1 Petrus 1:1 - Allahle a neme heteungekoke homofae

^1-2 Onomi foka mayae Allah yae elembokembe wekembe ro miyae Pontus kanine, Galatia kanine, Kapadokia kanine, Asia kanine, Bitinia kanine, kolo yo wanen mae faeungekoke nekeyaube. Na bere Ako Allah yae roubokembene, mare elembokembe wekembe. Mayae Yesus Wali Ondofolole a elelere hakombe naeise, nane merau Naei ha yae mai kena u yolo-yolo mokonembombe naeise, Allahle Roh yae mokombokembe mayae Allahle u mekai wa mekai huluinye yaeuboke. Reyae Petrus Yesus Wali Ondofolole abu akore yeubokale. Reyae ebeli banale Allah emekai bele yae kena buhae aere ban henembe nane merau rei mai inyembe.

1 Petrus 1:1 ပူးပေါင်းရင်းမြစ်များ

Matius 10:2

Nda ro me bee oro nen bee bele yo na ro niyae: Simon na ro hi Petrus yae eiwewainye, naka baeke Andreas, Zebedeusle kelu wa bee Yakobusle naka baeke Yohanesle,

Matius 24:22

Allah yae nebei ya wanen fofo eimokoiboinya, walire nekande yo wali hole omoloiboi sului. Nebeibe Allah yae eleukoke holona ro miyae aerene nebei ya fofo mokonnebonde.

Matius 4:18

Kapernaum yone nekewole hee, ya mbai Yesus Galilea buhaeisa oroweke mo, kare baete ro bee naekale nauwakele wau wae kane baewote erekeumi. Nebei ro bee na ro niyae: Simon, Petrus yae raiboke kiyaele, Andreas bele.

Lukas 18:7

Naendae wanen, Allah Naei eleuboke wekeumi ro miyae nebei wanen reniai rai hileiko-hileiko kainyeweube yore ehakoiboi? Hakoiboi naeise wahenare, ya hendere yae wemmile?

Yohanes 11:52

Nane merau Yahudi ro miyaere mo ban, nebeibe Allahle fa-fa here ware waeibokere arilemmihindere nane merau mbainye mokommibondere Yesus herende.

Yohanes 7:35

Yahudi ro miyae hi yae hire hineunge, “Nda ro makeise enderene eyae baemande hororebe Nare ehubayeikoi sului yae weume. Naei merau raungehike Yahudi ro miyae mbemba ((Yahudi ban)) Yunani ro miyae nolone nekate anuwaufe endere era, nane merau Yunani ro miyaere emmikelendere?

Kisah 18:2

Nebei yone Pontus kanina Yahudi ro mbai hubayeikoke na ro Akwila. Akwila na miyae Periskilale manemfa fere Italia kanira Korintusre mekete, rabuhine ban Kaisar Klaudius yae Yahudi ro miyae Roma kanira enaibalendere hukewoumine. Paulus hokolo bee hubayeikoise ewole.

Kisah 18:23

Nebei yone heki ban nekeukoke mo, Paulus kulun uke Galatia bele Frigia bele kanine yaneweke. Nebeinya Yesusre hakowainye ro miyae na hila rabo halewatere hara roroumiyeke.

Kisah 19:10

Paulus na hibi-hibi mo keleumiyeke ralo yakama bee yeuboke, Asia kanine nekate yo, Yahudi ro miyae bele Yunani ro miyae bele, nemene Tuhan Yesusle wali nibi a boraikoke.

Kisah 6:9

Nebeinya Yahudi ro miyae Kirene yona yo bele, Aleksandriana yo bele, Kilikia kanina yo bele, Asia kanina yo bele, naei homo “ei mom-mom imaena yebaei bubaei ban” yae kaenewainye. Stefanus naei a hin-sin eibeko meibeko na waere-waere relewainye.

Kisah 8:4

Nebei ro miyae heraeyeuboke ewate yo Yesuslena a foi faeu foi ewate ijenne na hibi huwaimiyeke.

1 Korintus 16:19

Asia kanina jemaat-jemaat mare ro melaeyayembe. Akwilale, Priskilale, nane merau jemaat naei imaene arileisiyele yo bele Tuhanbe eisa mare foi sele ro melaeyayembe.

2 Korintus 1:8

Aka naei baeke naei, Asia kanine maei waline kena beko hubawannere meyae kena kande mangkele isaeyembombe. Maei uwane meumeneke kena beko ehekaei sele hubawanne, maei wali naeise rabo ban yaendeboke.

Galatia 1:2

Aei aka baeke wa, rare moise huraise yo bele mare a melaeyayembe.

Efesus 2:12

Nebei hee mayae Wali Ondofolo bele wahaeukokebe nekaube, Israel yohone me ebaei. Allah yae Israel ro miyaere are heteungekoke Neyae weumi are hakonainyelena foi mokommile. Nebeibe mayae Yahudi ban ro miyaere Allah nebei are ewei. Mayae walire rabo ban nane merau Allah ban mae nda kani kelane nekaweke.

Efesus 2:19

Nebei mekainye mayae Yahudi ban ro miyae Yahudi ro miyae wanen mbai Allah Naei eleuboke wekeumi holona ro miyaere yaeuboke. Mayae yo meiko-meiko yo ban nane merau ele moinya ro miyae ban.

2 Timotius 1:15

Weyae waeisaei sele ro miyae Asia kanira hakaisekoke mekande yo nanemene aiweke rare nukaiseboke. Nebei holona ro bee Pigelusle Hermogenesle bele.

Ibrani 11:13

Allah Naei a elewolere hila rabo halewounge yae nebei ro miyae nanemene Allah are heteungekoke rambun yoni-yonire eyaroikoi yae heraiboke, nebeibe naei hila rabo huluinye erewaimi, ahaufa ei hauwaimi. Nebei yo wo kowate ele moinye kolo ro miyae yae nda kani kelane mekainyekate.

Yakobus 1:1

Onomi foka mayae yoho me bee oro nen bee bele yo hi yan hine faeungekoke nekeyaube yore. Reyae Yakobus, Allahle Tuhan Yesus Wali Ondofolole yebaei bubaei yae, ro melaeyamale.

1 Petrus 2:11

Reyae kena buhaere haemale aka baeke, nda kani kela mai kani hele ban, nebeibe kolo ro miyae nane merau ele melere oroyate ro miyae wanenbe nekaube. Nebei aerene reyae mare moi huramale nda kani kelana wali beko nibi naei rambunde kena haehae hele mokombere koyaubera mai uwa wemembe. Nebei rambun yoni-yoni mai kena une han fela wanen mae relainyele.

2 Petrus 1:1

Onomi foka! Reyae Simon Petrus, Yesus Wali Ondofolole kaliabe mokale, Naei abu akore yeubokale. Allah aei Walilo, Yesus Wali Ondofolo Kiyae, na wali himaloungeboke hele walora ro miyae hiwa Nare hila rabo haleyainye. Nebei ro miyaere reyae nda homone molale. Naei hila rabo haleyainye roibu maengkele nane hului mbai.

Wahyu 1:11

elele, “Weyae ijokore ereyae rambun yoni-yonire homofae mbainye moloukonde, nda jemaat mehine beere yeumikonde enate: Efesusre, Smirnare, Pergamusre, Tiatirare, Sardisre, Filadelfiare nane merau Laodikiare.”