Zaburey 82:2 - Songhai de Gao Bible

² Hala waati foo no war ga fay nda ka ciiti dunbu nda šerretaray jaŋay ka boro futu faaba? Kay-kayna

Zaburey 82:2 ပူးပေါင်းရင်းမြစ်များ

Kokoyey 1na 18:21

Ilyasu man jamaa ka nee: «Hala waati foo no war ga fondo hinka ganayan naŋ? Nda Abadantaa ti Irkoy, wa hanga a bande, nda Bal no, wa hanga a bande.» Jamaa manʼa zaabi nda baffoo.

Taarikey 2to 19:7

Sohõ, yala Abadantaa hunburaa ma bara war ra, wa hawgay, wa lakkal daŋ war dira takaa se, zama Abadantaa, ir Koyoo si baa haya kaŋ si šerre, a si baa ka borey bisandi cere, a si baa sufuray taayan.»

Ayuba 32:21

Ay si borey daŋ cere jine, ay si adamize kul zanzaŋ.

Ayuba 34:19

A si boŋkoyni ndumoo guna, a si almankoyni daŋ talka jine, zama nga kabey ka ngi boro hinkaa kul taka.

Zaburey 62:3

Nga hinne ti ay tondoo nda ay hallasiroo, nga ti wakkalkaa, ay si kaŋ abada.

Fattaroo 10:3

Musa nda Haruna huru Firawuuna do, i nee a se: «Hayaa ne kaŋ Abadantaa, Eberewey Koyoo nʼa har, a nee: ‹Hala waati foo no nʼga ni boŋ yeeti ya ne ganda? Ay jamaa naŋ i ma koy hala i mʼay gana.

Yaasawey 18:5

A si boori ma boraa kaŋ tooɲe noo cimi, ka boro šerrante zukandi nga cimoo ga.

Sargarey 19:15

Masi borey fay-fay ciiti ra: masi talkaa ndumoo guna, masi almankoynoo jer. Ma ni gandaa boro ciiti nda šerretaray.

Matiyu 17:17

Isa zaabi ka nee: «Dumi kaŋ si naanay, a ga Irkoy hoo, hala waati foo no ay ga hima ka cindi war bande? Hala waati foo no ay ga hima ka war suuri? Wa kate ya ne zankaa.»

Galati borey batagaa 2:6

Wey kaŋ i gʼi dii sanda boro kayante, haya kul kaŋyaŋ no ay si kula, Irkoy si boro ndum guna. Borey kaŋ se i ga nee kayante mana haya daŋ ay ga ka tonton.

Alhukumoo 1:17

War masi boro guna ciitiyan ra. War ma haŋajer ikaccaa nda ibeeroo se. War masi hunbur adamize kul, zama ciitiyan manʼti kala Irkoy wane. Haya kaŋ šendi war se, war ma kate a ay do hala ya maarʼa.›