Zaburey 3:4 - Songhai de Gao Bible

⁴ Ka gar ni, Abadantaa ti ay koraa, ni ti ay daržaa, nʼgʼay boŋoo jer.

Zaburey 3:4 ပူးပေါင်းရင်းမြစ်များ

Šintinoo 15:1

Hayey wey banda ga, Abadantaa na šenni har Ibirim se bangayyan ra ka nee a se: «Masi hunbur haya kul, Ibirim! Agay no ma tee ma ne koray. Ni sufuraa ga hanse ka beeri.»

Zaburey 119:114

Ni ti nongoo kaŋ ra ay ga tugu nda ay koraa, ay ga naata ni meešennoo ga.

Zaburey 138:3

Hanoo kaŋ ay na ni cee, nʼnʼay zaabi, nʼnʼay hundoo noo bine nda gaabi.

Zaburey 18:3

Abadantaa ti ay Tondoo, ay nongu gaabantaa, ay feerikaa. Ay Koyoo, ay Tondoo, nga ga ay ga wakkal, nga ti ay koraa, ay hallasikaw gaabantaa, nongoo kaŋ ra ay ga tugu.

Zaburey 2:6

«Agay hunday no kʼay kokoyoo gorandi Siyoŋ tondi hondu henanantaa ga.»

Zaburey 27:6

Sohõ ay gʼay boŋoo jer ka bisa agay iberey kaŋ gʼay kuubi kʼay bere, ay ga cilili ka sargariyaŋ kaa Abadantaa se nga hukkumoo ra, ay ga don ka Abadantaa saabu nda zaburyaŋ.

Zaburey 28:7

Abadantaa ti ay gaaboo nda ay koraa, nga ga ay binoo ga talfi, ay ga duu faabari. Ay binoo ga ɲaali, ay gʼa saabu nda ay doonoo.

Zaburey 34:4

Wa Abadantaa beerandi ay bande, ir ma maaɲoo jer cere bande!

Zaburey 34:6

Borey kaŋ moɲey goo a ga ndumey ga dii garaw, ndumey si kukuši.

Zaburey 43:3

Ni gaayoo nda ni cimoo cebe! I mʼay gongu, i mʼay ka koy ni tondi hondu henanantaa nda ni gorodogey do!

Zaburey 50:15

Mʼay cee zarabi zaari hane, ay ga ni feeri, mʼay beerandi.

Zaburey 62:8

Ay hallasiroo nda ay daržaa sii kala Irkoy ra, tondoo kaŋ gʼay noo gaabi, nda nongoo kaŋ ra ay gʼay boŋ talfi ti Irkoy.

Zaburey 84:12

Zama Abadantaa Irkoy manʼti kala wayna nda koray, Abadantaa ga anneema nda darža noo, a si gomni kul wanji borey se kaŋ ga dira nda laadirtaray.

Zaburey 89:19

Zama ir koraa sii kala Abadantaa kone, Izirayel Koy Henanantaa wane nda ir kokoyoo.

Zaburey 91:15

A gʼay cee, ay gʼa zaabi. Waati šenda ra, agay hunday goo a bande, ay gʼa kaa a ra, ay gʼa beerandi.

Zaburey 99:9

Wa Abadantaa, ir Koyoo jer, wa sujudu nga tondi hondu henanantaa here, zama Abadantaa, ir Koyoo ga henan.

Yaasawey 2:7

A ga koyjineyan jisi boro šerrantey se, koray no borey se kaŋ ga dira laadirtaray ra,

Matiyu 7:7

«Wa Irkoy ŋaaray, a ga war noo, wa ceeci, war ga duu, wa kara-kara, a ga feera war se.

Žak batagaa 5:13

Boro goo war ra kaŋ ga zarabi wala? A ma Irkoy ŋaaray. War boro kaŋ ga ɲaali, a ma don ka Irkoy saabu.