Zaburey 8:4 - Songhai de Gao Bible

⁴ Nda ay na beenaa guna kaŋ ni kabey nʼa tee, nda handoo nda handarawey kaŋ nʼnʼi gorandi,

Zaburey 8:4 ပူးပေါင်းရင်းမြစ်များ

Šintinoo 1:1

Šintinoo ga, Irkoy na beenaa nda laboo taka.

Šintinoo 1:14

Irkoy nee koyne: «Hayayaŋ kaŋ ga gaay noo ma tee farroo ra kaŋ ti beenaa ka cijinoo nda zaaroo fay, i ma tee tammaasayaŋ waatey, nda zaarey, nda jiirey se.

Šintinoo 19:35

Cijinoo din ra koyne, i na ngi baabaa haŋandi alaneb hari moora. Ize woy kaccaa koy marga nda a, amma Lotu mana bay nga izoo kaniyanoo nda tunyanoo kul ga.

Šintinoo 21:1

Abadantaa mana dirɲa Sarata, sanda takaa kaŋ nda a nʼa har, a nʼa noo hayaa kaŋ a bay ka nee nga gʼa tee a se.

Taarikey 2to 6:18

Amma nda cimi, Irkoy ga kaa ka goro laboo ga adamizey bande wala? Beenawey nda ngi beeriyanoo kul si hin ka ni zaa, soko hugoo woo kaŋ ay nʼa cin.

Ayuba 25:6

soko boro kaŋ manʼti kala nooni, nda adamize kaŋ manʼti kala nooni-ize!»

Ayuba 7:17

Macin ti adamize, hala ma hanse kʼa guna, hala ma miile a ga,

Zaburey 106:4

Abadantaa, hongu agay ni alhormaa ra ni jamaa se! Ay faaba kʼay hallasi,

Zaburey 136:5

Nga ka beenaa tee nda lakkal, zama nga borohennataraa si ben abada.

Zaburey 136:9

A na handoo nda handarawey tee i ma cijinoo gongu, zama nga borohennataraa si ben abada.

Zaburey 144:3

Abadantaa, adamize ti macin kaŋ se nʼga huga nda a, boro ti macin kaŋ se nʼga kula a ra?

Zaburey 146:3

War masi war naanaa daŋ boŋkoyney ra, adamize ra kaŋ si hin ka boro hallasi.

Zaburey 19:2

Beenaa ga Irkoy daržaa bayrandi, beenaa farroo kul ga nga teegoyey har.

Zaburey 4:2

Waati kaŋ ay kaati ni ga, Irkoy, ay zaabi, ni kaŋ gʼay noo cimi. Ay kankamroo ra nʼnʼay feeri. Hinna ya ne, haŋajer ay ŋaarayroo se!

Zaburey 80:17

I na tuuroo ton ka nuune daŋ a ra, i nʼa dunbandi, ni zahãyanoo jine i ga dere.

Zaburey 96:5

Zama jamawey kul koyey manʼti kala taari koyyaŋ, amma Abadantaa ka beenaa tee.

Fattaroo 4:31

Jamaa naanay. Waatoo kaŋ i maa kaŋ Abadantaa ɲeli Izirayel borey ga, a dii ngi torraa, i gunguma ka sujudu.

Matiyu 8:20

Isa nee a se: «Nzungey goo nda guusu, beenaa cirawey goo nda teji, amma Boro-izʼaroo sii nda nongu kaŋ ra a ga nga boŋoo kanandi.»

Luka 1:68

«Albarka ma bara ir Koyoo se kaŋ ti Izirayel Koyoo, zama a na nga jamaa hawgay, a nʼa sawal.

Luka 19:44

I ga ni say, ni nda ni izey kaŋ game ni goo. I si tondi foo naŋ affoo boŋ, zama mana waatoo bay kaŋ Irkoy kaa ni do ka ni faaba.»

Piyer bataga 1na 2:12

War ma dira nda taka henna borey kaŋ si Irkoy bay jine, hala waati kaŋ i ga war maaɲey hasara ka nee kaŋ war manʼti kala goy futu teekawyaŋ, i ma Irkoy beerandi war goy henney kaŋ i ga dii ey sabbu se han kaŋ a kaa i do.