Žak batagaa 1:19 - Songhai de Gao Bible

¹⁹ War ma bay, agʼarmey, ay baakey, adamize kul ma cahã ka haŋa kayandi, amma a masi cahã ka šelaŋ, a masi cahã ka futu,

Žak batagaa 1:19 ပူးပေါင်းရင်းမြစ်များ

Nehemi 8:18

Zaari kul, zaari jinaa ka koy ikokorantaa Irkoy ašariyaa tiiraa ga cawandi. I na jingaroo tee jirbi iyye, jirbi yaahantoo hane i na margari kayante tee ka sawa nda hantumoo kaŋ kayandi.

Nehemi 9:17

I wanji ka maa, i mana hongu kayfey kaŋ nʼnʼi tee i se. I boŋšenday, ngi tureyanoo ra i na boŋkoyni tee ngi boŋ se ka willi ngi tamtaraa ra Misira. Amma ni manʼti kala Koy kaŋ ga yaafa, kaŋ ga alhormo tee, a ga tamalla, nʼsi cahã ka futu, ni borohennataraa ga beeri, manʼi naŋ.

Nehemi 9:3

Waatoo kaŋ i kaa ka kay ngi kaydogey ra, i na guuru hinza cine tee i ga Abadantaa, ngi Koyoo ašariyaa tiiraa caw. I yee ka guuru hinza cine tee i ga ngi zunubey har, i ga sujudu Abadantaa, ngi Koyoo jine.

Ayuba 32:16

Yʼi batu, zama i si šelaŋ, zama i kay, i si šelaŋ koyne wala?

Yaasawey 10:19

Boro kaŋ šennoo ga boobo si fay nda zunubu, boro kaŋ ga hin nga miɲoo ti lakkalkoyni.

Yaasawey 13:3

Boro kaŋ ga hin nga miɲoo ga hin nga boŋ, boro kaŋ ga hanse ka nga miɲoo feeri ga nga boŋ halaci.

Yaasawey 14:17

Boro kaŋ binoo ga tanba ka tun ga saamataray goy tee, boro kaŋ ga dabarifutay, borey ga konna a.

Yaasawey 14:29

Boro kaŋ ga suuri goo nda lakkal beeri, boro kaŋ ga tanba ka futu ga nga lakkal jaŋaa cebe.

Yaasawey 15:18

Boro bine konna ga citi tunandi, boro kaŋ ga muɲe ga yenje benandi.

Yaasawey 15:2

Lakkalkoyney deeney ga kate boro ma baa bayray, lakkal jaŋantey deeney ga saamataray šenni har.

Yaasawey 16:32

Boro kaŋ ga suuri baa wongaari, boro kaŋ ga hin nga boŋ baa boro kaŋ na koyra dii.

Yaasawey 17:14

Citi šintinyan manʼti kala faari jinde kayriyan, hun no din za yenjaa mana šintin.

Yaasawey 17:27

Boro kaŋ ga nga boŋ dii šenni ga goo nda lakkal, boro lakkal kanante ga faham.

Yaasawey 18:13

Boro ma zaabi bila nda a ma haŋajer jina, woo ti saamataray nda haawi.

Yaasawey 18:21

Deene ga hin ka tee sabbu ka kate buuyan wala hunayan, boro kaŋ ga baa šenni ga duu hayaa kaŋ šenni gʼa hay.

Yaasawey 19:11

Boro kaŋ goo nda lakkal ga suuri, nga beeraa ti a ga dirɲa tooɲeroo kaŋ teendi a se.

Yaasawey 19:19

Boro kaŋ hanse ka futu, a gʼa bana, nda manʼti woo, a ga koy a ga kʼa tee.

Yaasawey 21:23

Boro kaŋ ga hin nga miɲoo nda nga deenoo, boraa na nga boŋ hawgay binemarayyan ga.

Yaasawey 25:28

Boro kaŋ si hin nga boŋ ga hima nda koyra kaŋ sii nda cete.

Yaasawey 29:20

Nda nʼga dii boro kaŋ ga cahã ka miɲoo feeri ka šelaŋ, tammahã goo lakkal jaŋante se ka bisa a.

Kabuyaney 22:27

Waatoo kaŋ farkaa dii Abadantaa almalaykaa, a kani Balam cire. Balam futu, a na farkaa kar nda nga goboo.

Matiyu 5:22

Amma agay, ay ga war bayrandi kaŋ boro kul kaŋ futu nga armaa ga, ga hima ka koy ciitikey jine. Boro kaŋ nee nga armaa se ‹saama›, ga hima ka koy hoyraykey margaroo jine. Boro kaŋ nee nga armaa se ‹hollokom›, boraa si hima ka koy kala žahannam nuunaa ra.

Marku 12:37

Dawda hunday gʼa cee nda Koy, adiši taka foo ra a ga tee a se Haama?» Alžama beeri foo ga haŋajer Isa se nda ɲaali.

