Žak batagaa 1:12 - Songhai de Gao Bible

¹² Boraa duu gomni kaŋ ga siiyan suuri, zama nda a duu maa henna, a ga duu hunayan fuulaa kaŋ ir Koyoo na nga allaahidoo zaa borey se kaŋ ga baa nga.

Žak batagaa 1:12 ပူးပေါင်းရင်းမြစ်များ

Šintinoo 22:1

Hayey wey banda ga, Irkoy na Ibirahima sii ka dii. A nee a se: «Ibirahima!» Ibirahima nʼa zaabi ka nee: «Agay ne.»

Nehemi 1:5

Ay nee: «Ay gʼa wiri ni ga, Abadantaa, nʼga beeri, hunburhaya ti ni, ni kaŋ ga amaana too, nʼga laadir borey se kaŋ ga baa ni, wey kaŋ ga ni yaamarey dii.

Ayuba 2:10

Amma Ayuba nee: «Nʼga šelaŋ sanda boro saama! Ir ga duu gomni Irkoy do, nga no ir si duu a do ifutu?» Woo kul ra, zunubu mana hun Ayuba deenoo ga.

Ayuba 5:17

Woo ga, boraa duu gomni kaŋ Irkoy ga aladabu, masi Hini-kul-koyoo hoyraa fur!

Zaburey 11:5

Abadantaa ga boro šerrantaa sii, amma a ga konna ilaalaa kaŋ ga baa goy futu.

Zaburey 119:67

Ay cindi ka hun fondaa ga waatoo kaŋ ya na zarabi, amma sohõ ay ga ni meešennoo dii.

Zaburey 119:71

Zaraboo boori ya ne hala ya ni hantumey caw.

Zaburey 119:75

Abadantaa, ay ga bay kaŋ ni hantumey kaŋ kayandi ga šerre, ni laadirtaraa ra nʼnʼay zarabandi.

Zaburey 5:11

Irkoy, i zukandi! Yala hayey kaŋ i gʼi kayandi mʼi kaŋandi! I fur ngi zunubu boobey maaganda, zama i ture ni ga.

Zaburey 94:12

Abadantaa, boraa duu gomni kaŋ nʼgʼa aladabu, kaŋ nʼgʼa waanandi ni ašariyaa,

Fattaroo 20:6

Amma ay ga agay arrahamaa cebe alwadda zenberyaŋ se kaŋ ga baa agay, de i gʼay yaamarey dii.

Yaasawey 17:3

Nzorfu kaaray ga mennandi botol ra, wura ga mennandi alforon ra, takaa din da bine siikaa ti Abadantaa.

Matiyu 10:22

Borey kul ga konna war ay maaɲoo maaganda se, amma boro kaŋ gaabandi hala benantaa ga, a ga hallasi.

Matiyu 25:34

Woo banda ga, kokoyoo ga nee borey kaŋ goo nga kabe gumaa here se: ‹Wa kaa, war kaŋ ay Baabaa Irkoy na albarka daŋ war ra. Wa Laamaa tubu kaŋ soolandi war se za aduɲɲa daaruroo ga,

Luka 6:22

War ga duu gomni, waati kaŋ borey ga war konnay, ka war yankar, ka war wow, ka war maaɲey hasara Boro-izʼaroo maaganda se.

Rom borey batagaa 5:4

Muɲeyan ga kate boro ma hin annešaa, hinyanoo woo ga naataa hay.

Rom borey batagaa 8:28

Ir ga bay kaŋ hayey kul no ma goy cere bande ka ihenna tee borey se kaŋ ga baa Irkoy, wey kaŋ ciyandi ka sawa nda nga dunbandiroo.

Korent borey bataga 1na 2:9

Sanda takaa kaŋ nda a hantumandi Citaaboo ra ka nee: «Haya kaŋ moo mana dii a, de mo haŋa mana maarʼa, haya kaŋ adamize binoo mana bay kʼa miile, woo ti hayaa kaŋ Irkoy nʼa soolu borey se kaŋ ga bagʼa.»

Korent borey bataga 1na 8:3

Amma boro kaŋ ga baa Irkoy, Irkoy no mʼa bay.

Korent borey bataga 1na 9:25

Boro kul kaŋ ga gurgay ga nga boŋ dii ka sawa haya kul ra. I gʼa tee hala ngi ma duu ka duu fuula kaŋ ga waati kayna tee, amma ir, hala ir ma duu ka duu fuula duumante.

Alhukumoo 13:3

de tammaasaa wala kayfoo kaŋ a nʼa har ma ne tee, a nee: ‹Ir ma hanga koy tanayaŋ bande› kaŋyaŋ nʼsʼi bay, ‹ir ma goy i se›,

Alhukumoo 7:9

Ma bay kaŋ Abadantaa, ni Koyoo kaŋ ti Irkoy manʼti kala Koy laadirante kaŋ borey kaŋ ga bagʼa, i ga nga yaamarey dii, a ga nga amaanaa nda nga borohennataraa too i se hala alwadda zenber (1.000) here.

