Zaburey 69:27 - Songhai de Gao Bible

²⁷ Zama i ga borey gaarandi kaŋ nʼnʼi kar, i ga borey kaŋ nʼnʼi maray ciinay.

Zaburey 69:27 ပူးပေါင်းရင်းမြစ်များ

Nehemi 4:5

Ir nkuwawey nee: «I si haya kul bay, i si dii haya kul hala ir ma zunbu i game, ir gʼi wii, woo ga, ir ga goyoo kayandi.»

Ayuba 19:22

Macin se war ga hanga agay sanda takaa kaŋ Irkoy gʼa tee? Ay hamoo mana war kungu wala?

Zaburey 109:14

Yala ngi baabey layboo ma hongandi Abadantaa jine, de yala ɲaŋoo zunuboo masi tuusandi!

Zaburey 24:5

Boraa woo ga duu Abadantaa albarkaa, nda šerretaray nga Koyoo do kaŋ nʼa hallasi.

Zaburey 81:12

Amma ay jamaa mana haŋajer ay šennoo se, Izirayel mana yadda ay ga.

Fattaroo 8:15

Kottekoyney nee Firawuuna se: «Irkoy kaboo no.» Amma Firawuuna binoo šendi, a mana haŋajer i se sanda takaa kaŋ nda Abadantaa nʼa har.

Fattaroo 9:12

Abadantaa na Firawuuna binoo šendandi, a mana haŋajer i se. A teendi nda takaa kaŋ nda Abadantaa nʼa har Musa se.

Sargarey 26:39

Borey kaŋ ga cindi war ra hamey ga ben ngi laybey maaganda se war iberey gandawey ra. Ngi baabey laybey mo se ngi hamey ga ben.

Matiyu 21:19

Kaŋ a ga jeejayɲaa foo honnay fondaa ra, a koy a here, amma a mana haya kul gar a ga kala fitawey hinne. A nee a se: «Ize masi zay ni ga hala abada.» Dogoo din da jeejayɲaŋoo kogu.

Rom borey batagaa 1:28

Takaa kaŋ nda i mana ceeci ngi ma Irkoy bay, Irkoy nʼi naŋ i ma hanga ngi lakkal šiirey bande hala i ma haya tee kaŋ si hima.

Rom borey batagaa 9:18

Woo se Irkoy ga tamalla boro kaŋ a baa se, boro kaŋ a baa, a ga binoo šendandi.

Rom borey batagaa 9:31

Ka gar Izirayel ga šerretaray ceeci ašariya ra, amma i mana duu a.

Timote bataga 2to 4:14

Garaasaa kaŋ maaɲoo ti Aleksander hanse kʼay dor, ir Koyoo gʼa bana nda woo kaŋ nda a ga hima.