Zaburey 45:9 - Songhai de Gao Bible

⁹ Mir, nda alowe nda kas turaari ga ni bankaarawey kul hewey kaanandi, za ni kokoy hugoo ra kaŋ teendi nda tarkunday hiɲe, hooray jinay karfey ga ni ɲaalandi.

Zaburey 45:9 ပူးပေါင်းရင်းမြစ်များ

Kokoyey 1na 10:11

Koyne mo Hiram harihiyey kaŋ koy Ofir gandaa ra ka wura ceeci, i kate ngi bande mo santal bundu hay šenda boobo-boobo nda tondi hay šendayaŋ.

Kokoyey 1na 2:19

Batšeba koy kokoyoo Sulaymaana do ka nee kaŋ nga ga Adoniya šennoo har a se, kokoyoo tun kʼa kubay ka gunguma a se jina a goro nga kokoy gorodogoo ra. A daŋ i ma gorohaya gorandi nga ɲaa Batšeba se. Ɲaŋoo goro a ga kokoyoo kabe gumaa here

Kokoyey 1na 2:9

Amma sohõ, masʼa dii sanda boro kaŋ mana haya kul tee. Lakkalkoyni ti ni, nʼga hayaa bay kaŋ nʼga hima kʼa tee a se. Ba kaŋ se hinbirey kaaray, ma kuroo mun kʼa zumandi alaahara.»

Taarikey 1na 1:23

nda Ofir, nda Hawila, nda Yobab. Wey kul manʼti kala Yokutaŋ izʼaruyaŋ.

Ayuba 22:24

Wuragoo warra laboo ra, Ofir gandaa wuragoo fur gooroo tondey ra,

Zaburey 45:13

Nda woo teendi, woy-izoo kaŋ ti Tir koyraa, wey kaŋ ti jamaa almankoyni ga meekaanay ma ne ka alhormo ceeci ni ga.

Zaburey 72:10

Tarsis koyraa kokoyey nda gungey kokoyey ga kate a se gomni, Šeba nda Seba gandawey kokoyey gʼa noo hayayaŋ.

Yaasawey 7:17

Ay na turaari daŋ ay kanidogoo ra, nda mir, nda alowe, nda alkalfa.

Yehiya 3:29

Boraa kaŋ wane nda woyhiijoo manʼti kala aruhiijoo, amma aruhiijoo ceroo kaŋ goo jeroo ga, ga haŋajer a se, a ga hanse ka ɲaali nda aruhiijoo jindoo kaŋ se a ga maa. Woo ti ay ɲaaloo, haya kul sʼa gaza.

Bangandiroo 19:7

Ir ma ɲaali, ir ma yafarhã, ir ma darža daŋ a ga, zama Feeji-izoo hiijaa too, wandoo soolu.

Bangandiroo 21:2

Ay dii koyra henanantaa kaŋ ti Žerizalem taagaa kaŋ zunbu ka hun beenaa ra Irkoy do. A soolu sanda woyhiiji kaŋ taalam nga kurɲoo se.

Bangandiroo 21:24

Gandawey ga dira koyraa gaayoo ra, laboo kokoyey ga kate ngi daržaa no din.

Bangandiroo 21:9

Almalayka iyyaa kaŋ kone poti iyyaa goo kaŋ ga too nda balaawu iyye kokorantey affoo kaa ka šelaŋ ya ne ka nee: «Kaa, ay ga ni cebe woyhiijoo, Feeji-izoo wandoo.»