Marku 2:2

Alžama beeri foo kaa, hala ba hugoo miɲoo too nda boro. Isa cindi a ga Irkoy meešennoo har i se,

Luka 15:1

Alkaasidiikey kul nda zunubu teekey man Isa ka haŋajer a se.

Luka 19:48

Amma i si bay taka kaŋ no ngi mʼa tee, zama jamaa kul goo ma lakkal daŋ ka haŋajer a se.

Teegoyey 1:15

Jirbey din ra, Piyer tun ka kay ganakey gamey ra. Alžamaa kaŋ goo nongu follokaa ra ga too boro zangu nda waranka (120) cine. A nee:

Teegoyey 10:33

Dogoo din da ay na boroyaŋ sanba ni do, nʼna haya boryo tee kaŋ ni kaa. Sohõ, ir kul ne Irkoy jine ka haŋajer hayaa kul se kaŋ ir Koyoo nʼa har ma ne.»

Teegoyey 13:48

Waatoo kaŋ borey kaŋ hun dumiyaŋ ra kaŋ manʼti Alyahuudu maa woo, i ɲaali, i nʼir Koyoo meešennoo beerandi. Borey kul naanay kaŋ ga hima ka duu hunayan abadantaa.

Teegoyey 17:11

Borey wey biney baa Tesalonik borey waney, i na Irkoy meešennoo dii nda anniya henna. Zaari kul i ga Citaaboo fesufesu ka dii wala hayey kaŋ ga harandi cimiyaŋ no.

Teegoyey 2:42

I cindi diyawey cawandoo, nda ngi margakasinaa ra, nda takula dunbuyanoo, nda Irkoy ŋaarayroo ra.

Efez borey batagaa 4:26

«Nda war futu, war masi zunubu tee.» Waynaa masi kaŋ war futuyanoo ga.

Efez borey batagaa 4:31

War ma dooray kul, nda binetunay, nda futay, nda zahãyan, wala wowi, nda laalay kul moorandi war.

Kolos borey batagaa 3:15

Almasihu alaafiyaa kaŋ se war ciyandi ka tee gaaham folloku ma war biney juwal. War ma tee gomni baykawyaŋ.

Kolos borey batagaa 3:8

Amma sohõ war mo ma hayey wey kul naŋ kaŋ ti: futay, nda binetunay, nda laalay, nda wowi, nda šenni haawinte kaŋ ga hun war miɲey ra.

Tesalonik borey bataga 1na 2:13

Hayaa kaŋ se ir mo, ir si fay nda ka albarka daŋ Irkoy se ti: waatoo kaŋ war maa Irkoy meešennoo kaŋ ir nʼa har war se, war yadda a ga. War manʼa dii sanda adamize šenni, amma war nkʼa dii sanda Irkoy meešennoo, šikka sii Irkoy meešennoo no, a ga goy mo war ra, war kaŋ ga naanay.

Žak batagaa 1:16

War masi war boŋ darga, agʼarmey, ay baakey.

Žak batagaa 1:2

Agʼarmey, siiyan dumi-dumey kaŋ duu war, wʼi dii sanda ɲaali de,

Žak batagaa 1:26

Nda boro ga hongu addini boro ti nga, amma a si hin nga miɲoo, a mma nga boŋ darga, nga addinaa ti yaada.

Žak batagaa 2:1

Agʼarmey, war masi borey bisandi cere ir Koy daržantaa Isa Almasihu naanaa ra.

Žak batagaa 2:5

Wa haŋajer, agʼarmey, ay baakey, Irkoy nka borey kaŋ aduɲɲa gʼi himandi talka suuba kʼi tee naanaykaw beeriyaŋ kʼi tee Irkoy Laamaa tubukawyaŋ kaŋ a na allaahidu zaa borey se kaŋ ga baa nga.

Žak batagaa 3:10

Mee follokaa ra gaarari nda dangari ga hun. Agʼarmey, a si hima ka tee takaa woo.

Žak batagaa 4:11

Agʼarmey, war masi cere maa hasara, boro kaŋ ga daŋ nga armaa ga wala a ga nga armaa ciiti, ašariyaa ga boraa daŋ, ašariyaa no a nʼa ciiti. Nda nʼna ašariyaa ciiti, ni manʼti nga ganakaw, nga ciitikaw ti ni.

Žak batagaa 5:12

Haya kul kaŋ no, agʼarmey, war masi žee, a ma tee nda beenaa, wala laboo. War masi žeeyan dumi kul tee. War ayyowoo, a ma tee ayyo, war kalaawoo ma tee kalaa, hala ciiti masi kaŋ war boŋ.

Žak batagaa 5:19

Agʼarmey, nda war affoo mooru cimoo, de boro nʼa yeeti kate,

Yehiya bataga 1na 2:21

Manʼti ya nka hantum war se, zama war si cimoo bay, amma ya nka hantum war se, zama war ga cimoo bay, de mo taari kul si hun cimi ra.