1 Korintus 13:2 - Allahle a neme heteungekoke homofae

² Allah weufe are hufemile meli mekai bele nekalena, nane merau Allah nunne heraweuboke honate yoni-yoni raeisaei bangka mona, isaei hebaen yoni-yoni nanemene isaeyeubokalena, nane merau raei hila rabo elaekei sele huluinye elu yoise ufende raneije a hire nakeleisi eube hororebe, nebeibe reyae hiwa yore kena buhae u buhae ehei, reyae rabuhi ban mae nekale.

1 Korintus 13:2 ပူးပေါင်းရင်းမြစ်များ

Matius 13:11

Yesus yae weumi, “Raei me kelee u keleene nekate ro miyae holo naeise na nunna honate rambun isaeyembombe naeise mare mo ikembe, ndi yore eyei.

Matius 17:20

Yesus nda yore weumi, “Ma hila rabo kalo molombene. Nebeinye mare wamale nana hesele mai hila rabo sawi ko hului honayembe yae mayae na hului nda mokore waungele, ‘Nda anuwaufa ndire yae nakeleisi,’ nebei moko nakeleufiube. Mayae hila rabo halemmembena, na hului rambun kaban sele mokombe.

Matius 21:19

Nibi kelaeunge ara no erekene nebeise yae eke, nebeibe ani mbai ereiboi sele, fae bangka mo hebewate. Nebei ara nore weunge, “Weyae nda heera ani omokoi mo hebewendere!” Are ukeunge hee na hibi nebei ara na fae habawate.

Matius 21:21

Yesus yae weumi, “Reyae nana heselebe wamale, Mai hila rabo kena wauwau banna, mayae na hului nda ara nore ukanale kalaukoke ma mokombombe, nane merau nebei mo ban. Mayae na hului nda mokore wennele, ‘Weije naubune eituwe,’ nebei rambun na hului enaibende.

Kisah 13:1

Antiokhia jemaatna ro miyae nolora hiwa Allah a weumi huwaimi meli mekai bele hiwa hiwa ro miyaere isaeise kelaeimi meli mekai bele. Nda na ro niyae: Barnabas, Simeon (u elan nokombi yae iwewainye), Lukius (Kirene yona ro), Menahem (Ondofolo Herodesle nanembainye narewate), nane merau Saulus.

Roma 11:25

Aka naei baeke naei, Allah mare mo kena buhae hembe hubaungelene embei aiko okoi naeise, raei kena kale mayae nunne heraweuboke are isaeyembombere: Yahudi ro miyae holo mbai yun kaeng-kaen konaimende mende Allah meraufe raungehike Yahudi ban ro miyae Nare hakonainyebonde yo na hului yembonde yane.

Roma 15:14

Aka naei baeke naei, mai naeise reyae kena wauwau okoi, rabuhine ban u foi yoni-yoni helen mainya honayembe, isaei hebaen yoni-yoni are isaeyaeukoke, nane merau na hului hi yae hire kelennele.

Roma 16:25

Aka naei baeke naei, reyae Wali Ondofolena a foi faeu foise huwengkokamale. Nebei a heki hele nunne honowate. Nebeibe nda hee yoho nemene Wali Ondofolore hila rabo halenainyele naeise, nane merau hakonainyele naeise, Allah Hubalo Mando yae Naei yenjo kayaayo naei homofaene ukeumi molaikoke, nane merau nda heene Wali Ondofolole naeise yakaumeboke. Nebei Allah na hului mokonembonde Wali Ondofolo Naei a elelere hila rabo elae yae halemembe, hakomembe.

1 Korintus 11:4

Ro yoni-yoni ebeli boi-boi hee nane merau Allah weunge a huwemmile hee, yun felei belena, nebei ro naei yunde febe mokounge.

1 Korintus 12:28

Nebei mekai mbai jemaat einye Allah yae nda melen bai ma yo kaeneumikoke ukeumi Naei kaliare mokonate: mbai nendo abu ako, bee nendo Allah weumi are huwaimi yo, name nendo Wali Ondofolole wali nibi are kelaeimi yo, nebeisa rambun emere-emere mokate yo, era buloona yore onomire yaimi meli mekai bele yo, hiwa yore hakonaimiyende yo, hiwa yore me mokaimi na meli mekai bele yo, afaeu mahi-mahi elate yo.

1 Korintus 13:1

Ro miyae naei afaeu yoni-yoni bele malaikat yoni-yoni naei afaeu bele nanemene na hului elale hororebe, nebeibe reyae hiwa yore kena buhae u buhae banna, a waku mo kaenale!

1 Korintus 13:3

Raeinya honaisele rambun yoni-yoni nanemene hele hun ban wai ban yore waheremikonde baensoube, nane merau ((Wali Ondofolole aerene)) raei uwa waeremihinde inye hanaiseboube hororebe, nebeibe reyae kena buhae u buhae eheinya, nanemene raei foi naeise eyeiboi.

