1 Petrus 1:15 - Allahle a neme heteungekoke homofae

¹⁵ Nebeibe nda hee u mekai wa mekai yolo-yolo yae nekembere mare kaenengkokembe, Allahle u mekai yolo-yolo wanen mbai.

1 Petrus 1:15 ပူးပေါင်းရင်းမြစ်များ

Matius 5:48

Nebei aerene mai Arai surgane nekele Kiyae naei wali nekele ma, mayae nebei sului mbai wali himalennebombe hele.”

2 Korintus 7:1

Aka naei baeke naei, nebei Allah yae hetewounge are eyae isaeyaendebokene, men, uwa bele u bene bele nikire olaeime rambunde moi bulemale. Allahre ei molannene, men, Naei eleuboke wekeumi holona yo naei wali mare haramambonde.

Filipi 1:27

Rahe ma benate hororebe, mai walibe niyae Yesus Wali Ondofololena a foi faeu foi boraukoke huluinye nekembe. Nebei mekai nekembene, reyae mai bokore erele, na ererende einya, ereboronde mayae nanemene u bene mbainye nekaube nane merau ro miyae Yesuslena a foi faeu foi kelaeumi huluinye hila rabo halenate naeise na hibi-hibi releyaunge.

Filipi 3:14

Allah Hubalo Mando kaeneufekoke Yesus Wali Ondofolo Naei a elelere hakorende walora Naei u mekai ma isebonde. Neyae kaeneufekokene reyae elae relaenale Naeinya me buhae roufele.

Filipi 3:20

Nebeibe surga aei kani kela niyae. Nebei anuwaufa aei walilo Tuhan Yesus Wali Ondofolo bensonde mendere kena maemae yae rakeyannele.

1 Tesalonika 2:12

moi hurewayembe Allahle kena kole hului yae mai wali nekemembe. Mare kaenewombe Yesusle me kelee u keleene nekembe nane merau Naei nene waewae hubannele.

1 Timotius 4:12

Ro hi miyae hi yae ware hokolo fa huluinye ane enaikolote naeise ewaeisijae hele. Waei a faeu wae, u mekai wa mekai yae, yanekoi yase yae, hila rabo haleyae yae, wali yolo-yolo haranae yae, hila rabo bele ro miyae waei wali ma bune wane hamenayete naeise nekele.

Titus 3:14

Nane merau Yesusre hakoyainye ro miyae na wali rambun na hului-sului hononaimile naeise bele na wali rambun kalo eimoloi naei bele isaeinyaibonde helene kalia me u foi mokonate.

Titus 3:8

Homo moloukokawalene na bumana a nemene na foi bangka mo, hila rabo halen. Nebeinye Titus, Allahre hila rabo halewainye ro miyae me u foi na hibi-hibi mokonayende naeise, reyae kena kale weyae nebei a elae yae keleumile.

Ibrani 12:14

Ro miyae nanemene mangkele rei mai yae nekembe naeise, nane merau u mekai yolo-yolore uwa haranembe naeise, elae relennembe. Nebei u mekai ban ro miyae Tuhande ijoko eyereiboi sului.

Ibrani 13:5

Roi naei yebaei bubaeise mayae ebeijae hele. Honayembe hului yae mai kena molonnebombe nekembe, rabuhine ban Allah nda a eleukoke, “Reyae ware eiwaeisi nane merau Reyae ware einyukeiboi sele.”

Yakobus 3:13

Aka naei baeke naei, ro miyae nde mai nolona isaei hebaen bele ma yae nauwa haraungeboke? Naei foi sele nebei kiyae wali yana bana foi mokonde yae nane merau kena u ane nihennehinde nekende yae naei isaei hebaen bele ma yae nauware haraungeboke u mekai kelemmibonde.

1 Petrus 2:12

Nauwae, Allahre oroiboi yo mayae beko mokaube are elenatebe, nebeibe mai u mekai foi mokombe erenayembe naeise, foi sele u mekai harannele. Nebei u mekai nekaubene, Allahre onaeinye yo naei kena u einye Allah bele emmihubayengkombe heene Nare hili enainyehebende.

1 Petrus 2:9

Nebeibe mayae nebei wanen ban. Mayae Allahre onewaungene ouben hauben nolone nekewaube hee, Allah kaenengkokembe nebei walira maubaleke, Naei hehe foi sele nolone maweuboke. Ro miyae bene Allahre buma kaennele naeise, Allah mare elembokembe nda ma ro miyaere yembombere: Wali Ondofolole imam holona ro miyae, Allahre mo ei molainye yohona ro miyae, Naei holona hele ro miyae.

1 Petrus 3:16

Mayae Wali Ondofolole einye wali ijen mae nekaube aerene mai rore horonaibondere a beko faeu beko ungayembe era. Nebei ro miyae na a beko uwayembe fe hubanainyele naeise, mai kena u na hibi-hibi yolo-yolo hubaunge yae nekembe.

1 Petrus 5:10

Allah kena buhae aere ban mae heume melaeu wae mare Wali Ondofolole eisa kaenewoumbe Naei hehe foi sele huba ban haei ban naemmiyende surgane nekemembe. Mayae ya heki ban beko mennehubangkombera Allah benen mai uwa foi mokonembombe, elae inyembe, nane merau mokonembombe Wali Ondofolo Naei a elelere no ban hee ban hakomembe.

1 Yohanes 3:3

Ro miyae nanemene Yesus Naei uwa hele kiteungebokere erennebondere rabo halennele kiyae, na u mekai beko nukennebonde, Yesus Wali Ondofolo u mekai yolo-yolo Kiyaelena wali wanen mae nekende.

Wahyu 3:7

“Filadelfia jemaatna malaikatre nda wanen mae homo moloukonde: Nda a niyae nene waewae bele Na Hele mo elele Kiyaera. Na bere Ondofolo kaban Daud Yerusalem yona romau rawembonde naei kunci ikileuboke wanen nda Kiyae Allahle holonare enayembonde romau na kunci ikileuboke. Neyae rawembondena, hi yae ha yae ahuneiboi sului. Neyae ahunembondena, hi yae ha yae eraweiboi sului.

Wahyu 4:8

Nebei obo yoku keline naeise naeise noro mehine mbai, na uwa kaban noro kelere bae ijoko bele mo. Reniai rai no ban hee ban koi bae kainye, “Nene waewae, nene waewae, nene waewae Tuhan Allah Elaelo Wakelo nekeumekae, mekae nekeyae, nekewende.”

Wahyu 6:10

Nda holona yo kali kaban lon mae kaenate, “Weyae nemene fomene me mokamae. Weyae nene waewae bele nane merau na hele no. Makei hee yae Weyae nda kani kelana ro miyae walire hului eumikolonde nane merau maere howaime aerene ehee bukulu eumiyende?”