Zaburey 5:10 - Songhai de Gao Bible

¹⁰ Zama haya kayante kul sii miɲey ra. Biney ga too nda hasaraw, miɲey ga hima nda saaray kaŋ ga feera, deeney mma meekaanay.

Zaburey 5:10 ပူးပေါင်းရင်းမြစ်များ

Samiyel 2to 15:31

Boro kaa ka nee Dawda se: «Ahitofel goo borey ra kaŋ hanga Absalom ka hawandifutaa tee.» Dawda nee: «Abadantaa, ay gʼa ŋaaray ni ga, ma Ahitofel hoyraa tee šenni kaŋ sii nda addalil.»

Samiyel 2to 17:14

Absalom nda Izirayel borey kul nee: «Arki boraa Hušay hoyraa baa Ahitofel wanoo.» Abadantaa hunday no ma kayandi ka Ahitofel hoyray boryaa hasara, hala Abadantaa ma bone zumandi Absalom ga.

Samiyel 2to 17:23

Kaŋ Ahitofel dii kaŋ nga hoyraa mana teendi, a na nga farkaa soolu ka koy nga hugoo do nga koyraa ra. A na nga šenni kokorantey har nga hugoo borey se, a na nga boŋ deeji ka buu. Takaa woo nda a buu, i nʼa sutura nga baabaa saaraa ra.

Taarikey 2to 25:16

A goo ma šelaŋ a se kaŋ Amasiya nee a se: «Ir ka ni tee kokoyoo hoyraykaa wala? Dangay nda nʼsi baa i ma ni wii!» Annaboo na nga šennoo timmandi ka nee: «Ay ga bay kaŋ Irkoy nka kayandi nga ma ni halaci, zama nʼna woo tee, de mo mana haŋajer ay hoyraa se.»

Ester 7:10

I na Haman deeji bundoo ga kaŋ a nʼa hanse Mardoše se. Woo ra kokoyoo futayyanoo zunbu.

Zaburey 10:15

Ma boro laala futaa hinoo kayri, ma nga futuroo zukandi, boro masi yee ka dii a!

Zaburey 107:11

zama i nka ture Irkoy meešenney ga, zama i nka Koy Jerantaa hoyraa kaynandi.

Zaburey 17:13

Tun, Abadantaa, kay a se, a taabu ihinka! Ni takubaa kʼay hundoo hallasi boro futu ra,

Zaburey 31:18

Abadantaa, yala ya si haw, ka gar ay na ni cee! Yala boro laaley ma haw, yala i ma zunbu ka koy alaahara bila šenni!

Zaburey 35:26

Yala borey kul cere ra ma haw ka bone, borey kaŋ ga ɲaali nda ay bonaa! Borey kaŋ tun ya ne, yala haawi nda bone ma tee i se bankaaray!

Zaburey 55:15

Agay nda ni cindi ka kan, ir ga koy jamaa bande Irkoy hugoo ra!

Zaburey 66:7

A ga laama hala abada nda nga gaaboo, moɲey ga gandawey koroši. Yala turantey boŋey masi jer. Kay-kayna

Zaburey 71:13

Borey kaŋ gʼay gandu, yala i ma haw, yala i ma dere! Borey kaŋ ga baa ngi ma ifutu tee ya ne, yala i ma hanse ka kayna, i ma hanse ka haw!

Zaburey 79:12

Ir Koyoo, ir taalamma gandawey kaŋ na ni kaynandi, i banandi hala cee iyye ngi kaynandiyanoo se.

Korent borey bataga 1na 3:19

Zama aduɲɲa lakkaloo manʼti kala hollokomtaray Irkoy do. A nka hantumandi Citaaboo ra ka nee: «Nga no ma lakkalkoyney dii ngi carmaa ra.»

Alhukumoo 2:30

Amma Sihoŋ, Hešboŋ kokoyoo mana yadda ir ma bisa nda nga do, zama Abadantaa, ni Koyoo nka hiɲoo šendandi, ka binoo kogandi hala nga mʼa noo ma ne sanda takaa kaŋ nda a goo ni kaboo ra hõ.

Samiyel 1na 25:29

Nda boro tun ka ni gurzugay, ka ceeci ka ni hundoo kaa, Abadantaa, ni Koyoo ga ni hundoo marga henna. Amma a ga ni iberey hunaroo warra sanda takaa kaŋ nda fizza ga tondi warra.

Samiyel 1na 25:39

Dawda maa kaŋ Nabal buu, a nee: «Albarka ma bara Abadantaa se kaŋ faasa ya ne tooɲaa kaŋ Nabal nʼa tee ya ne ra, kaŋ na agay, nga tamoo moorandi ifutu! Abadantaa na Nabal goy futaa kaŋandi a boŋ.» Dawda sanba ka Abigayel wiri hiijay.