1 Korintus 5:9 - Allahle a neme heteungekoke homofae

⁹ Moise wokandena homo moloukokale einye mare a usaei ukamale, yoko kaeimaere koyate ro miyae bele homo mbainye oroyeijae.

1 Korintus 5:9 ပူးပေါင်းရင်းမြစ်များ

1 Korintus 5:10

Nda kani kelana wali beko nibine orate ro miyae nanemene nebei a ma haraungebokale ban. Nebei ro miyae nda me u mokate: yoko kaeimae koyate, ro miyae naei rambunde kena haehae koyate ame-ame yae yarate, hoime bahere ei moloyaimi. Nda kani kelane nekaubene, nebei ro miyae nolone orombe hele.

1 Korintus 5:2

nebeibe mayae namman ukaei kaeube! Na hele mai baka ranne honole mayae kena beko u beko kombe, nane merau nebei me u mokouboke ro mai jemaat u nolo u kaisa hukennehimbe enduwende.

1 Korintus 5:7

U mekai beko ro miyae mai jemaat nolora hukennehimbe, ragi male womombe wanen. Nendahina Yahudi ro miyae Mesir kanira aibaleke heena Allah ukeumi naei ragi nemene imaera hekelenaikonde nane merau bena fa-fare ohoise domba kelu honate yae imae romaufe na ha yae rilembonde. Nebei domba wanen mae Wali Ondofolo aei aerene haiboke. Nebeinya, men, Neyae mokouboke aerene eyae Yesusle einye aka baeke aeise naeise u bene yolo-yolo nekenaimele bele Wali Ondofolole na hele wali nibire hakomale bele yae rei mai komale. Mayae bekore benate me u omokoijae, nane merau u mekai beko omokoijae.

2 Korintus 6:14

Yesusre hila rabo ehalei ro miyae bele mbainye mai walire eharaijae. Rabuhine ban hehe bele ouben bele nenaei nenaei ma wanen, Allahre kena foise mokainye ro miyae bele Allahre kena bekore mokainye ro miyae bele u bene mbai ban.

2 Korintus 6:17

Nane merau “Tuhan mae elele, ‘Allahre ei ehawei ro miyae u nolo u kaisa uwa wemembe, wali nibi mbainye oroijae. Allah wanen rambun hiware ei omolommimae, Reyae mare ei arembombe.’ ”

Efesus 5:11

Allahre onaeinye ro miyae na kenare kole u mekai omokoijae! Naei foi sele mayae yakammibombe nebei ouben haubenna me u.

2 Tesalonika 3:14

Ro hi miyae hi nda homofaere ehakoiboi kiyaere yakannebombe, nangkele homo mbainye oroyeijae. Nebei wanen mae mokonnebombene neyae fe hubannehinde.

2 Tesalonika 3:6

Aka naei baeke naei, aei Tuhan Yesus Wali Ondofolole Ro einye a elaekei yae wayembe, ro miyae kaliare omokoyei yo nane merau maeinya a faeu wali nibine ehakoiboi kiyae, nebei u mekai yo bele homo mbainye oroyeijae.