2 Ya Irkoy, ay feeri, Abadantaa, cahã ka kaa kʼay faaba!
Yala agay iberey ma daabu nda kaynandiyan, ngi haawoo mʼi daabu sanda burmusu!
Woo ti Dawda zabur foo. Abadantaa, ay ga ni cee, cahã kʼay faaba! Haŋajer ya ne waati kaŋ ay ga ni cee!
Masi mooru agay waati kaŋ šiitay kaa ay ga, zama boro kul sʼay faaba!
Ni, Abadantaa, masi mooru ay ga! Ni kaŋ ti ay gaaboo, cahã ka kaa kʼay faaba!
Yala borey kul cere ra ma haw ka bone, borey kaŋ ga ɲaali nda ay bonaa! Borey kaŋ tun ya ne, yala haawi nda bone ma tee i se bankaaray!
Borey kaŋ ga ceeci ngi mʼay hundoo kaa, yala i ma haw, i ma kayna! Borey kaŋ anniyaa ti ngi ma ifutu tee ya ne, yala i ma yee banda ka haw!
Abadantaa, suuri mʼay feeri, Abadantaa, cahã ka kaa kʼay faaba!
Abadantaa maa ay suurandiyanoo se, Abadantaa nʼay ŋaarayroo taa.
Irkoy, masi mooru ay ga, ay Koyoo, cahã ka kaa kʼay faaba!
Borey kaŋ gʼay gandu, yala i ma haw, yala i ma dere! Borey kaŋ ga baa ngi ma ifutu tee ya ne, yala i ma hanse ka kayna, i ma hanse ka haw!
Waatoo kaŋ Isa nee i se: «Agay ne», i yee nda banda ka kaŋ ganda.