Žak batagaa 5:1 - Songhai de Gao Bible

¹ Sohõ war ga ay goo, almankoyney! Wa hẽe war ma yooyo bonawey kaŋ ga kaŋ war boŋ maaganda se.

Žak batagaa 5:1 ပူးပေါင်းရင်းမြစ်များ

Zaburey 17:14

Abadantaa, ni kaboo kʼay hallasi adamizey ra, aduɲɲa borey kabey ra! Ngi bagaa ti aduɲɲa, ngi gundey too nda woo kaŋ nʼnʼa jisi, ngi izey ga kungu, i ga kungu ka cindoo naŋ ngi zankey se.

Yaasawey 11:28

Boro kaŋ ga nga naanaa daŋ nga almanoo ra ga kaŋ, boro šerrantey ga boosu ka feeri sanda tuuri fita.

Yaasawey 11:4

Alman si haya kul hanse futay zaari hane, šerretaray no ma boro hallasi buuyan ra.

Alhukumoo 32:15

Yešurun warga, a na tafa. Ni warga, ni naasu, ni yuttu. A na Koyoo naŋ kaŋ nʼa tee, a na nga hallasiroo Tondoo kaynandi.

Žak batagaa 1:11

Zama waynaa fatta nda nga konnoo, a ga suboo kogandi, nga kutukuryaa ga kaŋ, nga booroo dere. Takaa din da, almankoynoo ga menne nga goyey ra.

Žak batagaa 2:6

Amma war, war na talkaa kaynandi. Manʼti almankoyney no ma war daŋ ngi hinoo cire, manʼti ngi no ma war ka koy ciitikey jine?

Žak batagaa 4:13

Sohõ war ga ay goo, war kaŋ ga nee: «Hõ wala suba ir ga koy koyra filaana ra, ir ga jiiri foo tee no din, ir ga maamala, ir ga albaha tee.»

Žak batagaa 4:9

Wa war binemaraa bay, war biney ma kankam, war ma hẽe. War haaraa ma bere ka tee binemarayyan, war ɲaaloo ma tee binehasaraw.