Zaburey 76:7 - Songhai de Gao Bible

⁷ Yakuba Koyoo, waatoo kaŋ ni zahã i ga, bari kaarukey nda baryey kaŋ jirbi komante ra.

Zaburey 76:7 ပူးပေါင်းရင်းမြစ်များ

Taarikey 1na 16:25

Zama Abadantaa ga beeri, a ga hanse ka saabandi, a ga hunburandi ka bisa koyey kul.

Ezra 9:15

Abadantaa, Izirayel Koyoo, nʼga šerre, zama ir manʼti kala boroyaŋ kaŋ cindi kaŋ mana buu, woo se takaa woo ga tee hõ. Ir ne, ne ra ni jine, ir nda ir laybey, ka gar ir si hima ka kay ni jine.»

Zaburey 130:3

Abadantaa, nda a gar ni mmʼir laybey guna, ay Koyoo, may no ma hin ka kay ni jine?

Zaburey 2:12

Wa nga izʼaroo summu, a masi koy futu war ga, war masi dere fondaa ra. Zama nga futuroo ga cahã sanda nuune. Borey duu gomni kaŋ ga ngi boŋ talfi a ga.

Zaburey 89:7

Duulawey ra, may no ma hin ka nga boŋ kar Abadantaa? Koyey izʼarey ra, may no ma hima nda Abadantaa?

Zaburey 90:11

May no ma ni futuroo gaaboo bay? May ma ni binetunyanoo bay sanda ni hunburaa?

Fattaroo 15:1

Waati follokaa ra Musa nda Izirayel borey na doonoo woo don Abadantaa maaɲoo ga. I nee: «Ay ga don Abadantaa maaɲoo ga, zama a na nga hinoo cebe, baryoo nda kaarukaa, a nʼi warra teekoo ra.

Fattaroo 15:4

A na Firawuuna bari torkawey nda nga wongu-izey warra haroo ra. Wongu-ize jalakoyni suubantey yoole Kakaarey teekoo ra.

Matiyu 10:28

War masi hunbur borey kaŋ ga boro kunturoo wii, amma i si hin ka hundi wii. Amma wa hunbur boraa kaŋ ga hin ka hundi nda kunturu kul halaci žahannam.

Korent borey bataga 1na 10:22

Wala ir mma baa ir Koyoo ma canse wala? Ir mma bara nda gaabi nda a wala?

Bangandiroo 14:7

A na jinde jer ka nee: «Wa hunbur Irkoy, war ma darža daŋ a ga, zama nga ciitoo waatoo too. Wa sujudu Boraa se kaŋ na beenaa, nda laboo, nda teekoo, nda hari dandidogey tee.»

Bangandiroo 15:4

Ir Koyoo, may ka si hunbur ni, may ka si ni maaɲoo beerandi? Zama ni hinne no ma henan, gandawey kul ga kaa ka sujudu ni jine, zama ni teegoy šerrantey bangay.»