Zaburey 45:3 - Songhai de Gao Bible

³ Nʼga boori ka bisa adamizey, alhormo goo ni miɲoo ra, woo se Irkoy na albarka daŋ ni ra hala abada.

Zaburey 45:3 ပူးပေါင်းရင်းမြစ်များ

Ayuba 1:16

A mma goo ma šelaŋ da kaŋ boro tana kaa ka nee: «Irkoy nuune kaŋ ka hun beenaa ra, a na almaney nda tamey ton kʼi wii. Agay hinne no ka yena ka kaa ka alhabaroo har ma ne.»

Zaburey 104:1

Ay hundoo, albarka tee Abadantaa se! Abadantaa, ay Koyoo, nʼga hanse ka beeri, beeray nda daržaa goo ni ga sanda bankaaray.

Zaburey 145:12

ka ni teegoy beerey har adamizey se nda ni laamaa daržante hennaa.

Zaburey 145:5

ka ni daržaa annuurante beeroo har. Ay ga miile ni teegoy kayfantey ga.

Zaburey 21:5

A na hunayan wiri ni ga, nʼnʼa noo a se, nda aloomur kuku waati kul hala abada.

Zaburey 21:7

Nʼnʼa tee albarkahaya kaŋ si ben, nʼnʼa too nda ɲaali ni jine.

Zaburey 96:6

Beeray nda darža manʼti kala nga wane, hinay nda dawla goo nga nongu henanantaa ra.

Teegoyey 10:36

A na Šennoo sanba Izirayel borey se, ka Alhabar Boryaa waazu kaŋ ra boro ga duu alaafiyaa kaŋ Isa Almasihu gʼa noo, nga ti borey kul Koyoo.

Rom borey batagaa 14:9

Woo maaganda se Almasihu buu ka huna taaga, hala a ma duu ka bukawey nda baahunantey laama.

Eberewey batagaa 1:3

Izʼaroo din manʼti kala Irkoy daržaa nereyanoo, nga ti hayaa kaŋ ti Irkoy zaati. A ga haya kul dii nda nga šenni gaabantaa. Waatoo kaŋ a na adamizey henanandi ngi zunubey ra ka ben, a goro Koy Jerantaa kabe gumaa ga beene nongey ra.

Eberewey batagaa 4:12

Irkoy meešennoo ga huna, a goo nda gaabi. A kan nda takuba kaŋ goo nda mee hinka. A ga koy hala a ma bine nda hundi fay, ka dobu nda londi fay. A ga dii bine honguyanoo nda nga anniyaa.

Eberewey batagaa 8:1

Šennoo kul kaŋ ir gʼa har gaaboo manʼti kala: sargari juwalkey jineboraa woo, nga dumoo bara ir se, a goo ma goro Koy Jerantaa kokoy gorodogoo kabe gumaa ga beenaa ra.

Žud batagaa 1:25

Irkoy follokaa, ir Hallasikaa, Isa Almasihu ir Koyoo albarkaa ra, darža, nda beeray, nda gaabi, nda hini ma bara a se za zamaney mana tee, nda sohõ da, hala abada. Amin.

Bangandiroo 1:16

Kabe gumaa ra handaray iyye goo, miɲoo ra takuba ga fatta kaŋ mee hinkaa kul ga kan. Ndumoo ga hima nda waati kaŋ waynaa ga dii garaw.

Bangandiroo 19:15

Miɲoo ra takuba mee kaana fatta hala a ma duu ka gandawey kar. Nga no mʼi kur nda guuru gobu. Nga no ma alaneb haroo motti jinaa ra kaŋ ra alaneb hari mooraa goo kaŋ ti Irkoy, Hini-kul-koyoo futay laalaa.

Bangandiroo 19:21

Borey cindey, boraa kaŋ cindi ka goro baryoo boŋ takubaa kaŋ fatta miɲoo ra nʼi wii, cirawey kul kungu ngi hamoo ra.

Alkaaley 3:16

Ehud na takuba tee kaŋ goo nda mee hinka, nga kuuyanoo ga too kabedaaru foo, a nʼa daŋ nga gamahawoo ga nga darbaa cire, nga caraw gumaa ga.