1 Petrus 1:22 - Allahle a neme heteungekoke homofae

²² Wali Ondofolo na hele wali nibi are hubara haeisa yaneimeyaube walora mai kena ure yolo-yolo mokowaunge nane merau Yesusle einye aka baekere na hele kena buhae hemmile. Nebeinye, maise naeise kena u eisa kena buhae kaban mae hemembe.

1 Petrus 1:22 ပူးပေါင်းရင်းမြစ်များ

Yohanes 15:17

Nda a Reyae elae yae wamale, maise naeise kena buhae hennele.

Yohanes 15:3

Reyae kelewamale a walora mare faeinyembokamale.

Yohanes 17:17

Arai, Waei u mekai wanen nebei holona yore Waei ako faeuko yae na u mekai yolo-yolo mokoumibo. Waei ako faeuko na hele no.

Yohanes 17:19

Nane merau nebei holona aerene Raei u mekai yolo-yolo yae nekerele Waei u mekai wanen mbai. Nebei mekai yaere nebei holona yo naei u mekai Aei hului mbai yae nekenate.

Kisah 15:9

Allah be ijokore ereyei. Na hila rabo halaete walora na beko bako faeinyeumiboke.

Kisah 6:7

Allahle a faeu hurewole nane merau Yerusalem yona Yesusle moisa hakowainye yo u hale hele emerei-emerei emerewole. Imam-imam helen solo Yesusle are hila rabo halewate.

Roma 1:5

Yahudi ban ro miyae kaenemamile Wali Ondofolo Naei a elelere hila rabo halenainyele hakonainyele naeise, Naei walora Allah maere kena buhae aere ban mae heumekoke nane merau Yesusle abu akore mokoumeboke.

Roma 2:8

Nebeibe rore baete nane merau Allah uwoumi Wali Ondofolole na hele wali nibi are moi bulaeinyera wali nibi bekore hakainyele yo, Allah Naei romou fere-fere kolere enainyehubande.

Roma 8:13

Mayae bekore kena kaubere harayembe elae huluinye nekembena, mayae Allah bele wahengkombe. Nebeibe Allahle Roh wembe a huluinye nekembe bekore kena kaubere harayembe elaere ehakoyeinya, mayae wali hena bona bele nekembe.

2 Korintus 6:6

Meyae Allahle yebaei bubaeibe nekandere kelemamile naeise nda u mekai ma bele nekaime: wali yolo-yolo, Allahlena isaei hebaen bele, kena hebaen-sebaen, kena nime haba, Allahle Roh weume a huluinye nekande, kena buhae u buhae bele,

Galatia 3:1

Aka naei baeke naei, Galatia kanina nekaube, mayae na kobu hele. Yesus Wali Ondofolo aei aerene ohaline baikoke. Nebei a foi faeu foi mai bene na yaka ha yaka yae kelembokamale lonbe? Mana mayae benen Musale walora wali heere foloukoke are hakombombere kena kaube. Nde yae mare buloo molongkokembe?

Galatia 5:5

Nebeibe Allahle Roh yae weume, aei hila rabo walora eyae na hului na rei mai yae rakemale Allah aere wali himalainyeboke yo yae me emmebaende.

Galatia 5:7

Na bere mayae Wali Ondofolole na hele wali nibi are na foi yae hakongkombere relewaunge. Nebeibe mana nde yae mare wabengkokembe, a hun ransikembe nebei are ehakoiboi?

Efesus 4:3

Nda wali ma elae relennembe Allahle Roh Naei a elelere rilibo ban mae kena mbai u mbai yae hakomembe, rei mai yae nekembe.

Filipi 1:9

Nane merau reyae ebeli eibowanale, Allah yae isaei hebaen na bune-bune inyembe nane merau nebei isaei hebaen bele ma hului yae mauware enneharambombe, mai kena buhae u buhae emerei-emerei emerenemembe,

1 Tesalonika 3:12

Nane merau meyae ebeli bannele, mare kena buhae haeyembere emerei-emerei emerende wanen mae Allah mare mokonembombe maeise naeise ro miyae nemene kena buhae hemmilere emerei-emerei emerende.

