Žak batagaa 5:13 - Songhai de Gao Bible

¹³ Boro goo war ra kaŋ ga zarabi wala? A ma Irkoy ŋaaray. War boro kaŋ ga ɲaali, a ma don ka Irkoy saabu.

Žak batagaa 5:13 ပူးပေါင်းရင်းမြစ်များ

Taarikey 1na 16:9

Wa don a se, wa don kʼa saabu, wa nga goy kayfantey kul har borey se!

Ayuba 33:26

A ga Irkoy suurandi, a ga alhormo tee a se, a ga koy kay a jine nda ɲaali. Irkoy ga boraa willi nga šerretaraa dogoo ra.

Zaburey 105:2

Wa don a se, wa don kʼa saabu, wa nga goy kayfantey kul har borey se!

Zaburey 118:5

Binehasaraw ra, ay na Abadantaa cee, a nʼay zaabi, a nʼay feeri.

Zaburey 18:6

Alaahara karfey nʼay kuubi kʼay bere, buuyan filijey goo ay jine.

Zaburey 50:15

Mʼay cee zarabi zaari hane, ay ga ni feeri, mʼay beerandi.

Zaburey 91:15

A gʼay cee, ay gʼa zaabi. Waati šenda ra, agay hunday goo a bande, ay gʼa kaa a ra, ay gʼa beerandi.

Zaburey 95:2

Ir ma koy kay jinoo ra nda albarka daŋyan, ir ma kaati nda ɲaali ka baytiyaŋ don a se!

Yunusa 2:2

Hamiisa beeroo woo gundoo ra Yunusa na nga Koyoo, Abadantaa ŋaaray.

Yunusa 2:7

Ay zunbu teekoo cire ka too hala nongoo kaŋ ra tondi hondey asaasoo goo, no din ra alaahara ganbey baa ka daabu ay ga hala abada. Amma Abadantaa, ni kaŋ ti ay Koyoo, nʼnʼay hundoo yeeti ay ra kʼay kaa guusu futu ra.

Matiyu 26:30

I na baytiyaŋ don, de i fatta ka koy Zaytuɲaŋey tondi hondoo do.

Luka 22:44

Binekankamay beeri duu a, a hanse ka Irkoy ŋaaray ka tonton. Nga sungaa tee sanda kuri gunguti-izeyaŋ kaŋ ga kaŋ laboo ra.]

Luka 23:42

A nee: «Isa, hongu agay waati kaŋ ni kaa nda ni Laamaa.»

Korent borey bataga 1na 14:15

Macin no yʼa tee? Ay ga ŋaaray nda ay hundoo, amma ay ga ŋaaray nda ay lakkaloo mo. Ay ga dooni nda ay hundoo, amma ay ga dooni nda ay lakkaloo mo.

Korent borey bataga 1na 14:26

Agʼarmey, macin no ir mʼa tee? Waati kaŋ war ga marga, boro foo ga bayti don, affoo ga cawandi, affoo ga šenni tana šelaŋ, affoo ga bangayyan har, affoo ga šenney feeri, war affoo kul ma haya tee. Haya kul kaŋ war gʼa tee ma tee nafaw se.

Efez borey batagaa 5:19

Cere bande war ma zaburyaŋ har, ka saabu dooniyaŋ, nda dooniyaŋ don kaŋ Irkoy nʼi noo, war ma don kʼir Koyoo saabu nda war binoo kul.

Eberewey batagaa 5:7

Waatoo kaŋ Isa goo laboo ga, a na Irkoy ŋaaray kaŋ ga hin kʼa hallasi buuyan ra, a nʼa suurandi hala nongu kaŋ ra a hẽe ka jinde jer ka hanse ka kaati. Irkoy nʼa yakubar, zama a nka Irkoy gana.

Žak batagaa 5:10

Agʼarmey, zarabi nda suuri here, wa annabey kaŋ šelaŋ ir Koyoo maaɲoo ga guna ka tee.

Bangandiroo 14:3

I ga dooni taaga don kokoy gorodogoo jine, nda hundikoyni taacaa jine, nda boro beerey jine. Boro kul si hin ka doonoo din denden nda manʼti boro zenber zangu nda zenber woytaaci cindi taacaa (144.000) hinne kaŋ dayandi ka kaa kabe ra laboo ga.

Bangandiroo 7:10

I ga jinde jer ka kaati ka nee: «Hallasiroo manʼti kala ir Koyoo kaŋ ga goro kokoy gorodogoo boŋ nda Feeji-izoo wane.»