle abu akore yaendebokene, rambun-rambun na hului mare riyayemberebe, nebeibe meyae wali nime haba mai nolone nekewande, kelu omire miyae mbai holele wanen mae meyae mare holewayembe.

1 Tesalonika 5:9

Allah merau raungehike Na romou ikele han konde eyae ehubasi naeise, aei Tuhan Wali Ondofolo Yesusle walora hole molommebonde.

2 Timotius 4:1

Allahle ro be ro yoinye nane merau Yesus Wali Ondofolo benen mende yo waku nembonde, nda kani kelana ro miyae walire nekate yo bele, herewate yo bele, naei wali huluise kolommikonde Kiyaele ro be ro yoinye nda a niyae elae yae wawale:

Titus 2:13

Nda wali ma yae nekemale aei rei maise mokommekonde rabo halaende Kiyaere rakemande. Aei rei maise mokommekonde rabo halaende Kiyae nda Niyae: Allah Walilo, Wali Ondofolo Yesus, na bumana hele Kiyae Nauwa wili halaman ma mae benen bensonde mende.

Ibrani 10:27

Nebei wali ma nekandena, buhae yae hokommele rakemale Allah me nommeyondera Naei yokeijo bele italo naumene hukelenaimekonde.

Ibrani 9:28

ro miyae helen bolen naei beko bakore kaeuboke naeise Yesus Wali Ondofolo roko mbai Naei uwa kinyeumiboke haiboke. Nane merau Neyae roko bee nendo bennehonde mendene, ro miyae naei beko bako kaeiboise ban, nebeibe ro miyae Nare rakeimeyainye yore hole molommibonde naeise mendere.

1 Petrus 1:21

Allah yae Yesus Wali Ondofolore here u nolo u kaisa aungunuke nane merau hili hebewounge. Nebeinye, Wali Ondofolo Naei a elelere hila rabo halaeunge walora mayae na hele Allahre hila rabo halaeungele nane merau rabo elae halaeungele Neyae wali hena bona inyembe.

1 Petrus 1:3

Allah aei Tuhan Yesus Wali Ondofolole Akore bumane kaemanende, rabuhine ban Neyae nda nibi yae aere yanekoi yase yae ei hawewoume: Yesus Wali Ondofolo ro miyae herewate nolora aunguke walora mokoumeboke aei kena ure benen neme honoumekoke. Nebei aerene aei wali nekande yae wali hena bona emayaronde naei bele Allah yae rambun foi yoni-yoni mokoungehake naei belere eyae rabo elae halaende. Nebei rambun yoni-yoni kakare eyeiboi, bekore eijeiboi, ure eyeiboi, nane merau mai naeise surgane koloukoke ekaisonate.

1 Petrus 2:21

Nebei wali mare Allah mare kaenengkokembe, rabuhine ban Wali Ondofolo mai aerene beko hubawounge. Neyae kelembokembe wali bune wane hamennembe.

1 Petrus 3:18

Rabuhine ban Wali Ondofolo ro miyae naei beko bako faeinyemmibonde naeise, roko mbai hereke. Mare mokonembombe Allahle ro be ro yoinye u mekai foi yae me baembe naeise, wali himaloungeboke Kiyae ro miyae wali ehimaloiboi yo naeise hereke. Naei uwa herekebe, nebeibe Naei Roh na hibi wali nekewole.

2 Petrus 3:14

Nebeinye aka naei baeke naei, nda heera mayae nebei rambun benatere rakembene, Allah kenare kole huluinye mokombere elae relennembe, mai walire Neyae a beko elei sului naeise.

Wahyu 1:18

Reyae Niyaebe ya wali no Kiyae. Reyae herekalebe, nebeibe ereise, aungukale wali hena bona nekerende. Here naei bele nulu yo mahe yo naei yo yan bele naei kunci Raei me einye honaisele.”

Wahyu 1:7

Eren, Neyae mangkora mele, ro miyae nanemene nane merau Nare menda yae nekate yo bele na ijoko-ijoko yae erenainyele. Nane merau Neyae ro miyae naei wali hului emmikolondene, nda kani kelana yoho yoni-yoni nanemene rime kali ayan buyan enainyekonde, ya! Amin.