Žak batagaa 4:9 - Songhai de Gao Bible

⁹ Wa war binemaraa bay, war biney ma kankam, war ma hẽe. War haaraa ma bere ka tee binemarayyan, war ɲaaloo ma tee binehasaraw.

Žak batagaa 4:9 ပူးပေါင်းရင်းမြစ်များ

Nehemi 8:9

Jamaa kul hẽe kaŋ i maa ašariyaa šenney. Woo ga, goforneroo Nehemi, nda sargari juwalkaa kaŋ ti citaaboo baykaw alfagaa Ezra, nda Lewi borey kaŋ ga jamaa cawandi, i nee jamaa kul se: «Hõ manʼti kala zaari kaŋ yeetandi jere ga war Koyoo Abadantaa maaɲoo ga, war ndumey masi huru cere ra, war masi hẽe.»

Ayuba 30:31

Ay kuntijoo si hẽe de kala buuyan dooney se, ay laatoo si kara de kala hẽeni donkey se.»

Zaburey 119:136

Ay moɲey ga isa hariyaŋ doori, zama borey si ni ašariyaa dii.

Zaburey 119:67

Ay cindi ka hun fondaa ga waatoo kaŋ ya na zarabi, amma sohõ ay ga ni meešennoo dii.

Zaburey 119:71

Zaraboo boori ya ne hala ya ni hantumey caw.

Yaasawey 14:13

Ba haaray ra bine ga hin ka hẽe, ɲaaliyan kokoroo ga hin ka tee binemarayyan.

Waazukaa 2:2

Haaray here ay nee: «Saamataray no!» Ɲaali here ay nee: «Macin no a gʼa hanse?»

Matiyu 21:41

I nee a se: «A ga boro laaley wey halaci laala. A ga faaroo yeeti beerikaw tanayaŋ se kaŋ gʼa noo faari-izey hegaa waati.»

Matiyu 5:4

Borey duu gomni kaŋ ga hẽe, zama ngi, i ga kaa ka duu bineyaynay.

Luka 16:25

Ibirahima nee a se: ‹Ay izoo, hongu kaŋ ni duu ni bagaa gomnoo ni hunaroo ra, amma Lazar laazaaba, sohõ binoo yay, ni, ni goo ma zarabi.

Luka 6:21

War kaŋ ti borey kaŋ ga heray sohõ da duu gomni, zama war ga kaa ka kungu. War kaŋ ti borey kaŋ ga hẽe sohõ da duu gomni, zama war ga kaa ka haaru.

Luka 6:25

War bone, war kaŋ kungu, zama war ga kaa ka heray. War bone, war kaŋ goo ma haaru sohõ da, zama war biney ga kaa ka maray, de war ga hẽe.