2 Tesalonika 1:3

Aka naei baeke naei, maei baka ranna huluinye roko helen Allahre ebeli einye mai naeise helen foi weyannele, rabuhine ban mai hila rabo Yesusre haleyaunge emerei-emerei emereyembe, nane merau maise naeise mai ure-ure kena buhae hei-sei emerei-emerei emereyembe.

2 Tesalonika 2:13

Aka naei baeke naei Allah kena buhaere hembe yo, maei baka ranna huluinye ebeli einye roko helen Allahre mai naeise helen foi weyannele, rabuhine ban Allah na hele mare na bere hele elembokembene nda walora wali hena bona inyembe: Naei Roh yae mare mokonensambe Allahle yolo-yolo u mekai wanen nekembe, nane merau Wali Ondofolole na hele wali nibi a faeu mayae hila rabo halembe.

1 Timotius 1:3

Reyae Efesus yora kulun bowale Makedonia kanire erelere hee yae ware moi hurewawale Efesus yone uwa heraweungele nekele. Nebeinya ro miyaere wali nibi na ijen ban ekeleijae nane merau

1 Timotius 1:5

U bene bele kena u bele yolo-yolo yae nekate ro miyae, Wali Ondofolo Naei a elelere na hele hila rabo halaeinyele yo, naeise naeise kena buhae u buhae haeimile. Ro miyae nebei wali ma nekenate naeise, nebei a elae weumile.

1 Timotius 4:12

Ro hi miyae hi yae ware hokolo fa huluinye ane enaikolote naeise ewaeisijae hele. Waei a faeu wae, u mekai wa mekai yae, yanekoi yase yae, hila rabo haleyae yae, wali yolo-yolo haranae yae, hila rabo bele ro miyae waei wali ma bune wane hamenayete naeise nekele.

1 Timotius 5:2

Nane merau miyae nannale, ana wanen mokoumile, nane merau miyae maengkere waei emaen wanen waei u bene wa bene na yolo-yolo yae mokoumile.

2 Timotius 1:14

Nebei wali nibi naei a foi faeu foise reyae ware kelewawale nane merau Allah ukete ro miyaere huweumilere. Allahle Roh aei uwa einya nekele elae yae nebei a foi faeu foise hole molonnele.

Ibrani 11:8

Abraham Allah Naei a elewolere hila rabo halewounge walora Allah a ukeungere hakouboke. Allah kaeneungekoke nekewole yora enduwende, Abraham nane merau orona menare Allah yae yennele kanire endere. Naendae mekai horore ende anuwau naeisaei banbe, neyae kulunde mo uke ewole.

Ibrani 13:1

Maise naeise ako nake mbainya aka baeke wanen mae mai kena buhae haeube hole molonnele.

Ibrani 5:9

Yesus na wali hiyei raneungebokera, ro miyae Neyae weumi a huluinye nekate yo nanemene naei wali hena bona no Kiyae, Yesus Niyae.

Ibrani 6:10

Mayae Yesus Naei eleuboke wekeumi ro miyaere kena buhae hewaumine, nda hee bele hakoimeyaumi. Nebei nibi yae mayae Allahre kena buhae hewaunge. Allah u mekai na ijen mo mokole Kiyae, mai me ure naei u benera enundeikoi sului.

Ibrani 9:14

emekai bele Allahle kaliare mokomale naeise Yesus Wali Ondofolo hare rileuboke Kiyae Naei a elelere hila rabo halaenne yae aei kena ure faeinyemmele. Allah Hubalo Mandole Roh ukeunge huluinye me beko u beko ban Wali Ondofolo Nauwa hili era akau era wanen mae Allahre ongkou feleungeboke. Aere Allah bele kayee molommebonde naei u bene bekore Wali Ondofolo na hului faeinyemmebonde.

Yakobus 1:21

Nebeinye mai u bene niki bele u mekaise bene enekeijae nane merau bekore kena haehae koimeyaube hului omokoyeijae. Yesus Naei a elelere mai kena une isaeyaeuboke. Nebei are kena nime haba yae ei hawennele, rabuhine ban nebei a elele yae na hului mai wali hole molonembombe.

Yakobus 4:8

Allah a wembe hului nekemembena, Allah mai kena u einye nekenende. Kani man ruboiboise mere bu yae kuyeikoyate wanen mae beko bakore mokaube ro miyae meyayare kaube wali nukennebombe. Nane merau kena wauwau koyate ro miyae mai kena ure yolonnebombe.

