Žud batagaa 1:16 - Songhai de Gao Bible

¹⁶ Borey din manʼti kala ŋuunuŋuunukoyniyaŋ, i mma hẽe nda ngi takaa. I ga dira nda ngi boonay futawey. Deeney ga beeri, i ga borey meekaanay haya maaganda se.

Žud batagaa 1:16 ပူးပေါင်းရင်းမြစ်များ

Ayuba 32:21

Ay si borey daŋ cere jine, ay si adamize kul zanzaŋ.

Ayuba 34:19

A si boŋkoyni ndumoo guna, a si almankoyni daŋ talka jine, zama nga kabey ka ngi boro hinkaa kul taka.

Zaburey 106:25

I ŋuunuŋuunu ngi hukkumey cire, i mana haŋajer Abadantaa šennoo se.

Zaburey 15:4

A si baa boro kaŋ Irkoy nʼa fur, a ga borey beerandi kaŋ ga hunbur Abadantaa, ba nda a žee haya ga kaŋ si boori a se, a gʼa tee.

Zaburey 17:10

Biney ga kogu, i ga šelaŋ nda deenebeeray.

Zaburey 73:8

I ga borey fude, i ga šelaŋ nda futay ka borey zarabi, i ga šelaŋ nda hinšitaray.

Yaasawey 28:21

Ka borey daŋ cere jine si boori, ŋaayan dunba se boro ga yadda ka goy futu tee.

Sargarey 19:15

Masi borey fay-fay ciiti ra: masi talkaa ndumoo guna, masi almankoynoo jer. Ma ni gandaa boro ciiti nda šerretaray.

Kabuyaney 14:36

Arey kaŋ Musa nʼi sanba i ma koy gandaa monno, ngi yee kateyanoo ga, i na gandaa maa futaa har ka jamaa kul daŋ ŋuunuŋuunuyan ra.

Kabuyaney 16:11

Woo se ni nda ni jamaa kul, war tee mee foo Abadantaa ga. Haruna ti may kaŋ ga war ga ŋuunuŋuunu?»

Luka 15:2

Fariziyeŋey nda Citaaboo baykey ŋuunuŋuunu ka nee: «Woo, zunubu teekey no a gʼi barraku, koyne mo a ga ŋaa i bande!»

Luka 19:7

Kaŋ borey dii woo, i kul ŋuunuŋuunu ka nee: «Aru zunubante do a koy goro.»

Luka 5:30

No din ra Fariziyeŋey nda ngi Citaaboo baykey cindi i ga ŋuunuŋuunu ka nee nga taalibey se: «Cin se war ga ŋaa war ga haŋ alkaasidiikey nda zunubu teekey bande?»

Yehiya 6:41

Alyahuudey ŋuunuŋuunu Isa ga, zama a nee: «Agay ti ŋaahayaa kaŋ zunbu ka hun beenaa ra.»

Yehiya 6:61

Isa bay hayaa kaŋ nga taalibey gʼa ŋuunuŋuunu šennoo woo ga, a nee i se: «Woo mma war maray?

Korent borey bataga 1na 10:10

War masi ŋuunuŋuunu. Boroyaŋ i ra nʼa tee, wiiyakaa nʼi halaci.

Galati borey batagaa 5:16

Hayaa kaŋ ay ga baa yʼa bayrandi war se manʼti kala war ma dira Irkoy Hundoo bande, nga ra war si dira nda hundi-ibaayi boonawey.

Galati borey batagaa 5:24

Borey kaŋ ti Almasihu [Isa] borey na hayey kaŋ hundi-ibaayi ga bagʼey nda wey kaŋ a gʼi boonay kanji.

Alhukumoo 1:27

War ŋuunuŋuunu war hukkumey cire, war nee: ‹Abadantaa mma konna ir, woo se a nʼir fattandi Misira gandaa ra hala nga mʼir daŋ Amor borey kabey ra i mʼir halaci.›

Filipi borey batagaa 2:14

Haya kul kaŋ war gʼa tee wʼa tee bila ŋuunuŋuunu bila kakaw.

Tesalonik borey bataga 1na 4:5

War masi war boŋ naŋ boonay futu bajoo bande sanda takaa kaŋ dumey jerey kaŋ si Irkoy bay gʼa tee.

Timote bataga 1na 6:5

nda kakaw yaadawey kaŋ si ben kaŋ goo boro lakkal futawey nda cere game, cimi sii i kone. I ga hongu kaŋ Irkoy ganayan manʼti kala alman duuyan fondo.

Timote bataga 2to 4:3

Zama alwaati ga kaa kaŋ borey si cawyan cimoo suuri, i ga cawandikaw booboyaŋ marga ngi boŋ se, zama ngi alhawaa no i ga boonay ngi ma maarʼa.

Piyer bataga 1na 1:14

Boonay futawey kaŋ cindi war ra waatoo kaŋ ra war si haya bay, war masi hanga i bande. Wa tee sanda zankayaŋ kaŋ ga haŋajer.

Piyer bataga 1na 2:11

Ay baakey, ay ga war hoyray, war kaŋ manʼti kala sanda naarukawyaŋ nda yawyaŋ, war ma war boŋ dii boonawey ga kaŋyaŋ ga hundi wongu.

Piyer bataga 1na 4:2

hala waatoo kaŋ cindi a se nga hunaroo ra gaaham here, a masʼa tee adamize boonawey se, amma a mʼa tee Irkoy ibaayoo se.

Piyer bataga 2to 2:10

Waaniwaani borey kaŋ ga hanga ngi hundi-ibaayi boonay žiibey bande ka koytaraa kaynandi. Cawandikaw taariharkey wey ga naanay ngi boŋ, alfitinakoyniyaŋ no, i si hunbur ka beenaa hinikoyey wow.

Piyer bataga 2to 2:18

I ga bolsay šenni yaadayaŋ har, i ga ngi gaaham boonay futawey ka borey derandi kaŋ mana gay ka hun borey ra kaŋ ga dira dereyan ra.

Piyer bataga 2to 3:3

Haya jinaa kaŋ war mʼa bay manʼti kala: zaari korawey ra, kašikašikoyniyaŋ ga kaa, i ga dira kašikašiyan ra ka sawa nda ngi boŋ boonay futawey.

Žud batagaa 1:15

ka borey kul ciiti, ka borey kaŋ si hunbur Irkoy zukandi ngi goy laalawey se kaŋ i nʼi tee ngi futuyanoo ra nda ka zunubu teekey kaŋ si hunbur Irkoy zukandi šenni laaley din kul kaŋ i nʼi har a ga se.»

Žud batagaa 1:18

I nee war se: «Waati koraa ra, ɲooɲokoyniyaŋ ga bangay, i ga dira nda ngi boonay futawey kaŋ ga mooru Irkoy.»