Zaburey 5:4 - Songhai de Gao Bible

⁴ Abadantaa, subbaahi nʼga maa ay šennoo se, subbaahi ay ga soolu ka ni batu.

Zaburey 5:4 ပူးပေါင်းရင်းမြစ်များ

Taarikey 1na 29:17

Ay Koyoo, ay ga bay kaŋ ni no ma boro binoo neeši, de mo bine šerrante no ma kan ma ne. Woo maaganda se ay na hayaa woo kul noo ma ne nda ay boŋ nda bine šerrante, agay mo ga ɲaali sohõ kaŋ ay ga dii ni jamaa kaŋ goo ne mo ga ngi kabehayaa noo nda ngi boŋ.

Zaburey 101:7

Zanbante si goro ay hugoo ra. Taariharkaw si kay ay jine.

Zaburey 11:5

Abadantaa ga boro šerrantaa sii, amma a ga konna ilaalaa kaŋ ga baa goy futu.

Zaburey 140:13

Ay ga bay kaŋ Abadantaa ga ciiti boro se kaŋ ga taabi, a ga farakoyney noo ngi cimoo.

Zaburey 50:21

Woo ti hayaa kaŋ nʼnʼa tee, amma ay dangay, ni nka hongu kaŋ ni cinaa ti agay, amma ay ga citi ni ga, ka ni teegoyey kaataray ni moɲey cire.»

Zaburey 63:2

Ya Irkoy, ni ti ay Koyoo, ay ga ni ceeci, ay hundoo ga jaw nda ni, ay kunturoo ga ni wiri, sanda labu koga kaŋ ra hari sii.

Zaburey 88:14

Agay kay, ni, Abadantaa ga, ay ga kaati ka faaba ceeci, subbaahi, ay ŋaarayroo ga too ni jine.

Zaburey 92:15

Ba ngi žeenay ga i ga ize tee, i ga gani, fitawey ga firzi

Zaburey 94:20

Nʼga hin ka kara ciiti dunbukaw laaley ga, ngi kaŋ ga bone tee ašariyaa maaɲoo ga wala?

Yehiya 14:23

Isa zaabi ka nee a se: «Boro kaŋ ga baa agay, a gʼay šennoo dii. Ay Baabaa Irkoy ga bagʼa. Ir ga koy a do, ir ga gorodoo tee a do.

Eberewey batagaa 12:14

Wa ceeci alaafiya ma bara war nda borey kul game, nda henanyan, bila henanyan boro kul si dii ir Koyoo.

Piyer bataga 2to 3:13

Ir ga Irkoy allaahidoo batu kaŋ ti beene taaga nda ganda taaga kaayanoo kaŋ ra šerretaray goo.

Bangandiroo 21:23

Koyraa si too waynaa ga, a si too handoo ga a ma nga noo gaay, zama Irkoy daržaa ga dii a ga, nga fitillaa manʼti kala Feeji-izoo.

Bangandiroo 21:27

Žiibi kul si huru no din wala boro kaŋ ga haya harramante wala taari tee. Borey hinne kaŋ maaɲey hantumandi Feeji-izoo hunaroo citaaboo ra no ma huru no din.