1 Petrus 2:17

Ro miyae nanemene na mekai yae mokommiyembe, hila rabo mbainye halaeube aka baekere kena buhae hemmiyembe, Allahre hubara haeisa yanennele, mai kanina Ondofolo kabande be hinennele.

1 Petrus 3:1

Miyae holona mai molo wa naei me kelee u keleene nekembe. Mai molo wa nolona hiwa Tuhan Yesus Naei a elelere ehakoiboi holona. Mayae Allahre hubara haeisa yanaunge bele u mekai yolo-yolo yae nekaube belere mai molo wa ijoko robonayembene, mainya a ban mae yawemmibonde Yesusre hila rabo halenainyele.

1 Petrus 3:20

Nebei nulu mahe yoni-yoni, na bena hele Nuh nekewole heena Allahle ako faeuko uwaimi huluinye ehakoi nekewate ro miyae naei nulu mahe. Nuh kai kaban mokowole heena Allah na hebaen-sebaen hele rakeumiyeke. Nebei kai kaban einye ro miyae mehine name hele mo nebei bu kaban ufekokera hole moloumiboke.

1 Petrus 3:8

A fofo ken wamale, nda wali ma maise naeise nekembe: Wali Ondofolole wali nibi homo mbainye orombe, mai nolone kou kalo naei are boromembe, aka baeke wanen mae kena buhae u buhae hembe, ro miyae hiwa naei beko aerene mangkele kena beko hubannele, kena ane rannehimbe,

1 Petrus 4:17

Nda kani kelana ro miyae na walire Allah hului kolommikonde ya na hului yeuboke. Na bere Allah naei imae ei obe einya yora huba rawembonde hului kolommikonde. Nane merau hului kolommikondere aei holonara huba rawembondena, Allah yae ikeume Wali Ondofolole a foi faeu foi huwayekere ehakoiboi yore me emminononde hele.

1 Petrus 4:8

Nebeibe nda bereinya u mekai niyae, kena buhae u buhae nana hesele yae hi yae hire hennele. Rabuhine ban eyae kena buhae u buhae hemalene, ro miyae naei u mekai beko helen selere na hului u benera nundenaimende.

2 Petrus 1:7

Allah kenare kole hului nekemembe yae Yesusle einye aka baeke ware kena buhae hemmiyembe; Yesusle einye aka baeke ware hemmiyembe yae ro miyae nemene kena buhae hemmiyembe.

1 Yohanes 3:11

Yesusle a faeu na bere hele huwoumbera mayae nda abe boraukoke, “Eyae kena buhae u buhae aeise naeise hemale.”

1 Yohanes 3:23

Nda a niyae Allah ukeume eyae mokomalere: Allah na Kelu Yesus Wali Ondofolore raneujeke na hele elemale hele, nane merau Naei a ukeume hului kena buhae u buhae aeise naeise hemale hele.

1 Yohanes 4:12

Ro miyae roko mbai sambai Allahre ereiboi hororebe, kena buhae u buhae aeise naeise hemalena, Allah aei wali einye nekende nane merau Na kena buhae u buhae aei kena u einye na hului yembonde.

1 Yohanes 4:20

Ro miyae hi yae elende, “Reyae na hele Allahre kena buhae u buhae haenale,” nebeibe naka baekere ikele koimeyeumina, nebei ro miyae na wali ame-ame bele. Rabuhine ban aka baeke ijoko ereumi kiyaere kena buhae u buhae eheinya, roko mbai ijoko yae ereiyei Allahre kena buhae u buhae ehei sului.

1 Yohanes 4:7

Kena buhaere haemale aka baeke, men, aeise naeise kena buhae u buhae hema, rabuhine ban kena buhae u buhae hei-seise Allah yae yeume. Fa manemfa honate wanen na kena u Allahlera honokate ro miyae kena buhae u buhaere heyate nane merau Allahre ro rainyeboke.

Wahyu 2:4

Mayae nebei me u foi mokaube hororebe, Reyae mare ane hayaemale, na beme fomena kena buhae hewaufe ma haeungehoke.