1 Korintus 10:7 - Allahle a neme heteungekoke homofae

⁷ Nane merau nebei yo yae hoime bahere Allah wanen ei molowaimi wanen mae omoloijae. Nebei yo naeise nda wanen molaikoke, “Nebei yo kaban yan kaban raiboke, raman bu anaikokera ainyuke Allah kena ikelere mokainye me u kowate.”

1 Korintus 10:7 ပူးပေါင်းရင်းမြစ်များ

Kisah 15:20

Men, nda a usaei ma yae homone molomakonde imamilere. Hoimere bahere eise molaimina raman aneijae. Yoko kaeimae nemene hee rorombe. Obo yoku ha einye heikoyeunge herele na melen aneijae, nane merau ha aneijae.”

1 Korintus 10:14

Nebei aerene, reyae kena buhaere haemale aka baeke, hoime bahere Allah wanen mae ei omolommimae.

1 Korintus 5:11

Nebeibe raei mekai nda a mare haraungebokale wamale, ro miyae Wali Ondofolole eisa mai aka baeke yeubokere elelebe nebeibe yoko kaeimae kole, ro miyae naei rambunde kena haehae koyele, hoime bahere ei moloumi, ro miyae hiwa naeise a beko faeu beko huwele, keu bu mali kole, ame-ame bele, nebei u mekai bele ro miyae mangkele homo mbainye oroijae, nane merau raman mbainye aneijae.

1 Korintus 6:9

Mayae maisaei sele Allahle me kelee u keleena ro miyae foi hubanainyende rambunde u mekai bekore mokate ro miyae yae ehubaikoi sului. Mare ame-amebe wabenayensimbe bele, nda a wamalere borombe, nda u mekai ma ro miyae nanemene Allahle me kelee u keleene nekate ro miyae foi hubanainyende rambunde ehubaikoi sului: ro miyae yoko kaeimaere koyate, hoime bahere ei moloyaimile yo, ro miyae bele miyae ro bele mbainye hononate yo, ro akobae bele miyae akobae bele uwa mbainye honate yo, yokoyo, ro miyae naei rambunde kena haehae koyate yo, keu bu mali yo, ro miyae hiwa naeise a beko faeu beko huwate yo, ame-ame yae rambunde yarate yo.

1 Korintus 8:7

Nebei Allahle naei are ro miyae nanemene isaeyeiboi. Na bere neyae nebei hoime bahere ei molaimiyeke aerene nda hee bele hili era akau erare kinyainyeboke ramande anenaikondena, na kena u einye na ijende naeise weunge a elae banne, beko mokaikoke wanen hubanainyele.

1 Yohanes 5:21

Reyae buhaere haemale kelu omi, hoime bahe yoni-yonire ei omoloijae.