Zaburey 66:2 - Songhai de Gao Bible

² Wa don nga maa daržantaa se, wʼa saabu ka darža daŋ a ga!

Zaburey 66:2 ပူးပေါင်းရင်းမြစ်များ

Nehemi 9:5

Lewi borey Yešuwa, nda Kadmiyel, nda Bani, nda Hašabneya, nda Šebaniya, nda Šerebiya, nda Hodiya, nda Šebaniya, nda Petakiya nee: «Wa tun ka war Koyoo Abadantaa saabu abada hala abada. Abadantaa, ni maa daržantaa ma saabandi kaŋ bisa saabuyan kul nda beeray kul!

Zaburey 106:2

May no ma hin ka Abadantaa teegoy albarkantey deede, ka nga saaburoo kul har?

Zaburey 107:15

I ma Abadantaa šifa nga borohennataraa nda teegoy kayfantey kaŋ a gʼi tee adamizey se maaganda.

Zaburey 107:22

I ma albarka daŋyan sargari kaa, i ma nga teegoyey deede nda ɲaali kaatiyaŋ.

Zaburey 68:33

Laboo kokoy laamawey, wa don Irkoy se, wa ir Koyoo saabu nda zaburyaŋ. Kay-kayna

Zaburey 72:18

Albarka ma bara Irkoy Abadantaa, Izirayel Koyoo se kaŋ hinne no ma kayfiyaŋ tee.

Zaburey 79:9

Ir faaba, ir Hallasikaa Irkoy, ni maaɲoo daržaa se! Ir kaa kabe ra, ir zunubey yaafa, ni maaɲoo sabbu se!

Bangandiroo 5:13

Ay maa takahayaa kul kaŋ goo beenaa ra, nda laboo ga, nda laboo cire, nda teekoo boŋ, nda haya kul kaŋ goo a ra ga nee: «Saabu, nda beeray, nda darža, nda hini ma bara boraa kaŋ goo kokoy gorodogoo ra nda Feeji-izoo se abada hala abada.»