Zaburey 53:6 - Songhai de Gao Bible

⁶ Woo ga, hunburay ga duu ey, bila addalil i ga hunbur. Boro kaŋ tun ma ne, Irkoy ga nga birey say-say. Nʼgʼi haawandi, zama Irkoy wanji i ga.

Zaburey 53:6 ပူးပေါင်းရင်းမြစ်များ

Ezra 3:11

I ga Abadantaa saabu kʼa beerandi ka don cere bande ka nee: «Nda cimi Abadantaa ga boori, nga borohennataraa Izirayel here si ben abada.» Woo banda ga, jamaa ga ɲaali ka hoolo beeri tee ka Abadantaa saabu, zama Abadantaa hugoo asaasey teendi.

Nehemi 12:43

Hanoo din borey na sargari boobo kaa, i ɲaali, zama Irkoy ka hanse kʼi ɲaalandi. Woyey nda zankey mo ɲaali, boro ga maa Žerizalem ɲaaloo nongu mooro ra.

Ayuba 42:10

Waatoo kaŋ Ayuba na Irkoy ŋaaray nga cerey se, Abadantaa nʼa willi gomni žeenaa kaŋ ra a cindi. Almanoo kaŋ bay ka cindi a se, Abadantaa nʼa noo nga cine hinka ka bisa cee jinaa wanoo.

Zaburey 14:7

Nda a gar ba Siyoŋ koyraa ra Izirayel hallasiroo ga hun! Waati kaŋ Abadantaa na nga jamaa misoo hanse, Yakuba ga ɲaali, Izirayel ga yafarhã.

Zaburey 50:2

Siyoŋ tondi hondoo kaŋ booroo cine sii boŋ, Irkoy ga bangay nga daržaa ra.

Zaburey 85:1

Donkey boŋkoynoo ka woo don. Woo ti Kora izey zabur foo.

Yaasawey 28:1

Boro futu ga zuru ka gar boro kul sii a bande, boro šerrantey ga lakkalkanay sanda ganjihayla soogo.

Sargarey 26:17

Ay gʼay ndumoo bere war se: war ga karandi war iberey jine, borey kaŋ ga konna war ga kaa ka žigi ka koy war ga. War ga zuru bila nda boro ma war gaaray.

Sargarey 26:36

Borey kaŋ ga cindi war ra, ay ga alkubutaray daŋ biney ra nga iberey gandawey ra, tuuri fita kaŋ hewoo na zaa jindoo gʼi zurandi. I ga zuru sanda takaa kaŋ nda boro ga zuru takuba se. I ga kaŋ ka gar boro manʼi gaaray.