Zaburey 67:4 - Songhai de Gao Bible

⁴ Ya Irkoy, jamawey ma ni saabu, jamawey kul ma ni saabu.

Zaburey 67:4 ပူးပေါင်းရင်းမြစ်များ

Šintinoo 18:25

Woo manʼti ni goyoo: ka boro šerrantey halaci ifutawey bande taka kaŋ ra išerrantey nda ifutawey kul ma tee afolloku. Woo manʼti ni goyoo! Ni kaŋ ga aduɲɲa kul ciiti, manʼti cimi nda nʼga ciiti wala?»

Zaburey 2:8

Gandawey wiri ay ga, ay gʼi noo ma ne sanda tubuhaya, ay ga ni noo nongey kul hala laboo kaydogoo ga, i ma tee ni mayraa.

Zaburey 82:6

Agay hunday nee: «War manʼti kala koyyaŋ, war kul manʼti kala Koy Jerantaa izeyaŋ.

Zaburey 9:8

Abadantaa ga goro kokoytaraa ra hala abada, a ga nga kokoy gorodogoo gorandi ciitoo se.

Zaburey 96:10

Wa nee dumey se kaŋ Abadantaa ti Kokoy, aduɲɲa ga kay nga dogoo ra, a si ɲuuti. A ga jamawey ciiti nda fondaa.

Zaburey 98:9

I ma woo tee Abadantaa jine, zama a ga kaa ka laboo ciiti, a ga aduɲɲa ciiti nda šerretaray, a ga jamawey ciiti nda fondaa.

Teegoyey 17:31

zama a na zaari daŋ kaŋ ra boraa kaŋ a nʼa kayandi ga hima ka aduɲɲa kul ciiti nda šerretaray. A na tammaasa kaŋ ga kaaray kʼa cebe borey kul se kʼa tunandi bukawey ra.»

Rom borey batagaa 2:5

Nʼga šendi, ni binoo si barmay, ni goo ma futay marga ni boŋ se futuroo hane kaŋ ra Irkoy ciiti šerrantaa ga bangay.

Galati borey batagaa 4:27

A hantumandi Citaaboo ra ka nee: «Ɲaali, woy gunoo kaŋ si hay, hanse ka ɲaali, ma kaati, ni kaŋ si taama, zama woyoo kaŋ cindi nga foo ga duu ize boobo ka bisa woyoo kaŋ goo kurɲoo kone.»

Alhukumoo 32:43

Gandawey cindey, wa war ɲaaloo cebe Irkoy jamaa se. Zama a ga faasa nga tamey kurey se, a ga alhakoo kaa nga yenjekaarey ra, a ga nga laboo zunubey yaafa nga jamaa se.»