Zaburey 47:9 - Songhai de Gao Bible

⁹ Irkoy ti Kokoy gandawey boŋ, Irkoy ga goro nga kokoy gorodoo henanantaa boŋ.

Zaburey 47:9 ပူးပေါင်းရင်းမြစ်များ

Šintinoo 49:10

Kokoytaray goboo si hun Žuda kone. Boŋkoynitaray goboo si hun kaboo ra, hala nga koy cimi-cimoo kaayanoo ga, nga kaŋ se gandawey kul borey ga yee ganda.

Zaburey 46:10

A ga wongey kayandi hala aduɲɲa kaydogoo ga, a ga biraa kayri, a ga yaajoo say, a ga nuune daŋ bari torkawey ra.

Zaburey 72:11

Kokoyey kul ga sujudu a se, gandawey kul ga huru a cire.

Zaburey 89:18

Zama ni ti ngi daržaa nda ngi hinoo, ni sabboo ra ir boŋey ga jer.

Zaburey 97:9

Zama ni, Abadantaa, ni ti Koy Jerantaa laboo kul boŋ, ni hanse ka jerandi koyey kul boŋ.

Fattaroo 3:15

Irkoy yee ka nee Musa se: «Nee Izirayel borey se: ‹Abadantaa, war baabey Koyoo, Ibirahima Koyoo, Isiyaka Koyoo, Yakuba Koyoo kʼay sanba war do. Woo ti ay maaɲoo hala abada. Woo ti ay maaɲoo kaŋ ga ciyandi zaman ka kaa zaman.›

Fattaroo 3:6

A nee koyne: «Ay manʼti kala ni baabaa Koyoo, Ibirahima Koyoo, Isiyaka Koyoo, Yakuba Koyoo.» Musa na nga ndumoo daabu, zama a ga hunbur nga ma Irkoy guna.

Yaasawey 30:5

Irkoy šenney kul ga henan, koray no borey se kaŋ ga ngi boŋ talfi a ga.

Matiyu 22:32

‹Agay ti Ibirahima Koyoo, Isiyaka Koyoo, Yakuba Koyoo?› Irkoy manʼti bukawey Koyoo, baahunantey Koyoo no.»

Rom borey batagaa 11:25

Agʼarmey, ay si baa war ma jaŋ ka sirroo woo bay hala war masi koy war boŋ dii lakkalkoyni. Izirayel jere faa binešendaa ga cindi hala waati kaŋ dumey jerey kul yee kate Irkoy ga.

Galati borey batagaa 3:29

Haya kaŋ se Almasihu wane nda war, adiši Ibirahima hayroo ti war, war ti tubukey sanda takaa kaŋ nda allaahidoo nʼa har.