1 Korintus 13:8

Kena buhae u buhae huba ban haei ban. Allah weunge are huwaimi meli mekai ya mbai huba mokonnekonde. A faeu mahi-mahi elate naei meli mekai ya mbai hennunde. Isaei hebaen nunne honate rambunde isaeyate naei meli mekai ya mbai enainyundembonde.

1 Korintus 14:29

Bee, name hului yae Allahle weumi are hungate nane merau hiwa yo nebei a elatere hului foi yae ranainyehinde.

1 Korintus 14:39

Aka naei baeke naei, Allah wembe are huwembe naeise kena kaban mae kombe nekembe, nane merau afaeu mahi-mahi elei-eleise a hun okolommimae.

1 Korintus 14:4

A faeu mahi-mahi elele ro miyae naei hila rabo mo annenunde. Nebeibe Allah yae weunge are huwaimi ro miyae jemaatna ro miyae naei hila rabore amminunde.

1 Korintus 15:51

Angkaei borombo, Allah nunne heraweuboke honoweke abe wamale, eyae nanemene eisereiboi, nebeibe amin waku wanen rambun huba mokoikoi naei ranembonde hee yae waembin mae wembonde, eyae nanemene kakare ebei uwa yae bemmehonde. Nebei amin waku wanen rambun ranembonde mo, herewate yo kaka eyeiboi uwa yae amminunde nane merau eyae wali nekande yo bemmehonde.

1 Korintus 16:22

Ro miyae Tuhande kena buhae eheinya, Allah yae ehee bukulu ennehayende. Tuhan mei ba!

1 Korintus 4:1

Nebeinye, Wali Ondofolole yebaei bubaeise nane merau Allah nunne heraweuboke honayeke meraufe raungehike are faeufe humamiyendere maei baka ranne raumehike yo yae maere eremmele.

1 Korintus 7:19

Ro uwa elan nenainyehande bele eneisai bele rabuhire eyeiboi. Mere baemmile u mekai Allah weumi a huluinye hakombonde mokonde niyae.

1 Korintus 8:4

Nebeinya, reyae hoime bahere hili era akau erare kinyainyeboke raman anate naeise nda a wamale, eyae aeisaei nekande hoime bahe yoni-yoni rabuhi ban ma nane merau Allah mbai ken sele.

2 Korintus 12:11

Mayae moisa elae huraufekokene, reyae kobu ro miyaere yeubokale. Mai baka ranne huluinye mayae raei naeise a foi elaube, rabuhine ban naendae mekai horo rare me baei banbe, nebeibe “emekai bele abu ako” yae eraumi nolona mbai sambai rare ehameikoi sului.

Galatia 5:16

Reyae mare wamale, Allahle Roh yae kelembe huluinye mai wali harannebombere. Nebei nibi yae mai u mekai bekore kena haehae koyaube huluinye mayae ehakoyei.

Galatia 5:22

Allahle Roh yae keleumi mokate u mekai nda niyae: kena buhae u buhae, rei mai, kena foi u foi, kena hebaen u hebaen, a kena han kena ban, u foi wa foi, rabo halei-salei,

Galatia 6:3

Nde yae nauware rabuhi bele yae hubannele elende era bae niyae erabuhi ban selebe, nebei ro nauware nenaeijae ame-ame yaneunge.

Efesus 3:4

Nda homo mayae engkombe yae Wali Ondofolole uwa naei nunne honatere Allah rare yakaufeboke are na hului isaeyembombe.

Efesus 6:19

Allah Naei nunne honowate a nda niyae: Yahudi ban yo bele Yahudi yo bele Wali Ondofolo Naei a elelere hila rabo halenainyelena, wali hena bona enaiyaronde. Mayae ebeli bonnembe reyae nebei a foi faeu foi hufemile heene be rabulerebonde yae hufemile naeise, Allah yae Naei a wensele.

Kolose 1:26

Nebei ako faeuko aei abu naei arai naeite heena nunne honaimekene naeisaei ban, nebeibe mana Allah yae a hokoukoke Yesus Naei eleuboke wekeumi yore nda ako faeuko nunna honaimeke yakaumiboke.

1 Timotius 3:16

Nana hesele Yesus Wali Ondofolo Allah kenare kole hului mo nekewole nibi nunne honole. Yesus nda wali ma nekewole: Naei uwa yakaiboise ro miyae uwa yae yakaumeboke, Allahle Roh yae Neyae Allahlera mekere a yae eleukoke, Malaikat yae Nauware ijoko ereungeboke, nda kani kelana ro miyae Allahre oroiboi yo nolone Naei are huwewaimi, ro miyae nda kani kelana Nare hila rabo halewainye, Allah Nare kaeuboke nene waewae bele anuwaunge eungehauboke.

1 Yohanes 4:8

Ro miyae nde kena buhae u buhae eheyei kiyae Allahre oneunge, rabuhine ban Allah kena buhae u buhae hei-sei none.