1 Petrus 2:24 - Allahle a neme heteungekoke homofae

²⁴ Eyae me u beko na hibi-hibi mokomalere kena kandera umanende naeise, nane merau wali ijen nekemale naeise, Naei uwa melen ohaline baikoke eisa aei beko bakore eleufake. Wali Ondofolo nauwana bauwau yae mare onomi ikembe.

1 Petrus 2:24 ပူးပေါင်းရင်းမြစ်များ

Matius 27:26

Nebeisa Pilatus nda yo yae riyewate huluinye Barabas hayeungekoke, ro miyaere ukeumi Yesusre rahuae yae bowate. Nebeisa ohaline enaibongkondere felayo naei me einye kinyeumiboke.

Matius 5:20

Reyae mare wamale, Farisi holona yo bele Musale walora wali heere foloukoke are isaeyaeiboke kelaeimi holona yo bele naei wali himalonainyelere Musale walora wali heere foloukoke hakoyainye. Nebeibe nebei wali nibi yae wali ehimaloiboi sului. Mayae Raei me kelee u keleene nekate yo holonare emembombere mai wali himalonembomberena, Raei a elerelere hila rabo halembe hele. Nda wanen maere mai u mekai Farisi holona bele Saduki holona bele yo naei wali moi wommiyombe.

Matius 8:17

Nda bewate walora Allahle yendo kayaalo Yesaya yae nuleungekoke a na hului yeuboke. Neyae nda a mekai moloukoke, “Neyae aei era buloo nemene fomene onomire ikeume kiyae.”

Markus 15:15

Pilatus ro miyae helen kena foise mokommibonderene Barabasbe hayeungekoke. Pilatus ukeumile Yesusre erahuae baikoke, nebeisa felayore kinyeumiboke ohaline enaibongkondere.

Lukas 4:18

“Allahle Roh Rauwane keteufeboke. Allah Rare eleufeboke a foi faeu foise hun ban wai ban yore hufemiyendere. Allah Rare ukeufe mekale nda me u mokorebondere. Ikilaimikoke yore bulaereremibonde, Ijoko erei yo mokoremile ijoko erenate, Hiwa yo naei me kelene nekate yore haisemikonde,

Yohanes 1:29

Ya heuboke mo, Yohanes erele Yesus naei bokore mele. Nebeinye hebate yore Yohanes yae weumi, “Erenne, ndi Kiyae Niyae Allahle Domba Kelu. Nda kani kelana ro miyae naei beko bakore faeinyeiboi naeise nda Kiyae mele naei wali yae kinyembondere.

Yohanes 19:1

Nebeisa Pilatus eise eweufike ukeumile Yesusre rahuaere bonatere.

Kisah 10:35

Allahle are hubara haeisa yaneyainye nane merau me u foise mokoyate ro miyae Allah ei ammibonde, makei yona bele ban.

Kisah 10:39

“Neyae Israel kani nemene nane merau Yerusalem yone rambun mahi-mahi mokowolere meyae ijoko yae erewande. Naendae wanen hororebe Neyae foi mokowolerebe, nebeibe ohaline baikoke haiboke.

Kisah 13:29

Allahle homofae molaikoke hului nemene maimokoukokera, nebei ohali randa roukate, rukara buleinye nekainyele.

Kisah 5:30

Yesus, mayae ohaline baukoke hereke Kiyae mbai, aei yobe naei kamahe naeite Allah yae benen waleungeboke.

Roma 6:11

Nebei sului mbai mauwa bekore kena haehae kombere harayembe elae moi bulaungeboke, nane merau Wali Ondofolo Yesusre hakaunge walora Allah kena foise mokonainyele naeise nekate yo yae me baembe.

Roma 6:13

Mai uwana melen bai yoni-yoni mbai sambai u mekai beko mokonatere ewaeisijae hele. Nebeibe Allahre kena foise mokonnembe naeise, ro miyae here nolora yarongkokembe wekembe benen wali ikembe yo wanen mae mauwa Allahre kinyennembe. Mai uwana melen bai yoni-yoni wali himalaungeboke me u mokate rambun mae Allahre kinyennebombe.

Roma 6:16

Mayae maisaei sele ndere mai uwa yebaei bubaei wanen mae kinyaungebokena, mayae nebei kiyaele yebaei bubaei, naei a elele huluinye hubara haeisa yanennele. Nebeinye yebaei bubaei wanen mae mai bekore kena kaubere harayembe elaere hakomembena, here no unulu bele waheikoke wanen Allah bele wahengkombe huba ban haei ban nekemembe. Nebeibe bukainyehike yebaei bubaei wanen Wali Ondofolo Naei a elelere hakomembene wali himalainyeboke ro miyaere yembombe.

Roma 6:2

Nebei mekai ban! Here no unulu bele waheikoke wanen eyae aei bekore kena kandere haraime elae bele wahaendekokene, na mekai ban sele nebei elae kelene nekemale.

Roma 6:22

Nebeibe nda hee bekore kena kaubere harayembe elae me hayengkokembe nane merau Allahle yebaei bubaeise yaeubokene, Allahre kena foise mokaunge u mekai wanen mae nekembe nane merau wali hena bona u mekai hubaunge.

Roma 6:7

Rabuhine ban ro miyae mbai herendena, nebei ro miyae bekore kena haehae kolere haraunge elaera me hayeungekoke.

Roma 7:6

Nebeibe nda hee aei bekore kena kandere haraime elae bele wahendekoke yae ro miyae yae moloukoke Musale walora wali heere foloukoke are bulaereumeboke. Eyae ro miyae yae moloukoke homone hului ban nebeibe Allahle Roh yae nibi neme keleume hului Allahle kaliare mokomale naeise, Musale walora wali heere folaikokera bulaereumeboke.

