Zaburey 51:6 - Songhai de Gao Bible

⁶ Ni ga, ni hinne ga, ay na zunubu tee, ay na goyfutu tee ni jine, hayaa kaŋ nʼnʼa har, ni goo nda cimi, ni ciitoo ga henan.

Zaburey 51:6 ပူးပေါင်းရင်းမြစ်များ

Samiyel 2to 12:13

Dawda nee Nataŋ se: «Ay na zunubu tee Abadantaa ga.» Nataŋ nee Dawda se: «Abadantaa ga ni zunuboo kaa, nʼsi buu.

Kokoyey 2to 20:3

«Ay gʼa wiri ni ga, Abadantaa, ma hongu kaŋ ay dira ni jine nda laadirtaray nda ay binoo kul, de mo ay na haya tee kaŋ ga kan ma ne!» Woo banda ga, Ezekiyas hanse ka hẽe.

Taarikey 1na 29:17

Ay Koyoo, ay ga bay kaŋ ni no ma boro binoo neeši, de mo bine šerrante no ma kan ma ne. Woo maaganda se ay na hayaa woo kul noo ma ne nda ay boŋ nda bine šerrante, agay mo ga ɲaali sohõ kaŋ ay ga dii ni jamaa kaŋ goo ne mo ga ngi kabehayaa noo nda ngi boŋ.

Ayuba 32:8

Amma nda cimi, hundoo kaŋ goo adamize ra, manʼti kala Hini-kul-koyoo hunsaroo kaŋ ga adamize noo fahamay.

Ayuba 38:36

May no ka lakkal daŋ bine kuneheroo ra, may no ka fahamay daŋ boro binoo ra?

Zaburey 125:4

Abadantaa, gomni tee boro henney nda borey kaŋ biney ga šerre se.

Zaburey 15:2

Kala boraa ma tee boro kaŋ nga dira takaa ga henan, a ga goy nda šerretaray, a ga cimoo har kaŋ goo binoo ra.

Zaburey 26:2

Abadantaa, ay tayni, ay sii, ay gundoo hayey nda ay binoo hayey kul guna ka boori,

Zaburey 32:5

Woo maaganda se ay yadda ay zunuboo ga kʼa cebe ma ne, ay manʼay layboo tugu, ay nee: «Ay gʼay hooyaney har kaaray Abadantaa se.» Ni, nʼnʼay layboo yaafa, ay zunuboo yaafandi. Kay-kayna

Zaburey 41:5

Agay, ay nee: «Abadantaa, hinna ay ga! Ay hundoo noo baani, ay na zunubu tee ni ga.»

Zaburey 5:9

Abadantaa, ay gongu ni šerretaraa ra agay iberey maaganda, ni fondaa kanandi ay jine.

Yaasawey 2:21

Zama boro šerrantey ga goro gandaa ra, boro laadirantey ga cindi a ra,

Yaasawey 2:6

Zama Abadantaa no ma lakkal noo, nga miɲoo ra bayray nda fahamay ga hun.

Luka 11:39

Amma ir Koyoo nee a se: «War Fariziyeŋey, war ga potoo nda taasaa dumaa ɲumay, amma war kuneheroo ga too nda komari nda laalay.

Rom borey batagaa 7:22

Irkoy ašariyaa ga kan ya ne ay hundoo ra.

Korent borey bataga 2to 1:12

Hayaa kaŋ nda ir ga fooma manʼti kala: ir biney ga tee seede nda takaa kaŋ nda ir dira aduɲɲa ra, waaniwaani war jine, a teendi nda taka sasawante nda henanyan kaŋ hun Irkoy do, a mana teendi nda adamize lakkal, amma Irkoy anneemaa nda a teendi.

Žak batagaa 4:8

Wa man Irkoy, a ga man war. Zunubantey, wa war kabey ɲumay, lakkal hinka-hinkakoyney, wa war biney henanandi.

Piyer bataga 1na 3:4

Amma war taalamoo ma tee boro kuneheroo kaŋ goo tuguyan ra, kaŋ ti bineyaynay kaŋ ga kani, woo ti taalam kaŋ si hasara kaŋ goo nda hay beeri Irkoy do.

Samiyel 1na 16:7

Abadantaa nee Samiyel se: «Masi nga kunturoo wala nga kayyanoo guna, zama ay wanji a ga. Abadantaa laasaaboo nda adamize wanoo manʼti affoo. Adamize si haya guna kala nda tarayheroo, amma Abadantaa, bine no a gʼa guna.»