1 Korintus 9:5 - Allahle a neme heteungekoke homofae

⁵ nane merau Wali Ondofolole abu ako hiwa bele Kefas bele Yesus naka baeke wa bele wanen Yesusre hila rabo haleunge miyae nangkele mbainye kolore orate wanen, meyae na hului miyae bele oromale.

1 Korintus 9:5 ပူးပေါင်းရင်းမြစ်များ

Matius 13:55

Aeisaeise nekande Neyae ore ahuneweke kiyaele fa, nenake Maria nauwake wa Yakobus, Yusuf, Simon, Yudas,

Matius 8:14

Petrusle imaere ekate hee, Petrus na miyae nenake era naume kaban sele kowole, na ijongku honson ranne ane neke honowole Yesus erekeunge.

Markus 1:30

Yesusre isaeyaeinyeboke Simon na miyae nenake era manse-mansene kowole.

Markus 6:3

Aeisaeise nekande neyae ore ahuneweke kiyae. Meyae ranneboke nenake Maria nauwake wa Yakobus, Yoses, Yudas, Simon? Nemaen wa aengkele nekande.” Nebei yo Yesusre moi yae bulewainye.

Lukas 6:15

Matius, Tomas, Yakobus Alfeusle fa kayee, Simon (Zelot yae kaenainye kiyae),

Lukas 8:20

Nebeinye ro mbai eke Yesusre weunge, “Ana, wa uwakewa bele moinya ekaisebate, Wangkele hubayengkombere mekate.”

Yohanes 1:42

Andreas yae Simon Petrusre yaweungehoke Yesusle bokore ekete. Yesus Simonde ereungekoke wa weunge, “Weyae Simon, Yohanesle kelu, mana yara ware Kefas yae ro ronayewete” (Kefas Aram afaeunge nanembai Petrus Yunani afaeunge bele. Kefas bele Petrus bele na mekai ruka).

Yohanes 2:12

Nebei raman bulau baeufokera Yesus kulun uke Kapernaum yore nenake yae, nauwake wa yae nane merau na moisa orate yo bele nanembaisa ewate. Kapernaum yone ya name hului nekaikoke.

Kisah 1:14

Miyae maengke na hiwa yo bele Maria Yesus nenake nane merau Yesus naubake wa bele nemene Allahre ebelire bonainyelere nanembainye arileisiyele bainye.

Roma 16:1

Aei omi ken Febe, Kengkrea yone jemaatne kalia mokole kiyaere hakonnebombe naeise reyae riyamale.

1 Korintus 1:12

Reyae boroukokale mai jemaat u nolo u kaisa hiwa yo yae elate, “Meyae Paulusre hakannele.” Hiwa yo yae elate, “Meyae Apolosre hakannele.” Hiwa yo yae elate, “Meyae Kefasre hakannele.” Hiwa yo yae elate, “Meyae Yesus Wali Ondofolore hakannele.”

1 Korintus 7:15

Yesusre hila rabo ehalei ro nekeube miyae rokae bele here ungeterena, waennehimbe, a hun okoloijae. Nebei benatena, mayae uwa wemembe. Kena foi u foi yae nekemalere Allah yae kaeneumekoke.

1 Korintus 7:39

Miyae ro bele nekete kiyae na molo namman wali nekendena, nebei miyae na molo bele uwa mbai. Na molo herendena, nebei miyae na hului benen kenare konnele rone enelensonde, nebei ro Yesusre hila rabo halaeinye holonare yeuboke hele.

1 Korintus 7:7

Raei kena kale naei foi sele reyae miyae an nekale wanen nanemene yembombe. Nebei meli mekai Allah yae maise naeise wahewombe, hiwa yo naei meli mekai yae haraumiboke ro bele miyae bele inyeibonde naei, hiwa yo miyae an mae nekenaikonde naeise ikeumi.

1 Korintus 7:8

Mayae miyae an bele ro ei nekaube yo bele rora molaukoke miyae nannale nekaube yo bele nda a usaei ma yae haraungebokale wamale, nda hee nekaube ma raeinya wanen nekale ma foi bele.

Galatia 1:19

Yesusle abu ako hiwa yo reyae ehubaikoi. Ro hi Yakobus, Yesus nauwake mbai mo hubayendekoke.

1 Timotius 3:2

Nebeinye, jemaat kayaare hebate holona ro na u mekai hiwa yo naei a beko eleikoi kiyae. Naei u mekai nda ma yae nekende hele: na miyae mbai mo, bu elae roko helen anei, nauwa kayaa foi hebele, wali eise molainye ma yae nekele, imaere mate ro miyaere ei haweumi, Wali Ondofolole wali nibi are na hului kelemmile,

1 Timotius 4:3

Nebei yo yae kelaeimi ro miyaere eyaroijae, miyae rore eijae, nane merau raman hiwa aneijae. Nebei kelaeimi are ame-ame baete, rabuhine ban Wali Ondofolore hila rabo halaeinye ro miyae Naei na hele wali nibi are rainyeboke yo Nare helen foi yae ungainyelera anenaikonde naeise, Allah nebei raman mokouboke.

1 Timotius 5:2

Nane merau miyae nannale, ana wanen mokoumile, nane merau miyae maengkere waei emaen wanen waei u bene wa bene na yolo-yolo yae mokoumile.

Titus 1:6

Nda u mekai wanen yo be yun be yebae eleukonde: ro na u mekai foinye hiwa yo naei bekore eleyei sului, na miyae mbai mo, na fa-fa Yesusre hila rabo haleyainyele, yun kaeng-kaen ban, meyaya ban, na yun-junde boroyaimile.

Ibrani 13:4

Mai nolone ro bele miyae bele mokaimiboke mbainye yaeiboke naei hubara haeisa yanennele nane merau ro bele miyae bele mbainye honote naeise Allah kena kole yae erennembe, rabuhine ban ro miyae bele miyae ro bele mbainye hononate yo, nane merau yoko kaeimae kate yo bele Allah yae me nommiyonde.