1 Korintus 7:14 - Allahle a neme heteungekoke homofae

¹⁴ Rabuhine ban Yesusre hila rabo ehalei ro na miyaele walora Allah kena foise mokonnele u mekai yae nekende. Yesusre hila rabo ehalei miyae na molole walora Allah kena foise mokonnele u mekai yae nekende. Nebei mekai banna, na fa-fa Allahle oroiboi yo yae nekenate, nebeibe naeko, nenakele walora na fa-fa Allah eleuboke wekeumi holona yore yaeiboke.

1 Korintus 7:14 ပူးပေါင်းရင်းမြစ်များ

Kisah 10:23

Hokolo name Petrus yaweumiboke, nebei imaene reniai ya mbai ijongku hononaikondere. Ya heuboke mo, Petrus hokolo name bele nanembaisa alainyekoke ewate. Yopena Yesusre hakainyekoke ro miyae hiwa nangkele hakaimikoke ewate.

Roma 11:16

Na bere hele Yahudi era hena hului feu aleiboyate hee bohi mbai Allahre hili akau erare iwainye. Nebei hili era akau era bohi mbai mo Allah Naeinya, nebei feu kaban nane merau Allah Naei bangka mo. ((Nebei wanen mbai Yahudi yobe naei kamahe naei Allah yae Naei holona ro miyae me baewoumine, naei orona menare nane merau me baemmile. Nane merau o mbai na kambu foinya, na maensa yoni-yoni foi bangka mo. Nebei wanen mbai Yahudi yobe naei kamahe naei Allah ukeumi are hakowainyene, naei orona mena nane merau hakonainyele.))

1 Korintus 7:13

Nane merau miyae mbai Yesusre hila rabo ehalei holona rore eke, nebei ro yae kena kole wali mbai nekenetere kondena, nebei miyae na molore eneisijae hele.

1 Timotius 4:5

rabuhine ban Allahle ako faeuko bele aei ebeli banne bele yae nebei raman Allah eleuboke wekeunge rambunde mokoiboyounge, eli hohore eyeiboi.

Titus 1:15

U bene bele kena u bele imokowounge ro miyae na u bene na kena u yolo-yolona, rambun-rambun nanemene yolo-yolo mo; ro miyae na u bene bele na kena u bele niki mo, Yesusre hila rabo ehaleyei, rambun-rambun nanemene niki bele mo. Nebei ro miyae na u bene beko yaeiboke, beko mokonatebe nebeibe na kena u eisa foi yae hubanainyele.