1 Korintus 2:3 - Allahle a neme heteungekoke homofae

³ Mai bokone ekale hee raei uwa yambi koloukeufe nane merau buhae hokoufeboke oro me oinyeu hineubokale kowale.

1 Korintus 2:3 ပူးပေါင်းရင်းမြစ်များ

Kisah 17:1

Paulusle Silasle aloinyekoke ewote Amfipolis yora, nebeisa Apolonia yora ekete Tesalonika yone. Nebeinya Yahudi naei ei mom-mom imae mbai hebele.

Kisah 18:1

Paulus Atena yora kulun uke Korintus yore eke.

Kisah 18:12

Galio Akhaya kani naei Gubernurre yeuboke hee, Yahudi ro miyae mbainye arileufike Paulusre ikilaiboke, yawainyehoke are kolainye ijende ekate.

Kisah 18:6

Nebeibe Yahudi ro miyae Paulusre oboroi benen aukaka bele kowainyene, nebei ro miyae u mekai beko mokowate naei iwau kelemmile naeise na malona mande mo heraeyeubokera weumi, “Mai u mekai wa mekai mokowaube walora menaeijae u mekai beko bele ro miyae yae me baenembe. Yesusle wali nibi a kelerembe naeise raei baka randa hayeubokale. Reyae nda heera Yahudi ban ro miyaere keleremilere.”

2 Korintus 10:1

Reyae Paulus Wali Ondofolole Ro eisa raei naeise a mbai neremembere. Mai nolona ro miyae hiwa raei naeise nda ame-ame a yae elate, “Paulus aengkele mbainye einyekande hee naei u mekai nime haba hele, nebeibe ahaufa eyewole bae are be yae rabuleiboyole weume.” Nebei are elate ro miyae nda kani kelana wali beko nibi a huluinye nekate. Mayae maisaei Allahre ro be ro yoinye Wali Ondofolo Nauwa ro ban sele hubawounge, nebeibe Allah uwounge hului yae nane merau kena nime haba yae ro miyaere mokowoumi. Reyae kena kale Wali Ondofolole u mekai wanen ro miyaere mokoremile, nebeibe reyae hubanale nebei ame-amere elate ro miyaere be bele rabulerebonde a elae ufemile hele. Reyae mare riyamale mai bokore erele heene mare be humbarebonde a yarerembe naeise mehauwae omokonsemae.

2 Korintus 10:10

Rabuhine ban ro miyae hiwa yae elate, “Pauluslena homo yoni-yonina a nerabuhi bele nane merau elae bele. Nebeibe aei u nolo u kainyebe mbembane einyekewande bae, naei u mekai hosoro hele nane merau naei ahuba huwele ma baengko ban sele.”

2 Korintus 13:4

Yesus Wali Ondofolo ro miyae naei male u yambi u bele yae ohaline baikoke hereke, nebeibe nda hee Wali Ondofolo Allahle elae yae wali nekele. Nebei sului mbai meyae Wali Ondofolo bele mbainye nekandene Naei wanen male u yambi u nekande, nebeibe mai jemaat nolona me beko u beko mokate ro miyaere na mekai yae mokomamibonde naeise, Allah elae wake Wali Ondofolore ikeunge yae mokomale.

2 Korintus 13:9

Meyae elae ban nekande nane merau mayae na ijen mokombe naei elae bele nekaube hee, maei kena rei mai kande. Mai wali hiyei ranembokembe yae nekembe naeise, meyae Allahre ebeli boyannele.

2 Korintus 4:1

Nebeinye, Allah yanekoi yase yae ei haweyeume walora wali himalainyeboke yo yae me baemmele nibi neme are kelaemmile kaliare ikeumene, meyae rabo ban ma yae enekei.

2 Korintus 4:16

Nebei aerene meyae rabo ban u mekai yae enekei. Naendae mekai horo maei melen u ha u beko bende, nebeibe maei kena une na yane baei na hibi-hibi neme beimeyande.

2 Korintus 6:4

Meyae Allahle yebaei bubaei hele yae nekande yo, maei me u nemene ikelewammi Allah weume a huluinye nekande. Nda u mekai beko meisubaime hororebe meyae kena yae herawandeke Wali Ondofolore hila rabo eisalewanne: kena bekore mokoume rambun eisubawandene, maei uwane beko ibewatene, kena beko u beko ikowandene,

2 Korintus 7:15

Titus mai bokore eke kulunna mare uwombe a huluinye na fe waku bele kowaube hakowaube nane merau na mekai yae ei hauwaungele. Nebei aerene na kena buhae mare emekai bele hembe.

2 Korintus 7:5

Meyae Makedonia kanire ekande hee no yeiboi ban hubawande, enera faisa u mekai beko yoni-yoni no ban hee ban nei yae nekaimele, fe waku nekeume kowande.

Efesus 6:5

Ya-ya kaliare mokoyaumi holona yoni-yoni nda wali ma yae nekenate: mai rowa naei a elatere hubara haeisa yanemmile, nare fe bele faemmile, kena u na yolo-yolo yae hakommile. Mai u mekai harannebombe mai Wali Ondofolole a faeufe hakaube mokaube wanen mae mokommile.