Zaburey 51:4 - Songhai de Gao Bible

⁴ Hanse kʼay ɲumay kʼay layboo kaa, ay henanandi ay zunuboo ra!

Zaburey 51:4 ပူးပေါင်းရင်းမြစ်များ

Šintinoo 20:6

Handiroo ra Irkoy tuuru a se ka nee: «Ay ga bay bine kaaray nda ni goy. Agay no ka ni ganji ma kaŋ zunubu ra ay jine, woo se ay mana naŋ ma too a do.

Šintinoo 38:7

Er, Žuda ize jinaa manʼti kala boro futu Abadantaa se. Abadantaa nʼa wii.

Šintinoo 39:9

A mana bisa agay hugoo woo ra, a manʼay ganji haya kul nda manʼti ni kaŋ ti nga wandoo. Taka foo nda ay ga zunubu beeroo woo tee ka Irkoy kuta?»

Šintinoo 9:6

Boro kaŋ na adamize kuroo mun, Adamize no ma kaa ka nga mo kuroo mun, zama Irkoy nka boro taka hala a ma hima nda nga.

Kokoyey 2to 17:17

I na ngi izʼarey nda ngi ize woyey ton nuune ra kʼi tee sargari, i na ngi boŋ noo gunandiyan se, i na ngi boŋ noo kotte se, i na ngi boŋ noo goy futu teeyan se Abadantaa jine kaŋ nʼa futandi.

Kokoyey 2to 21:6

A na nga izoo ton nuune ra kʼa tee sargari, a ga kotte nda gunandiyan tee. A na boroyaŋ daŋ kaŋ ga bukawey cee kʼi hãa, i ga haya har kaŋ ga kaa ka tee. A koy jine ka goy futu tee Abadantaa jine kaŋ nʼa futandi.

Zaburey 50:4

A ga beenaa nda laboo cee i ma tee seede ka nga jamaa ciiti.

Zaburey 50:6

Beenaa ga nga šerretaraa har, zama Irkoy zaati ti ciitikaw. Kay-kayna

Sargarey 5:19

Tooɲe sargari no, zama boraa din, šikka sii a duu zunubu Abadantaa do.»

Luka 15:21

Izoo nee a se: ‹Baaba, ay na zunubu tee Irkoy jine, ay duu zunubu ni ga, ay si hima ka ciyandi koyne ni izey ra.›

Luka 7:29

Jamaa kul nda ba alkaasidiikey na haŋajer a se, i yadda kaŋ Irkoy ga šerre, i koy Yehiya ma ngi batize nda nga batizeyanoo.

Teegoyey 17:31

zama a na zaari daŋ kaŋ ra boraa kaŋ a nʼa kayandi ga hima ka aduɲɲa kul ciiti nda šerretaray. A na tammaasa kaŋ ga kaaray kʼa cebe borey kul se kʼa tunandi bukawey ra.»

Rom borey batagaa 2:5

Nʼga šendi, ni binoo si barmay, ni goo ma futay marga ni boŋ se futuroo hane kaŋ ra Irkoy ciiti šerrantaa ga bangay.

Rom borey batagaa 3:4

Abada! Ma bay kaŋ Irkoy ga diyandi cimi, adamize kul ti taariharkaw, sanda takaa kaŋ nda a hantumandi Citaaboo ra ka nee: «Hala ni šenney ma tee cimi, nda i na ciiti dunbu, ma duu cimi.»

Žak batagaa 2:11

Zama boraa kaŋ nee: «Masi zina», nga da ka nee mo: «Masi boro wii». Nda nʼsi zina, amma nʼga boro wii, ni tee ašariyaa hookaw.

Žak batagaa 2:9

Amma nda war na borey bisandi cere, war na zunubu tee. Ašariyaa ga war zukandi, ašariyaa hookaw ti war.

Bangandiroo 16:5

Ay maa harey almalaykaa ga nee: «Ni kaŋ ga bara, kaŋ gay a ga bara, Irkoy Boro Henanantaa, ni ciiti nda takaa woo, nʼga šerre.

Bangandiroo 19:11

Woo banda ga, ay dii beenaa feeri, nga ne, bari kaaray foo ne, boraa kaŋ goo a boŋ [maaɲoo] ti Laadirantaa nda Cimikoynoo. A ga ciiti, a ga wongu nda šerretaray.