1 Petrus 4:9 - Allahle a neme heteungekoke homofae

⁹ Maise naeise rilibo ban mae mai imae ei obe einye eisawe meisawe hawemembe.

1 Petrus 4:9 ပူးပေါင်းရင်းမြစ်များ

Roma 12:13

Yesus Naei eleuboke wekeumi ro miyae wali rambunde kalo molaimiboke yo naei wali rambun yoni-yoni na hului sului emmimokombe. Mai imaere menate ro miyae kena rei mai yae ei hawemmile, hononate anuwau bele mokonnehambe.

Roma 16:23

Gayus rare naei imaene ukeufe nekale kiyae nane merau nebei imaene arileisiyate jemaatna ro miyae nemene mare ro melaeyayembe. Erastus nda yona roi mere ikileuboke kiyaele aei aka baeke Kwartusle mare ro melaeyayembe.

2 Korintus 9:7

Ro miyae mbai kena une a hokoukoke hului yae yemmile, olomo narulu ban mae yoyae-yoyae molainyene ban mae, rabuhine ban kena rei mai yae yeyaimi yore Allah kena buhae u buhae heumi.

Filipi 2:14

Ro hi miyae hi yae mare a beko eweise me noyoi fende na hului ban naeise, nane merau u mekai yolo-yolo Allahle kelu omi wanen nekembe naeise, mai me u yoni-yoni rilibo ban mae emmokombe nane merau a kilei-kilei ban mae nekembe. Nda kani kela einye ro miyae meleyae wali nalaiboke horoyate yo ouben hauben nolone nekate nolone Wali Ondofololena wali nibi kelemmibomberene, mayae findelau wanen mae hehe naemmile. Nebei mekainye Yesus benen mende heene mai aerene reyae na hului uwa erekaende, rabuhine ban reyae ungfo wangfore kowekale yoni-yoni rambun foibe mokaikoke.

1 Timotius 3:2

Nebeinye, jemaat kayaare hebate holona ro na u mekai hiwa yo naei a beko eleikoi kiyae. Naei u mekai nda ma yae nekende hele: na miyae mbai mo, bu elae roko helen anei, nauwa kayaa foi hebele, wali eise molainye ma yae nekele, imaere mate ro miyaere ei haweumi, Wali Ondofolole wali nibi are na hului kelemmile,

Titus 1:8

Bararebondere naei u mekai nda wanen: naei imaere obere menate ro miyaere ei hawemmile foi mokommile, foi moise kena ikowole, naei u bene foi yae mo mokoyele, na wali himaloungeboke, naei wali Allah yae eleuboke holona u mekai wanen nekeyele, naei bekore kena haehae koyatere ehakoyei.

Filemon 1:14

Nebeibe nda hee waei bokore Onesimusre ufende ende. Nebei nibi yae weyae kena koyae na hului raei naeise me u foi mokoubonde Onesimusre ufende rare hakonsele, reyae a elae yae ufete aerene ban. Raei kena kale aerene ndane nekenende naeise Onesimusre ewei.

Ibrani 13:16

Me u foi mokoi-mokoise nane merau yei wahei wali eisako meisako naeise mayae u benera nundenengkombe bele. Nebei me u mokande yae aei obo yoku yae ongkoufe felemande wanen Allahre kena foise mokomande.

Ibrani 13:2

Kolo ro miyae mai imaere menate yo ei hawemmile naeise u benera enundeijae hele, rabuhine ban nebei u mekai ma mokaibokere ro miyae hiwa onaeikoke naei imaene malaikatbe ei hauwaimi.

Yakobus 5:9

Aka naei baeke naei, Allah hila rabore halaennele Kiyae mare me nonomombe belene, maise naeise olomo narulu ororoijae, nane merau hi yae hire a beko eweijae. Bene nekenayembe, ro miyae naei walire hului memmikolonde Kiyae mende ya nobeungeboke, romau bene meke hebele wanen.