Žak batagaa 4:8 - Songhai de Gao Bible

⁸ Wa man Irkoy, a ga man war. Zunubantey, wa war kabey ɲumay, lakkal hinka-hinkakoyney, wa war biney henanandi.

Žak batagaa 4:8 ပူးပေါင်းရင်းမြစ်များ

Šintinoo 18:23

Ibirahima man kate, de a nee: «Adiši nʼga išerrante halaci ifutu bande wala?

Taarikey 1na 28:9

Haya kaŋ ti ni, ay izʼaroo Sulaymaana, nʼga hima ka ni baabaa Koyoo bay ka boori, mʼa gana nda ni binoo kul nda anniya henna, zama Abadantaa ga borey kul biney neeši, haya kul kaŋ goo boro lakkaloo ra, a gʼa bay. Nda nʼnʼa ceeci, a ga naŋ ma duu nga, amma nda nʼnʼa naŋ, nga mo ga wanji ni ga hala abada.

Taarikey 2to 15:2

A fatta ka Asa kubay ka nee a se: «Asa, nda Žuda borey kul, nda Benžameŋ borey, wa haŋajer ya ne! Abadantaa goo war bande nda war goo a bande. Nda war gʼa ceeci, a ga naŋ war ma duu nga, nda war nʼa fur, a ga war fur.

Ayuba 16:17

Ka gar ay kabey mana ifutu tee, ay Irkoy ŋaarayroo ga henan.

Ayuba 17:9

Boro laadirantaa ga durkutu ka cindi nga fondaa ga, boro kabe henanantey gaaboo ga tonton.

Ayuba 9:30

Ba nda ay ɲumay neeži hari ra, ba nda ay nʼay kabey ɲumay soso ra,

Zaburey 119:113

Ay ga konna adamize bine hinkakoyney, ay ga baa ni ašariyaa.

Zaburey 145:18

Abadantaa ga man borey kul kaŋ gʼa cee, nda borey kul kaŋ gʼa cee nda cimi.

Zaburey 18:20

A nʼay kaa ifutu ra kʼay feeri, a nʼay hallasi, zama ay ga kan a se.

Zaburey 24:4

Kala a ma tee boro kaŋ kabey ga henan, binoo ga kaaray, a si nga hundoo noo taari se, de mo a si žee ka darga.

Zaburey 26:6

Ay gʼay kabey ɲumay kʼay henanyanoo cebe, ay ga ni sargari tonadogoo kuubi kʼa bere, Abadantaa,

Zaburey 51:10

Ay mandi binekaanay nda ɲaali, woo ra birey kaŋ nʼnʼi kayri ga yafarhã.

Zaburey 73:13

Adiši, ya nka ay binoo henanandi yaada, ay nʼay kabey ɲumay ka cebe kaŋ ay ga henan.

Zaburey 73:28

Agay, ya man Irkoy ga boori ya ne. Nongoo kaŋ ra ay gʼay boŋ talfi ti ay Koyoo, Abadantaa hala ya duu ka ni teegoyey kul deede.

Matiyu 12:33

«Nda tuuri ga boori, izoo ga boori. Nda tuuri ga futu, izoo ga futu. Zama tuuri, izoo nda a ga bayrandi.

Matiyu 15:2

«Macin se ni taalibey ga alaadaa hoo kaŋ ir nʼa gar ir kaagey ga? Zama i si ngi kabey ɲumay nda i ga ŋaa.»

Matiyu 27:24

Kaŋ Pilat ga dii kaŋ nga si duu fondo, hoolaa mma koy de a ga tonton, a na hari zaa ka nga kabey ɲumay alžamaa jine ka nee: «Ay ga henan boro šerrantaa woo kuroo munyanoo ra. A goo war jine.»

Teegoyey 15:9

A mana fay-fayyan kul daŋ ir nda i game. A na biney henanandi naanaa albarkaa ra.

Korent borey bataga 2to 7:1

Ay baakey, allaahidey wey kaŋ ir duu ey maaganda se, ir mʼir boŋ henanandi ka kaaray ka hun gaaham nda hundi žiibi dumi kul ga. Ir ma henanyan timmante tee Irkoy hunburaa ra.

Timote bataga 1na 2:8

Adiši ay ga baa arey ma Irkoy ŋaaray nongu kul ra ka ngi kabe henanantey jer bila futay bila kakaw.

Eberewey batagaa 10:22

Ir ma man Irkoy nda bine kaaray nda naanay timmante, ir ma duu bineyaŋ kaŋ henan ka mooru ifutu kaŋ ir bay ir lakkaley ra kaŋ ir nʼa tee nda gaaham kaŋ ɲumay nda hari henanante.

Eberewey batagaa 7:19

ašariyaa mana haya kul tee kʼa timmandi, amma naata henna feeri ir se kaŋ ga kate ir ma man Irkoy.

Žak batagaa 1:8

lakkal hinka-hinkakoyni no, nga fondawey kul ra, a si kay doo foo.

Žak batagaa 3:17

Lakkaloo kaŋ hun beene, haya jinaa ti, a ga henan, a ga alaafiya noo, a ga boro tee boro boryo, a ga waafakay ceeci, a ga too met nda hinnari nda teegoy henna, a si borey daŋ cere jine, almunafikitaray sii a ra.

Piyer bataga 1na 1:22

War na war hundey henanandi nda cimoo haŋajeryanoo ka armataray baji tee kaŋ ra almunafikitaray sii. War ma baa cere nda soobay nda bine [kaaray].

Piyer bataga 1na 3:21

Haroo woo ga hima nda sanda batizeyanoo kaŋ ga war hallasi sohõ. Batizeyanoo woo manʼti a mma gaaham žiibi kaa, amma a mma cebe kaŋ nga ga Irkoy gana nda nga lakkaloo kul. Batizeyanoo gʼir hallasi, zama Isa Almasihu tun bukawey ra,

Yehiya bataga 1na 3:3

Boro kul kaŋ naataa woo goo a ra ga nga boŋ henanandi, sanda takaa kaŋ nda Almasihu ga henan.

Samiyel 1na 14:35

Sawul na sargari tonadoo cin Abadantaa se, sargari tonadoo jinaa ti woo kaŋ a nʼa cin Abadantaa se.