1 Korintus 4:8 - Allahle a neme heteungekoke homofae

⁸ Mai u bene nekayembe hului yae meyae kani hine nekewande yae, mai roibu walora wande yaeuboke, eba he bele ondofolo kosere yaeuboke nekaubere a yekele-yekelebe kamale. Reyae kena kale meyae na hului maengkele mbainye ondofolo kose yae nekemale naeise, mayae na hele ondofolo kose yae nekaube.

1 Korintus 4:8 ပူးပေါင်းရင်းမြစ်များ

Matius 5:1

Nebei ro miyae helende Yesus erekeumi hee, mokore yae Yesus ike, angken nuweuboke hee yae na moisa orowate yo Naei bokore mekate.

Lukas 6:25

Mayae nda heena kuikui maemae bele honoimeyayembe yo beko hele hubannembe, rabuhine ban moni mai ennehubambe. Mayae nda heena re are koimeyaube yo beko hele hubannembe, rabuhine ban kena beko yae rime a yae engkombe.

Kisah 26:29

Paulus yae weunge, “A fofo, koko reyae Allahre ebeli banale, mana yara weyae Agripa nane merau mayae mekaube boraukokaubene nemene raeinya wanen yengkombe. Nebeibe nda rantai raei mena mayae ehubaijae!”

Roma 12:3

Rare Allah kena buhae aere ban mae heufekokene reyae wamale, mai u benene eisamekoi kayeerobe u benene enekeyeijae. Nebeibe Wali Ondofolo Naei a elelere hila rabo halaeubene Allah meli mekai ikembe yae mai uware hului kolonnele.

1 Korintus 1:5

Meyae Wali Ondofolole a mare huwayembe heene mayae boraukokere na hele yae elaukoke naeise meyae maeisaei, rabuhine ban mayae Wali Ondofolole wali nibi a faeu huwaube nane merau Naei isaei hebaen isaeyaeukoke. Wali Ondofolo bele mbainye nekaube yae Allah yeume foi yoni-yoni nemene mare ikembe.

1 Korintus 4:18

Reyae isaeyeubokale mai nolona ro miyae hiwa reyae benen mai bokore ebeisoi emei hului yae hubainyene, embei aiko bele kate.

1 Korintus 5:6

Mai jemaatna uware kaeube u mekai foi ban sele. Ragi kaei-kaei yae tepung kaban mokoiboyeunge ohuleiboyele wanen mae, u mekai beko mokole ro mbai mokonnebonde mai jemaat kabanbe beko yembonde.

2 Korintus 11:1

Reyae rabo halaele naei foi sele raei kobu kalere kena yae herawembombe. Na hele mayae namman kena heraweimeyaube.

2 Korintus 13:9

Meyae elae ban nekande nane merau mayae na ijen mokombe naei elae bele nekaube hee, maei kena rei mai kande. Mai wali hiyei ranembokembe yae nekembe naeise, meyae Allahre ebeli boyannele.

Galatia 6:3

Nde yae nauware rabuhi bele yae hubannele elende era bae niyae erabuhi ban selebe, nebei ro nauware nenaeijae ame-ame yaneunge.

Filipi 1:27

Rahe ma benate hororebe, mai walibe niyae Yesus Wali Ondofololena a foi faeu foi boraukoke huluinye nekembe. Nebei mekai nekembene, reyae mai bokore erele, na ererende einya, ereboronde mayae nanemene u bene mbainye nekaube nane merau ro miyae Yesuslena a foi faeu foi kelaeumi huluinye hila rabo halenate naeise na hibi-hibi releyaunge.

Filipi 2:12

Reyae buhaere haemale aka baeke, mai u nolo u kainye namman nekewekale hee bele nda hee ahaunge nekale bele, Wali Ondofolole a elelere mayae hakoyaube ma mbai Allah Elaelo Wakelore hubara haeisa yanaungene, Wali Ondofolole wali hena bona wali nibi are na hibi-hibi relenembe hakomembe.

Wahyu 3:17

Mayae elaube, ‘Meyae keren nale bele yo, maei uware rambun na hului arilandekoke, kalore omoloiboi.’ Nebeibe mayae onaeukoke, naeinya hele mayae ro ban sele, mai wali baengko ban, keren nale ban, kumba, melan.

Wahyu 5:10

Weyae nebei yo mokoumibokae aei Allahle me kelee u keleene nekenate yo holo yae nekenate nane merau Allahle kaliare mokonate naeise imam holona ro miyaere yaeiboke. Nebei ro miyae ondofolo wanen mae nda kani kelare me enaimimokonde.”