Zaburey 53:2 - Songhai de Gao Bible

² Lakkal jaŋantaa mma nee nga boŋ se kaŋ Irkoy si bara. I na goy laalayaŋ nda goy harramanteyaŋ tee, boro sii i ra kaŋ ga ihenna tee.

Zaburey 53:2 ပူးပေါင်းရင်းမြစ်များ

Taarikey 1na 28:9

Haya kaŋ ti ni, ay izʼaroo Sulaymaana, nʼga hima ka ni baabaa Koyoo bay ka boori, mʼa gana nda ni binoo kul nda anniya henna, zama Abadantaa ga borey kul biney neeši, haya kul kaŋ goo boro lakkaloo ra, a gʼa bay. Nda nʼnʼa ceeci, a ga naŋ ma duu nga, amma nda nʼnʼa naŋ, nga mo ga wanji ni ga hala abada.

Taarikey 2to 15:2

A fatta ka Asa kubay ka nee a se: «Asa, nda Žuda borey kul, nda Benžameŋ borey, wa haŋajer ya ne! Abadantaa goo war bande nda war goo a bande. Nda war gʼa ceeci, a ga naŋ war ma duu nga, nda war nʼa fur, a ga war fur.

Taarikey 2to 19:3

Amma woo kul, nʼna haya henna fooyaŋ tee, zama nʼna Ašera bundu toorey derandi gandaa ra, de mo nʼna Irkoy ceeci nda ni binoo kul.»

Ayuba 28:28

Woo banda ga, a nee adamize se: ‹Ka hunbur war Koyoo, woo ti lakkal, ka mooru ifutu, woo ti fahamay!›»

Zaburey 10:4

Boro laalaa ga deenebeeray ka nee: «A si boro zukandi. Irkoy si bara.» Woo ti hayaa kul kaŋ a gʼa hongu.

Zaburey 102:19

Woo ma hantumandi zamanoo kaŋ goo kaa izey se hala jamaa kaŋ ga kaa ka takandi ma Abadantaa saabu,

Zaburey 11:4

Abadantaa goo nga hugu henanantaa ra, Abadantaa kokoy gorodogoo goo beenaa ra, moɲey ga honnay, moɲey goo adamizey ga.

Zaburey 111:10

Ka hunbur Abadantaa ti lakkal šintinoo, boro kaŋ ga nga yaamarey dii ga duu lakkal henna. Nga saaburoo ga bara hala abada.

Zaburey 27:8

Ay ga honga kaŋ ni nee: «Wa agay ndumoo ceeci!» Ay ga ni ndumoo ceeci, Abadantaa!

Alhukumoo 4:6

War mʼi dii, war mʼi ka dira, woo ra dumey kaŋ ga maa hantumey wey kul ga dii kaŋ war goo nda lakkal nda bayray. I ga nee: ‹Gandaa beeroo woo manʼti kala dumi kaŋ goo nda lakkal, a ga faham.›