Zaburey 72:14 - Songhai de Gao Bible

¹⁴ A gʼi feeri kʼi kaa tooɲekey nda ifutawey kabey ra, ngi kuroo manʼti kala haya beeri a do.

Zaburey 72:14 ပူးပေါင်းရင်းမြစ်များ

Šintinoo 48:16

yala almalaykaa kaŋ nʼay hallasi ifutu kul ra, ma albarka daŋ zankey wey ra. Yala ay maaɲoo nda ay hayragey Ibirahima nda Isiyaka maaɲey ma ciya i ga. Yala i ma boobo gandaa ra kʼa too!»

Samiyel 2to 23:17

A nee: «Jam, Abadantaa, ay si woo tee, zama borey wey nka ngi hundey daŋ farratay ra, haroo nka tee sanda ngi kuroo.» A mana yadda ka haroo haŋ. Woo ti hayaa kaŋ wongaari hinzaa nʼa tee.

Samiyel 2to 4:9

Dawda zaabi ka nee Rekab nda Baana se: «Ay ga žee nda Abadantaa kaŋ ga huna maaɲoo kaŋ nʼay kaa binemarayyan kul ra,

Zaburey 116:15

Abadantaa ganakey buuroo goo nda alkadar a do.

Zaburey 130:8

Nga no ma Izirayel feeri ka hun nga laybey kul ra.

Zaburey 25:22

Irkoy, Izirayel feeri ka hun nga šiitayaney kul ra!

Zaburey 69:18

masi ni ndumoo tugu agay, ni tamoo se! Ay goo taabi ra, cahã ka tuuru ya ne!

Tit batagaa 2:14

Nga kaŋ na nga boŋ noo ir maaganda se, kʼir kaa goy futu kul cire, kʼir henanandi ka tee nga boŋ jama cere-cerantaa kaŋ ga durkutu goy henna teeyan bande.

Bangandiroo 17:6

Ay dii woyoo suu nda Irkoy boro henanantey kuroo nda Isa seedewey kuroo. Kaŋ ay dii a, ay hanse ka boŋhaway.

Bangandiroo 19:2

Zama nga ciitey ti cimi, i ga šerre, a na woykuuru beeroo ciiti kaŋ na laboo halaci nda nga woy nda aru izefututaraa. A na woykuuroo banandi nga hunday Irkoy baɲɲey kuroo alhakoo.»

Samiyel 1na 26:21

Sawul nee: «Ay na zunubu tee, yee kate, Dawda ay izʼaroo. Ay si yee ka ifutu tee ma ne, zama hõ ay hundoo duu beeray ni do, ay na lakkal jaŋante goy tee, ay hanse ka dere.»