Žak batagaa 5:3 - Songhai de Gao Bible

³ Guuruboosu tun war wuragoo nda war nzorfu kaaraa ra, ngi guuruboosoo ga seedetaray tee war ga, a ga war gaahamey ŋaa sanda nuune. Zaari korawey kaŋ ga kaa ra war na alman marga.

Žak batagaa 5:3 ပူးပေါင်းရင်းမြစ်များ

Šintinoo 31:48

Labaŋ nee: «Hõ banda ga, tondi margantaa manʼti kala seede ir game!» Woo se a na nongoo maaɲoo daŋ Galed.

Šintinoo 31:52

Tondi margantaa ma tee seede, tondoo woo kaŋ ga kay ma tee seede kaŋ ay si bisa tondi margantaa nda tondoo kaŋ ga kay ga ka koy ifutu tee ma ne, ni mo si bisa i ga ka kaa ay heroo ra ka ifutu tee ya ne.

Šintinoo 49:1

Yakuba ciya nga izʼarey se, a nee i se: «Wa marga, ay ga hayey filla war se kaŋ ga kaa ka tee zamaney kaŋ ga kaa ra.

Ayuba 16:8

Nʼnʼay kuuru-kuurandi, woo ga tee ay ga seede. Ay ɲomyanoo gʼay wurru ka tee ay ga seede.›

Teegoyey 2:17

‹Zaari korawey ra, Irkoy nee: “Ay gʼay Hundoo doori borey kul ga, war izʼarey nda war ize woyey ga annabitaray tee, war soogey ga dii bangandiyaŋ, war boro žeeney ga handiri.

Rom borey batagaa 2:5

Nʼga šendi, ni binoo si barmay, ni goo ma futay marga ni boŋ se futuroo hane kaŋ ra Irkoy ciiti šerrantaa ga bangay.

Timote bataga 2to 2:17

Ngi šenney ga hima nda dori kaŋ ga ham ŋaa. Borey din, Imene nda Filet goo i ra

Žozuwe 24:27

Žozuwe nee jamaa kul se: «Nga ne, tondoo woo ga tee ir ga seede, zama a maa šenney kul kaŋ Abadantaa nʼi har ir se. A ga tee war ga seede war masi koy war Koyoo yankar.»

Piyer bataga 2to 3:3

Haya jinaa kaŋ war mʼa bay manʼti kala: zaari korawey ra, kašikašikoyniyaŋ ga kaa, i ga dira kašikašiyan ra ka sawa nda ngi boŋ boonay futawey.

Bangandiroo 17:16

Hilli woyaa (10) kaŋ ni dii a nda adabbaa ga woykuuroo konnay, i gʼa kabe koonay kʼa naŋ gaa koonu. I ga nga hamoo ŋaa, i gʼa ton nuune ra kʼa tee boosu.

Bangandiroo 20:15

Boro kaŋ mana hantumandi hunaroo citaaboo ra ga warrandi guusu beeroo ra kaŋ ra nuune ga dii.

Bangandiroo 21:8

Amma alkubey, nda borey kaŋ si naanay, nda harramantey, nda borowiikey, nda woy nda aru izefututaray teekey, nda kottekoyney, nda tooru ganakey, nda taariharkey kul bagaa manʼti kala guusu beeroo kaŋ ra nuune nda ganjibaali ga dii: woo ti buuyan hinkantoo.»