Zaburey 3:8 - Songhai de Gao Bible

⁸ Tun, Abadantaa! Ay hallasi, ay Koyoo! Zama nʼga agay iberey kul saŋ! Nʼga boro laaley hiɲey kayri.

Zaburey 3:8 ပူးပေါင်းရင်းမြစ်များ

Samiyel 2to 23:12

Šamma koy kay faaroo din gamoo ra ka Filisti borey tangam ka faaroo kom i ga. Abadantaa nʼi noo i ma hin ey, hinay beeri.

Zaburey 119:94

Ni wane nda agay, ay hallasi! Zama ay ga hayey ceeci kaŋ nʼnʼi har.

Zaburey 29:11

Abadantaa ma nga jamaa noo hini, Abadantaa ma albarka daŋ nga jamaa ra kʼi noo alaafiya.

Zaburey 31:16

Ay hunaroo kul sii kala ni kaboo ra, ay kaa agay iberey nda borey kaŋ gʼay gaaray kabey ra!

Zaburey 58:7

Ya Irkoy, hiɲey kayri miɲey ra! Abadantaa, ganjihayla soogey hiɲey kayri-kayri!

Zaburey 72:17

Nga maaɲoo ma cindi hala abada, kullihinne waynaa ga bara, nga maaɲoo ma bara. Nga bande borey ma duu albarka, gandawey kul ma nee kaŋ a duu gomni.

Zaburey 9:20

Tun Abadantaa, adamize masi hin! Gandawey ma ciitandi ni jine.

Yaasawey 21:31

Bari ga soolandi wongu zaari se, hinyan manʼti kala Abadantaa wane.

Yunusa 2:9

Tooru yaada ganakey na Abadantaa yankar ka mooru nga arrahamaa.

Kabuyaney 10:35

Sundukoo koyyanoo ga, Musa ga nee: «Tun Abadantaa, hala ni iberey ma say, borey kaŋ ga konna ni ma zuru ni jine.»

Teegoyey 3:26

War do Irkoy jin ka nga tamoo donto kʼa sanba war se hala a ma albarka daŋ war ra ka war affoo kul bere kʼa kaa nga laalaroo ra.»

Teegoyey 4:12

Boro tana sii no kaŋ ra hallasiyan goo, zama maa tana mana nondi koyne aduɲɲa ra adamizey game kaŋ bande ir ga hima ka hallasi.»

Efez borey batagaa 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. A na nga Hundoo albarka dumey kul daŋ ir ra beenaa nongey ra Almasihu alhormaa ra.

Eberewey batagaa 6:14

A nee: «Šikka sii ay ga albarka boobo daŋ ni ra, ay ga hanse ka ni boobandi.»

Piyer bataga 1na 3:9

War masi ifutu ka ifutu bana, war masi šenni futu bana nda šenni futu, amma wa albarka daŋ, zama woo se war ciyandi hala war ma duu ka albarkaa tubu.

Bangandiroo 19:1

Woo banda ga, ay maa ma nee alžama boobo jinde beeri beenaa ra kaŋ ga nee: «Aleluya! Hallasiyan, nda darža, nda hini ti ir Irkoy wane.

Bangandiroo 7:10

I ga jinde jer ka kaati ka nee: «Hallasiroo manʼti kala ir Koyoo kaŋ ga goro kokoy gorodogoo boŋ nda Feeji-izoo wane.»