Nga no ma borohennataray cebe ya ne, ay tondi nongoo, nongoo kaŋ ra ay gʼay boŋ talfi, ay feerikaa, ay koraa nda boraa kaŋ ga ay ga talfi, a ga ay jamaa daŋ ay cire.
Abadantaa ti ay Tondoo, ay nongu gaabantaa, ay feerikaa. Ay Koyoo, ay Tondoo, nga ga ay ga wakkal, nga ti ay koraa, ay hallasikaw gaabantaa, nongoo kaŋ ra ay ga tugu.
Zama manʼti ngi takubawey ka kate i ma gandaa mayray, manʼti ngi kabey kʼi hallasi, amma ni kabe gumaa, ni kaboo kʼi kaa, ni ndumoo gaayoo, zama i kan ma ne.