Zaburey 96:4 - Songhai de Gao Bible

⁴ Zama Abadantaa ga beeri, a ga hima nda saabuyan, a ga hunburandi ka bisa koyey kul.

Zaburey 96:4 ပူးပေါင်းရင်းမြစ်များ

Taarikey 2to 2:4

Hugoo kaŋ ay gʼa cin ga hima ka beeri, zama ir Koyoo bisa koyey kul.

Nehemi 9:5

Lewi borey Yešuwa, nda Kadmiyel, nda Bani, nda Hašabneya, nda Šebaniya, nda Šerebiya, nda Hodiya, nda Šebaniya, nda Petakiya nee: «Wa tun ka war Koyoo Abadantaa saabu abada hala abada. Abadantaa, ni maa daržantaa ma saabandi kaŋ bisa saabuyan kul nda beeray kul!

Zaburey 145:3

Abadantaa ga beeri, a ga hima nda saabuyan dumi kul, nga beeriyanoo sii nda kaydoo.

Zaburey 150:2

Wʼa saabu nga teegoy albarkantey maaganda, wʼa saabu ka sawa nda nga beeray beeroo!

Zaburey 18:3

Abadantaa ti ay Tondoo, ay nongu gaabantaa, ay feerikaa. Ay Koyoo, ay Tondoo, nga ga ay ga wakkal, nga ti ay koraa, ay hallasikaw gaabantaa, nongoo kaŋ ra ay ga tugu.

Zaburey 48:1

Woo manʼti kala dooni. Woo ti Kora izey zabur foo.

Zaburey 66:3

Wa nee Irkoy se: «Ni teegoyey ga boro hunburandi! Ni iberey ga ngi boŋ yeeti ganda ma ne ni gaabi beeroo maaganda.

Zaburey 66:5

Wa kaa ka dii Irkoy teegoyey! Nga haya beerey kaŋ a nʼi tee ga adamize hunburandi.

Zaburey 76:7

Yakuba Koyoo, waatoo kaŋ ni zahã i ga, bari kaarukey nda baryey kaŋ jirbi komante ra.

Zaburey 86:10

Zama nʼga beeri, nʼga kayfiyaŋ tee, ni hinne ti Irkoy.

Zaburey 89:7

Duulawey ra, may no ma hin ka nga boŋ kar Abadantaa? Koyey izʼarey ra, may no ma hima nda Abadantaa?

Zaburey 95:3

Zama Abadantaa manʼti kala Koy beeri, Kokoy beeri no kaŋ goo koyey kul boŋ.

Fattaroo 18:11

Ay bay sohõ kaŋ Abadantaa bisa koyey kul, zama a na nga jamaa hallasi waatoo kaŋ Misira borey gʼi kabekunafutay.»

Luka 12:5

Ay ga boraa cebe war se kaŋ war ga hima ka hunbur a. Wa hunbur boraa kaŋ, nda a wiiya banda ga, a goo nda hini ka boro warra žahannam. Ay ga war bayrandi, nga no war ma hunbur a.

Bangandiroo 15:4

Ir Koyoo, may ka si hunbur ni, may ka si ni maaɲoo beerandi? Zama ni hinne no ma henan, gandawey kul ga kaa ka sujudu ni jine, zama ni teegoy šerrantey bangay.»

Samiyel 1na 4:8

Woo ti ir bone! May no mʼir kaa koy gaabantaa woo kaboo ra? Koyoo woo no ka Misira borey kar nda balaawu dumi kul saajoo ra.