Zaburey 96:2 - Songhai de Gao Bible

² Wa don Abadantaa se ka maaɲoo beerandi, zaari kul war ma alhabaroo har kaŋ ti nga ti Hallasikaa.

Zaburey 96:2 ပူးပေါင်းရင်းမြစ်များ

Taarikey 1na 29:20

Dawda nee jamaa kul se: «Wa albarka daŋ Abadantaa, war Koyoo se.» Woo ga, jamaa kul na albarka daŋ Abadantaa, ngi baabey Koyoo se. I gunguma ka sujudu Abadantaa nda kokoyoo jine.

Zaburey 103:20

Abadantaa almalaykey, wa albarka daŋ a se, war kaŋ ti wongaari gaabanteyaŋ, war ga nga šennoo ka goy, ka haŋajer šennoo se kaŋ a nʼa har.

Zaburey 145:1

Saabuyan. Woo ti Dawda zabur foo. Ay ga ni maaɲoo jer, ay Koyoo, ni kaŋ ti kokoyoo. Ay ga albarka daŋ ni maaɲoo se waati kul hala abada.

Zaburey 145:10

Abadantaa, ni teegoyey kul ga ni saabu, ni ganakey ga albarka tee ma ne.

Zaburey 145:2

Zaari kul ay ga albarka daŋ ma ne, ay ga ni maaɲoo saabu waati kul hala abada.

Zaburey 40:10

Ay ga ni šerretaraa har margari beeroo ra. Guna, Abadantaa, nʼga bay ay sʼay miɲoo daabu.

Zaburey 71:15

Ay miɲoo si fay nda ka ni šerretaraa har, ka ni hallasiroo har zaaroo kul, zama ni goy henney si hin ka kabandi.

Marku 16:15

A nee i se: «Wa koy aduɲɲa kul bande ka Alhabar Boryaa waazu borey kul se.

Teegoyey 13:26

Arma arey, Ibirahima hayroo zankey, war nda borey war ra kaŋ ga hunbur Irkoy, ir se hallasiroo woo šennoo sanbandi.

Efez borey batagaa 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. A na nga Hundoo albarka dumey kul daŋ ir ra beenaa nongey ra Almasihu alhormaa ra.

Bangandiroo 5:13

Ay maa takahayaa kul kaŋ goo beenaa ra, nda laboo ga, nda laboo cire, nda teekoo boŋ, nda haya kul kaŋ goo a ra ga nee: «Saabu, nda beeray, nda darža, nda hini ma bara boraa kaŋ goo kokoy gorodogoo ra nda Feeji-izoo se abada hala abada.»