Alhukumoo 8:2

Ma hongu fondaa kul kaŋ nda Abadantaa, ni Koyoo na ni ka bisa jiiri woytaacaa (40) woo ra saajoo ra, ka ni yeeti ganda, ka ni sii, hala nga ma hayaa bay kaŋ goo ni binoo ra, ka guna wala nʼga nga yaamarey dii wala nʼsʼi dii.

Timote bataga 2to 2:15

Gaabandi ka kay Irkoy jine sanda boro kaŋ duu maa henna, sanda goykaw kaŋ si haw nda nga goyoo, a ga cimoo šennoo har nda fondaa.

Timote bataga 2to 4:8

Za sohõ da šerretaray fuulaa jisandi ya ne kaŋ ir Koyoo, ciitikaw šerrantaa gʼa noo ya ne nga hanoo hane. Manʼti agay hinne se, a gʼa noo borey kul se kaŋ ga baa nga bangayyanoo.

Eberewey batagaa 10:32

Wa hongu war zaari jinawey, war lakkaley feeriyanoo banda ga, war na wongu šenda hotta tangam,

Eberewey batagaa 11:17

Naanayyan ka kate, waatoo kaŋ Ibirahima siyandi, a na Isiyaka tee sargari. A na nga izʼaru follokaa tee sargari, nga kaŋ allaahidu zandi a se.

Eberewey batagaa 12:5

War nka dirɲa hoyraa kaŋ ga šelaŋ war se sanda izeyaŋ, a nee: «Ay izʼaroo, masʼir Koyoo aladaboo kaynandi kaŋ ni duu a a ga. De mo ni binoo masi hun nda a ga ni daŋ fondaa ra.

Eberewey batagaa 6:15

Takaa woo nda Ibirahima suuri, de a duu hayaa kaŋ allaahidoo zandi a se.

Žak batagaa 2:5

Wa haŋajer, agʼarmey, ay baakey, Irkoy nka borey kaŋ aduɲɲa gʼi himandi talka suuba kʼi tee naanaykaw beeriyaŋ kʼi tee Irkoy Laamaa tubukawyaŋ kaŋ a na allaahidu zaa borey se kaŋ ga baa nga.

Žak batagaa 5:11

Nga ne, borey kaŋ ga muɲe duu gomni. War maa Ayuba muɲeyanoo alhabaroo, war dii kokoroo kaŋ ir Koyoo nʼa noo a se, ir Koyoo ga hanse ka tamalla, a ga hinna.

Piyer bataga 1na 3:14

Koyne mo ba nda war ga zarabi šerretaray sabbu se, war duu gomni, war masi hunbur ey, war lakkaley masi ɲaami.

Piyer bataga 1na 4:13

Wa ɲaali kaŋ war duu Almasihu zarabey ra, hala mo war ma hanse ka yafarhã waati kaŋ nga daržaa ga bangay.

Piyer bataga 1na 4:14

Nda i ga war wow Almasihu maaɲoo se, war duu gomni, zama daržaa Hundoo kaŋ ti Irkoy Hundoo goo war ga.

Piyer bataga 1na 5:10

Irkoy kaŋ ti Anneema-kul-koyoo kaŋ na war cee war ma huru nga darža abadantaa ra Isa Almasihu albarkaa ra, waati kaŋ war zarabi haya kayna, a ga war tee boro tabatanteyaŋ ka war noo hini, ka war noo gaabi, ka war daŋ asaasu boŋ kaŋ si kaŋ.

Piyer bataga 1na 5:4

Waati kaŋ kurkey boŋkoynoo bangay, war ga duu kokoy fuula daržantaa kaŋ si hasara.

Yehiya bataga 1na 4:19

Ir, ir ga baa boro, zama Irkoy ka jin ka baa ir.

Bangandiroo 2:10

Masi hunbur hayaa kaŋ ga kaa ka ni zarabi. War borey ra, Ibilisi ga hayayaŋ warra kasaa ra ka war sii. War ga duu zarabiyan jirbi woy (10). Laadir hala buuyan ga, ay ga ni noo hunayan fuulaa.”›

Bangandiroo 3:19

Agay, borey kaŋ ay ga bagʼey, ay ga gʼi aladabu, ay gʼi daŋ fondaa ra. Tee boro kaŋ ga koron, ma tuubi.

Bangandiroo 3:21

Boro kaŋ hin, ay gʼa noo a ma goro ay bande ay kokoy gorodogoo ra, sanda takaa kaŋ nda agay mo, ay hin, ay goro ay Baabaa Irkoy bande nga kokoy gorodogoo ra.”›