Žak batagaa 1:9 - Songhai de Gao Bible

⁹ Arma talkaa ma ɲaali nda nga jeryanoo,

Žak batagaa 1:9 ပူးပေါင်းရင်းမြစ်များ

Zaburey 62:9

Jamaa, waati kul war ma war naanaa daŋ Irkoy ra! Wa haya kaŋ goo war biney ra har a se! Irkoy ti nongoo kaŋ ra ir ga ir boŋ talfi. Kay-kayna

Yaasawey 17:5

Boro kaŋ ga haaru talka ra na nga Takakaa kaynandi, boro kaŋ ɲaali nda bone si diyandi boro kaŋ mana haya kul tee.

Yaasawey 19:1

Talka kaŋ ga dira laadirtaray ra baa boro kaŋ sii nda lakkal, a ga šenni šiirandi.

Luka 1:52

a na borey kaŋ kone hinoo goo kaa fuulaa ra, de a na borey jer kaŋ na ngi boŋ yeeti ganda.

Luka 10:20

War masi ɲaali nda kaŋ ganjey ga war yaamarey tee, amma wa ɲaali nda haya kaŋ se war maaɲey hantumandi beenaa ra.»

Luka 14:11

Zama boro kul kaŋ na nga boŋ jer ga yee ganda, boro kaŋ na nga boŋ yeeti ganda ga jerandi.»

Luka 9:48

de a nee i se: «Boro kul kaŋ yadda ka zankaa woo dii ay maaganda se, boraa, agay hunday ga a yadda. Boro kul kaŋ yadda ay ga, boraa kaŋ nʼay sanba ga a yadda. Boraa kaŋ kacca nda war kul, nga ti ibeeroo.»

Rom borey batagaa 8:17

Nda Irkoy izeyaŋ ti ir, ir manʼti kala tubukawyaŋ mo, Irkoy tubukaw kaŋ ga tubu Almasihu bande, nda a gar ir zarabi a bande, ir ga daržandi a bande.

Korent borey bataga 2to 6:10

I gʼir dii sanda boroyaŋ kaŋ biney maray, ka gar waati kul ir ga ɲaali, sanda talkayaŋ, amma ir ga boro boobo tee almankoyni, sanda boroyaŋ kaŋ sii nda baffoo, ka gar ir goo nda haya kul.

Alhukumoo 15:11

Talka si ben gandaa ra, woo se ay ga ni yaamar ka nee: ‹Ma hanse ka kabedoonay ni arma talkaa wala alfukaaroo se kaŋ goo ni gandaa ra.›»

Alhukumoo 15:7

Nda ni do talka goo ni armey ra, ni koyrawey affoo ra, ni gandaa ra kaŋ Abadantaa, ni Koyoo gʼa noo ma ne, masi ni binoo kogandi a ga, masi ni kaboo šendandi ni arma talkaa se.

Alhukumoo 15:9

Ni boŋ hawgay masi anniya futu zaa ni binoo ra ka nee: ‹Jiiri iyyantoo man, naŋyanoo jiiroo› ka ni arma talkaa guna nda guna futay, de manʼa noo haya kul. A ga kaati ka Abadantaa cee ni ga, de nʼga duu zunubu.

Filipi borey batagaa 3:14

Ay ga zuru ka koy guwoo ga hala ya duu Irkoy beenaa ciyayanoo gomnoo kaŋ ga duwandi Almasihu Isa sabboo ra.

Filipi borey batagaa 3:3

zama ir ti hurubanguyan cimoo, ir kaŋ ga Irkoy gana nga Hundoo albarkaa ra, ka bolsay nda Almasihu Isa, ir si felle gaaham ga.

Piyer bataga 1na 2:9

Amma war, war manʼti kala dumi suubante, «Kokoyoo sargari juwalkey, ganda henanante», jama kaŋ ti Irkoy wane, hala war ma haya beerey deede kaŋ a nʼi tee war se, nga kaŋ na war cee ka war kaa kubaa ra ka war daŋ nga gaay hennaa ra.

Bangandiroo 2:9

“Ay ga ni zaraboo nda ni talkataraa bay, amma almankoyni ti ni, borey kaŋ ga nee Alyahuudu ti ngi, ka gar i manʼti a, ay ga ngi wowey bay, i manʼti kala Šaytan margahugoo.

Samiyel 1na 2:8

Yalaafantey kaŋ goo kusaa ra, a gʼi tunandi, a ga talkaa jer kʼa kaa žiiboo ra kʼa gorandi boŋkoyney bande. A gʼi noo i ma kokoy fuula daržante tubu. Zama Abadantaa wane nda laboo ganjey, ngi ga a na aduɲɲa gorandi.