1 Petrus 1:13 - Allahle a neme heteungekoke homofae

¹³ Nebeinye mai u bene hiyei ranembombe nane merau mauwa kayaa foi hebemembe. Yesus Wali Ondofolo benen yakambonde heene mare foi yoni-yoni aere ban mae inyembe naeise, mai rabo halei wauwau okoijae.

1 Petrus 1:13 ပူးပေါင်းရင်းမြစ်များ

Matius 20:4

Nda yore weumi, ‘Mangkele yae raei anggur heke kalia mokombere. Eme, roibu yeyaimi hului mare isembe.’

Lukas 12:35

Nebeisa mo Yesus benen nda yore weumi, “Kayaa na hensen mo hebembe erabuhi yeiboi bele era. Ma malo nemene ma uwane mo kitennebombe, isehe na naeisoi yae hebembe.

Lukas 17:30

“Nebei wanen mbai Raei merele yane.

Lukas 17:8

Nebei mekai ban sele. Na hele beufoube weungele, ‘Eraman koloisoko. Wambelae foi hireko, ndane mo hebewonde. Reyae raman andekonde baensonde mo, nebeisa weyae aneukonde.’

Roma 13:13

Aei u mekai mokandere Allahle ro be ro yoinye na yaka yeubokene, eyae na mekai yae nekemale. Nda me u omokoijae hele: holoka beko kombe, keu bu mali, yoko kaeimae kombe, bekore kena haehae koyaube mokombe, han fela kombe, kena hensen kombe,

Roma 8:19

Allah yae nda kani kelana mokowole rambun yoni-yoni Naei kelu omi helere yakambonde naei yabe kena roweumihike rakeyate.

1 Korintus 1:7

Nebei aerene mayae Yesus Wali Ondofolo benen mende uwa yakambonde yare rei mai yae rakaunge yae, Allahle Roh yeumi meli mekai yoni-yoni mai nolone kalo omoloiboi.

1 Korintus 13:13

Nda wali nekande heene u mekai name hele hononayende nda niyae: Wali Ondofolore hila rabo halaenne, rabo elae halaende Allah are nuleuboke huluinya mokombonde, nane merau kena buhae u buhae. Nebeibe nda name nolona naei bereise hele kena buhae u buhae.

Efesus 6:14

Nda wanen mae kusei ban mahei ban mae hebembe: Mbai nendo Wali Ondofolo na hele wali nibine mo orombe. Romawi felayo naei yolu ha aefoyounge buloore felare buheiko aleiko kole nane merau yoyo foma-foma, u hake-hake kole wanen mbai, Wali Ondofolo na hele wali nibine orate ro miyae walobo yoni-yonire elae yae hukenaimiyende. Bee nendo, mai wali alonnehambe. Romawi felayo rambun elaekei yae na nimokone feleikoyate hee fela ani na nimokore eyeisi sului. Nebei wanen mbai ro miyae wali himalainyeboke yo naei kena ure walobo beko yae omokoiboi sului.

Kolose 3:4

Wali Ondofolo yae mare wali yembe. Neyae benen nene waewae bele uwa yae yakaiboise mendene, mayae nane merau Nangkele yakambombe.

2 Tesalonika 1:7

mangkele maengkele no emayembonde naeise, weitasi aere koyaime yo hee nemmihande. Nebei hee mbai aei Tuhan Yesus yakambonde i bulo-bulo eisa na malaikat-malaikat nelae wake bele surgara onate.

2 Timotius 4:5

Nebei mekai benate hororebe wauwa kayaa foi hebele, beko eungehubandere kena yae herawewende, Yesuslena a foi faeu foi huwamaere Allahle yebaei bubaei wanenne kalia foi yae huba haei eungehaleukonde.

2 Timotius 4:8

Oro habelei-sabeleinya ro bere eyeisiyele kiyae roibu inyainyele wanen mae wali hului emmikolonde heene Tuhan mae rare yensele. Rabuhine ban Tuhan ro miyae na walire na ijen mae hului kolommile Kiyae, reyae Naei a elewolere hila rabo halewanalene wali himaloungebokale ro yae me baensebonde. Nebeibe rare mo yensele ban, ro miyae nanemene Wali Ondofolo mende yare kena haehae hele koyate hila rabo haleimeyate yo bele nemene yemmile.

Ibrani 10:35

Nebei aerene mayae na hibi-hibi rabo elae halemembe Allah nuleungeboke a huluinye mokole, rabuhine ban nebei wali ma yae mai roibu kaban yarongkombe.

Ibrani 3:6

Nebeibe Yesus Wali Ondofolo Allahle Kelu yae Allahle holona yore Allah weunge hului yae me mokoumi. Eyae kena wauwau okoinya, nane merau Allah elele a huluinye mokondere rabo elae halemandena, eyae Allahle imae obe niyae.

Ibrani 6:19

Allah nane merau Abrahamde a heteungekoke naei orona mena walora nda kani kelana ro miyae nemene foi yaronate. Wali Ondofolo Abrahambe orona mena yae mekene, eyae na hului Allah heteungekoke are rabo elae hele halemande, rabuhine ban Wali Ondofolole walora foi yarandekoke. Neyae Allah bele mbainye nekete. Melkisedek wanen imam kabande huba ban haei ban mokonende.

Ibrani 9:28

ro miyae helen bolen naei beko bakore kaeuboke naeise Yesus Wali Ondofolo roko mbai Naei uwa kinyeumiboke haiboke. Nane merau Neyae roko bee nendo bennehonde mendene, ro miyae naei beko bako kaeiboise ban, nebeibe ro miyae Nare rakeimeyainye yore hole molommibonde naeise mendere.

1 Petrus 1:10

Nebei wali neme isaeinyaibondere na bena hele Allahle yenjo kayaayo, Allah kena buhae aere ban mae mare henengkombe naei a nulainyekoke yo, naei kena u elaekei sele baewainyele isaeiwainyele.

1 Petrus 3:15

Nebeibe mai kena ei u einye Wali Ondofolore mai Tuhan wanen mae waennihi neken. Ro miyae hiwa yo yae wali hena bona yarongkombere hila rabo halaeubere hinenayembe kulunne wemmile naei a mokoisa-mokoisa yae nekembe, kena nime haba yae nane merau mekai bele kelembe.

1 Petrus 4:7

Nda kani kelana rambun yoni-yoni naei huba mokoikoi ya meungenobeukoke. Nebeinye, mayae na hului Allahre ebeli bonnele naeise u bene foi yae nekembe nane merau mauwa kayaa foi hebemembe.

1 Petrus 5:12

Silwanus Wali Ondofolo weunge huluinye mokoimeyele aka baeke yae eranale kiyae hakoufeboke nda homo fofo ken moloukokale. Nda homo einya Allah na hele kena buhae aere ban mae heumekoke naeise isaeyaemale, nane merau mare moi huramale nebei kena buhae aere ban heumekoke einye kusei mahei ban nekemembe.

1 Petrus 5:8

Mai u bene na foi yae nekenayembe nane merau uwa kayaa bele hebembe. Walobo yun mai yokeijore yeuboke. Neyae mai hila rabore beko mokonembombere singa monine a kaban kole ro miyae anengkondere ndire ndare ele mele kole baeumi wanen.

1 Yohanes 3:3

Ro miyae nanemene Yesus Naei uwa hele kiteungebokere erennebondere rabo halennele kiyae, na u mekai beko nukennebonde, Yesus Wali Ondofolo u mekai yolo-yolo Kiyaelena wali wanen mae nekende.