1 Korintus 10:4 - Allahle a neme heteungekoke homofae

⁴ Nane merau nanemene Allah iwoumi bu mbai yae anewate. Nebei Allah iwoumi bu rukara rilewole. Neuwa Allah iwoumi rukara bu anewate wanen, na kena u rukara anewate. Nebei ruka mbai Wali Ondofolo.

1 Korintus 10:4 ပူးပေါင်းရင်းမြစ်များ

Yohanes 4:10

Yesus yae weunge, “Allah yae ro miyaere aere ban mae foi yeyeumi nane merau Reyae ware bu andehindere riyawale Kiyae Allah yae ukeufe mekale. Nebei a isaeyeubokaena, weyae Rare wali bele bu riyeufehinde, ware walire yeumi bu isete.”

Yohanes 4:14

nebeibe Reyae isende bu anensinde Kiyae bukire ehubasi nekenende. Reyae isende bu yae anensindera nauwa einye bu no wanen yembonde, na hibi-hibi rilennende, wali hena bona hubannende.”

Yohanes 7:37

Nebei raman bulau na huba mokoikoi ya naei ya kaban sele mokaiboke na ro miyae hebatere Yesus a kaban don mae kaeneumi, “Mayae ro miyae nde walire yennele bure buki kolena, mei, a elalere hila rabo halembe, nebei bu anembe.

Galatia 4:25

Nda Hagar, Arab kanine eke honole Sinai moko niyae, nane merau Yerusalem yo nda heena wanen. Rabuhine ban ro miyae nebeinya Musale walora wali heere foloukoke a keleene nekenatere kena hele kate.

Kolose 2:17

Nebei rambun yoni-yoni Wali Ondofolole wali nibi a nulu wanen yaeiboke. Nebei nulu na bere meke, uwa hele Wali Ondofolole eisa.

Ibrani 10:1

Musale walora wali heere foloukoke a yae Allah are heteungekoke nibi neme ro miyaere wali himalainyeboke yo yae me baeyeumi are nana ma yae kelewoumi, nebei nibi neme hele ban, u nulu na mokounge rambun keleumi wanen. Nebei aerene Musale walora wali heere foloukoke huluinye ro miyae Allahre eise molonainyelere mate yo na hului ban sele obo yoku na ralone yakamane baei imam walora Allahre ongkoufe felenayende walora naei wali himalonaibonde.

Wahyu 22:17

Allahle Roh bele miyae neme wainyeboke wanen Allahle jemaat bele elete, “Menne!” Borate ro miyae yae elenate, “Menne!” Ro miyae nde walire yemmile bu anensindere ki oyeungena, mai kena kaube hului me karo yae ren.