Zaburey 40:7 - Songhai de Gao Bible

⁷ Sargari kukurante wala taasu sargari si kan ma ne. Nʼnʼay haŋawey feeri, mana sargari kukurante wala zunubu sargari wiri.

Zaburey 40:7 ပူးပေါင်းရင်းမြစ်များ

Šintinoo 3:15

Ay ga iberitaray daŋ ni nda woyoo game, ay gʼa daŋ ni hayroo nda nga hayroo game. A ga ni boŋoo motti, ni mo ga ceekoroo motti.»

Zaburey 50:9

Ay si yaaru zaa ni hugoo ra, wala ka jindaaru zaa ni kaloo ra.

Zaburey 51:18

Zama manʼti sargari no ma kan ma ne, nda manʼti nga, ay gʼa kaa ma ne, nʼsi yadda sargari kukurante ga.

Yaasawey 21:3

Ka goy nda šerretaray nda cimi ti haya kaŋ ga kan Abadantaa se ka bisa sargari.

Luka 24:27

A šintin nda Musa citaaboo ka koy annabey waney kul ga kʼi fahamandi hayey kaŋ hantumandi nga ga Irkoy citaaboo kul ra.

Luka 24:44

A nee i se: «Wey ti šenney kaŋ ay nʼi har war se waatoo kaŋ ay goo war game. Kala hayey kul kaŋ hantumandi ay ga Musa ašariyaa nda annabey citaabey nda Zaburey citaaboo ra ma tabati.»

Yehiya 5:39

War ga Citaaboo caw kʼa fesufesu, zama war ga hongu nga ra war ga duu hunayan abadantaa, nga no ma seedetaray tee ay ga.

Teegoyey 10:43

Annabey kul na seedetaray tee a ga kaŋ boro kaŋ naanay a ga duu zunubu yaafayan nga maaɲoo albarkaa ra.»

Bangandiroo 19:10

Ay kaŋ cewey cire ka sujudu a se. Amma a nee ya ne: «Hawgay masi woo tee, ay manʼti kala ni nda ni armey tam hangasinoo kaŋ ga Isa seedetaraa dii. Sujudu Irkoy se, zama Isa seedetaraa ka annabey tuti i ma šelaŋ.»