Zaburey 32:5 - Songhai de Gao Bible

⁵ Woo maaganda se ay yadda ay zunuboo ga kʼa cebe ma ne, ay manʼay layboo tugu, ay nee: «Ay gʼay hooyaney har kaaray Abadantaa se.» Ni, nʼnʼay layboo yaafa, ay zunuboo yaafandi. Kay-kayna

Zaburey 32:5 ပူးပေါင်းရင်းမြစ်များ

Samiyel 2to 12:13

Dawda nee Nataŋ se: «Ay na zunubu tee Abadantaa ga.» Nataŋ nee Dawda se: «Abadantaa ga ni zunuboo kaa, nʼsi buu.

Samiyel 2to 12:9

Macin se nʼna Abadantaa šennoo kaynandi ka goy futu tee a jine? Nʼna Uri, Heti boraa kar ka naŋ Amoŋ borey mʼa wii nda takuba, nʼna nga wandoo taa kʼa tee ni wandoo.

Samiyel 2to 24:10

Jamaa kabuyanoo banda ga, Dawda binoo nʼa zarabi. Dawda nee Abadantaa se: «Ay na zunubu beeri tee kaŋ ay na woo tee. Sohõ Abadantaa, ay gʼa wiri ni ga, ay layboo yaafa kaŋ agay, ni tamoo nʼa tee, zama lakkal jaŋay beeri goy ti woo kaŋ ay nʼa tee.»

Samiyel 2to 24:17

Waatoo kaŋ Dawda dii almalaykaa kaŋ ga jamaa kar, a šelaŋ Abadantaa se ka nee: «Abadantaa, agay no ka zunubu tee, agay ka haya tee kaŋ si teendi. Boro yalaafantey wey, macin no i nʼa tee? Ay gʼa wiri ni ga, agay nda ay hugoo kar.»

Kokoyey 1na 8:50

Yaafa ni jamaa se kaŋ na zunubu tee ma ne, goy futu kul kaŋ i nʼa tee, mʼa kul yaafa i se, ma naŋ borey kaŋ nʼi tee tam ma hinna i se,

Taarikey 2to 6:29

nda ni jamaa Izirayel boro foo wala ni jamaa kul na nga doroo nda nga bonaa bay, nda a na ni ŋaaray ka ni suurandi, nda a na nga kabey jer hugoo woo here ka ni ŋaaray,

Ezra 10:11

Sohõ wa yadda war zunubey ga Abadantaa, war baabey Koyoo jine, war ma nga ibaayoo tee. Wa mooru gandaa jamawey nda woy yawey.»

Ayuba 31:33

Ya nkʼay hooyaney tugu sanda takaa kaŋ Adama bay kʼa tee wala? Ya nkʼay layboo tugu ay ziibaa ra wala?

Ayuba 33:27

A ga don adamizey jine ka nee: ‹Ay na zunubu tee, ay na haya šerrantaa šiirandi, ya na duu zukandoo kaŋ nda ay ga hima.

Zaburey 103:12

Takaa kaŋ nda waynahunay ga mooru waynakaŋay, takaa din da nda a nʼir laybey moorandi ir.

Zaburey 103:3

Nga no ma ni zunubey kul yaafa, nga no ma ni wircey kul noo baani.

Zaburey 25:16

Ɲeli ay ga, ma alhormo tee ya ne, zama agay foo no, de mo ay ga taabi!

Zaburey 25:18

Ay taabiyanoo nda ay zaraboo guna, ay zunubey kul yaafa.

Zaburey 30:5

Abadantaa ganakey, wa don a se, wa nga maa henanantaa saabu.

Zaburey 38:18

Zama agay, ay ga baa ka kaŋ, ay dooraa goo ay jine waati kul.

Zaburey 38:19

Zama ay gʼay layboo har, ay ga dor ay zunubey maaganda.

Zaburey 51:6

Ni ga, ni hinne ga, ay na zunubu tee, ay na goyfutu tee ni jine, hayaa kaŋ nʼnʼa har, ni goo nda cimi, ni ciitoo ga henan.

Zaburey 86:15

Amma ni, ay Koyoo, ni manʼti kala Koy kaŋ ga tamalla, a ga alhormo tee, nʼsi cahã ka futu, ni borohennataraa nda ni laadirtaraa ga beeri.

Zaburey 86:5

Zama ni, ay Koyoo, nʼga boori, nʼga yaafa, nʼga borohennataray beeri tee borey kul se kaŋ ga ni cee.

Yaasawey 28:13

Boro kaŋ ga nga hooyaney tugu si koy jine, boro kaŋ yadda i ga, a nʼi naŋ, ga duu hinnari.

Yaasawey 30:20

Takaa woo ti woy zinateeri takaa: a ga ŋaa, a ga nga miɲoo tuusu jina a ma nee: «Ay mana haya laala kul tee!»

Sargarey 5:5

Boro kaŋ duu zunubey wey affoo, a ma hayaa har kaŋ zunuboo no a nʼa tee.

Luka 16:15

A nee i se: «War, war ga ceeci ka tee boro šerranteyaŋ adamizey jine, amma Irkoy ga war biney bay, zama haya kaŋ adamizey nʼa jer, haya harramante no Irkoy do.

Luka 7:47

Woo se ay ga ni fahamandi kaŋ baji beeroo kaŋ a nʼa cebe ga bayrandi kaŋ nga zunubu boobey yaafandi. Amma boro kaŋ ikaccu ka yaafandi a se, boraa din baji kaccu no a gʼa cebe.»

Efez borey batagaa 4:32

Wa boori cere se, war ma hinna, war ma yaafa cere se sanda takaa kaŋ nda Irkoy yaafa war se Almasihu albarkaa ra.

Žozuwe 7:19

Žozuwe nee Akaŋ se: «Ay izoo, ay gʼa ŋaaray ni ga, ma Abadantaa, Izirayel Koyoo beerandi, yadda ni layboo ga a jine. Hayaa har ya ne kaŋ nʼnʼa tee, masi haya kul tugu ya ne.»