Zaburey 71:5 - Songhai de Gao Bible

⁵ Zama ni ti ay naataa, ay Koyoo, Abadantaa, ni ti ay tammahãa za ay zankataraa ga.

Zaburey 71:5 ပူးပေါင်းရင်းမြစ်များ

Kokoyey 1na 18:12

Nda ay koy a har Akab se, ka gar a mana duu ni, zama nda ay hun ni do sohõ da, Abadantaa Hundoo ga koy nda ni nongu kaŋ ay sʼa bay ra, woo ga, a gʼay wii. Ka gar Abadantaa hunburaa goo ay binoo ra za ay zankataraa ga.

Taarikey 2to 34:3

Nga laamaa jiiri yaahantoo ra, ka gar a ga zanka, a šintin ka Irkoy, nga baabaa Dawda Koyoo ceeci. Nga laamaa jiiri woy cindi hinkantoo (12to) ra, a na Žuda, nda Žerizalem henanandi ka tooru ganadogey, nda Ašera bundu toorey, nda tooru assuurawey, nda toorey kaŋ teendi nda guuru mennante kaa i ra.

Zaburey 119:166

Abadantaa, ay nʼay naataa daŋ ni hallasiroo ra, ay ga ni yaamarey ka goy.

Zaburey 119:81

Ay hundoo ga hanse ka ni hallasiroo boonay, ay ga naata ni meešennoo ga.

Zaburey 13:5

hala agay iberoo masi kaa ka nee kaŋ nga hin agay, nda ay kaŋ, agay nkuwawey masi kaa ka ɲaali.

Zaburey 39:7

Cimi no, adamize ga yaara sanda bii, a ga zuru-zuru, amma harandaŋ no. A ga marga, amma a si bay boro kaŋ no ma duu a.

Zaburey 42:11

Ay birey gʼay tutubu, ay torrokey gʼay wow ka nee ya ne zaaroo kul: «Man ni Koyoo?»

Zaburey 71:17

Irkoy, nʼnʼay cawandi za ay zankataraa ga, hala hõ, ay ga ni teegoy kayfantey har.

Waazukaa 12:1

Hongu ni Takakaa ni soogataray waatoo ra za bone zaarey mana kaa, jiirey ma kaa kaŋ ra nʼga nee: «Ay si maate kaani kul.»

Luka 2:40

Woo gar, zankaa gaaboo ga tonton, a goo nda lakkal beeri, de Irkoy alhormaa goo a ga.

Rom borey batagaa 15:13

Irkoy kaŋ ti Naatakoyoo ma war too nda ɲaali kul nda alaafiya naanayyanoo albarkaa ra, hala war naataa ma boobo Hundi Henanantaa gaaboo albarkaa ra.

Timote bataga 2to 3:15

Za zankataray, nʼga Citaabu henanantey bay kaŋ ga hin ka ni noo lakkal hala naanaa kaŋ nʼna daŋ Almasihu Isa ra ma ni hallasi.

Samiyel 1na 16:13

Samiyel na hilloo zaa kʼa yon armey game. Za hanoo din, Abadantaa Hundoo zunbu Dawda ga. Samiyel tun ka koy Rama.