1 Korintus 15:3

Rare keleufekoke a mbaibe a na bereise ma yae reyae mare huwengkokamale. Nebei uwamale a nda niyae, “Yesus Wali Ondofolo aei beko aerene hereke, Allahle homofaene nulainyekoke hului.

2 Korintus 6:17

Nane merau “Tuhan mae elele, ‘Allahre ei ehawei ro miyae u nolo u kaisa uwa wemembe, wali nibi mbainye oroijae. Allah wanen rambun hiware ei omolommimae, Reyae mare ei arembombe.’ ”

Galatia 3:13

Musalena wali heere foloukoke na ijen foijen mae hakomabondere kabaennekoke. Hi yae ha yae ehakoiboi sului. Nebei aerene nemene fomene olomo yae aeumefoke. Nebeibe Wali Ondofolo nebei olomo honowatere aheukoke baeufoke. Allahle homofaene nda wanen molaikoke, “O bumane nenainyejende hilonde kiyaere olomo neungeboke.” Wali Ondofolo aei aerene ohaline baikoke hee, Musale walora wali heere foloukokena olomo neumeboke Neyae kaeuboke. Nebei nibi yae aere neumeboke olomore aheukoke baeufoke.

Efesus 5:9

Rabuhine ban wali hehe einye nekatere nda ma: u mekai wa mekai foi yae nekenate, wali himalonaimikonde, a na hele elenate,

Filipi 1:11

Mayae Yesus Wali Ondofolo Naei a elelere hubara haeisa yanaunge yae mai wali alonembombe nane merau Yesus kenare kole me u emekai bele mokombe. Nebei aerene Allahre hili ennehebembe nane merau buma ennekaembe.

Kolose 2:14

Musale walora wali heere foloukoke a eyae roko helen ehakoiboi, nebeibe me u beko mokowande. Nebei me u beko a bele aei ehee bukulu a bele homone molaikoke. Nebei homo Allah nda nibi yae keukoke, Yesusre baikoke ohali ranne nebei homo Allah yae boukoke.

Kolose 2:20

Mai kena u Wali Ondofolo bele mbainye hereiboke nane merau nda kani kela na agama heere folaikokera me rubongkokembe, rahene mayae nebei wali heere folaikoke a naei me kelee u keleene nekaube?

Kolose 3:3

rabuhine ban mai kena u herauboke, nda hee Wali Ondofolo bele Allahle bokone nekaube.

Ibrani 10:10

Yesus Wali Ondofolo Allah kenare kowole huluinye Naei uwa kinyeuboke hereke. Nebei me u roko mbai mo mokouboke walora eyae Naei a elelere hila rabo halaenne ro miyaere Allah me baemmeyende, Naei kena foise mokomande yobe nekande.

Ibrani 10:5

Nebei aerene Yesus Wali Ondofolo nda kani kelare meke hee, Ondofolo kaban Daud moloukoke wanen Yesus yae Allahre weunge, “Allah Ware obo yoku bele ani era bele ongkoufe felaeimekete nane merau hili era akau era iwayete Weyae kenare okoi, nebeibe hili era akau era wanen Raei uwa Weyae mokoungehakae kinyerebonde naeise kena koyae.

Ibrani 12:13

Mai nolona orore rebate ro miyae oro beko hele inyaibonde bele nebeibe onomi yaronate naeise, mai oro nibi hiyei ranembo wanen Wali Ondofolo wembe a huluinye nekembe. Nebei na mekai, mai jemaat nolone hila rabo yambi ro miyae Wali Ondofolole wali nibine enaleisi ebalei nebeibe elae bele benate naeise, mai walire Wali Ondofolo wembe a hului yae hiyei ranembo.

Ibrani 7:26

Nebei wanen imam kaban na hului aere na hibi-hibi hakommele. Naei u mekai nda wanen nekele: Allah Naei naeise Nare eleuboke wekeunge, Nare a beko ewei sului, u mekai yolo-yolo, me nene u nenere kate ro miyae holone ebaeiboi, nane merau kunsoboi waufoboi ranne ekaikaeinye.

Ibrani 9:28

ro miyae helen bolen naei beko bakore kaeuboke naeise Yesus Wali Ondofolo roko mbai Naei uwa kinyeumiboke haiboke. Nane merau Neyae roko bee nendo bennehonde mendene, ro miyae naei beko bako kaeiboise ban, nebeibe ro miyae Nare rakeimeyainye yore hole molommibonde naeise mendere.

Yakobus 5:16

Nebei aerene onomi yarongkombe naeise, mai uware-uware beko mokaube naei maise naeise wo kombe nane merau maise naeise ebeli bombe. Wali himalainyeboke ro miyae yae ebeli bonnele hee, naei ebeli bonnele elae bele nane merau naei riyeufike hului benate.

1 Yohanes 2:29

Mayae maisaei Yesus Wali Ondofolo Naei wali himaloungeboke! Nebei sului mbai mayae isaeyaeuboke ro miyae na wali ijen nekatena, fa manemfa honate wanen nebei ro miyae na kena u Allahlera honokate.

1 Yohanes 3:7

Reyae buhaere haemale kelu omi wanen ro miyae, nde maenin horo mare wali nibi beko yae kelenengkombe wali horombombe belene, mayae ewaeisijae hele. Me u ijen mokate ro miyae na wali himalainyeboke, Wali Ondofololena wanen mbai.

Wahyu 22:2

nebei yo kaban yan kaban na nibi kaban nolore yae rileimeyele. Wi bonei-bonei reufi-reufine walire yaimi o habe hebate, ani roko me bee oro nen bee bele ralo yakama mbai mokoikoyate, oko mbai roko mbai ani mokoikoyole. Na fae yae nebeinye arilaisike, ro miyae onomi yemmile naeise.