Zaburey 60:2 - Songhai de Gao Bible

² A mana doonoo woo don kala waatoo kaŋ ra a koy Siiri borey kaŋ goo Mezopotami nda Siiri borey kaŋ goo Soba wongu, nda mo Žowab willi ka hun Ciiroo gooroo ra kaŋ ra a na Edom boro zenber woy cindi hinka (12.000) kar.

Zaburey 60:2 ပူးပေါင်းရင်းမြစ်များ

Taarikey 2to 7:14

nda ay jamaa kaŋ ga ay maaɲoo ga ciya na nga boŋ yeeti ganda, i nʼay ŋaaray, i na agay ndumoo ceeci, nda i yee ngi teegoy futawey se banda, agay, ay ga maa i se za beenaa kaŋ ra ay goo, ay ga ngi zunuboo yaafa, ay ga ngi gandaa noo baani.

Zaburey 18:7

Ay binemarayyanoo ra, ay na Abadantaa cee, ay nʼay Koyoo cee a mʼay faaba. A na haŋajer ya ne nga hugoo ra, ay faaba ceeci kaatiroo kaŋ haŋawey ra.

Matiyu 27:51

Nga ne, Irkoy hugoo ridowoo kottu za beene hala ganda ka tee ihinka. Laboo jijiri, tondey kayri.

Zaburey 114:7

Laboo, jijiri ir Koyoo jine! Laboo, jijiri Yakuba Koyoo jine

Ayuba 9:6

A ga laboo zinji-zinji nga asaasoo ga, nga ganjey jijiri.

Zaburey 104:32

A ga laboo guna, laboo ga jijiri, a ga tuku tondi hondey ga, i ga dullu.

Zaburey 89:40

Nʼna ni tamoo amaanaa dunbu, nʼna nga kokoytaray fuulaa kaŋandi ganda kʼa žiibandi.

Ayuba 5:18

Nga no ma boro maray, a gʼa safar. A ga kara, kabey ga kate baani.

Samiyel 2to 22:8

Laboo guzuguzu, a jijiri, beenaa asaasey jijiri, i guzuguzandi, zama Abadantaa nka futu.

Fattaroo 15:11

Koyey ra, may ti ni cine koy, Abadantaa? May no ma too ni henanyan ra? May ka si hunbur ni? May no ma too ni beeray ra? May no ma too ni kayfi teeyan ra?

Samiyel 2to 8:1

Woo kaŋ tee banda ga, Dawda koy Filisti borey kar ka hin ey, a nʼi daŋ nga hinoo cire. A na hinoo taa i kone.

Taarikey 1na 18:3

Waatoo kaŋ Dawda ga koy Efrat isaa borey daŋ nga hinoo cire, a na Soba kokoyoo Hadadezer kar Hamat koyraa here.

Taarikey 1na 18:5

Siiri gandaa borey kaŋ goo Damas koyraa ra koy Hadadezer, Soba kokoyoo faaba. Amma woo kul, Dawda na boro zenber waranka cindi hinka (22.000) kar kʼi wii Siiri borey ra.

Taarikey 1na 18:12

Seruya izʼaroo kaŋ ti Abišay na Edom borey aru zenber woy cindi yaaha (18.000) kar ka hin ey Ciiroo gooroo ra.